عشق

[شمشاد]

یہ حسن تیرا یہ عشق میرا
رنگین تو ہے بدنام سہی
مجھ پر تو کئی الزام لگے
تجھ پر بھی کوئی الزام سہی
(ساحر لدھیانوی)

 

[الف نظامی]

عشقِ بتاں سے ہاتھ اٹھا، اپنی خودی میں ڈوب جا
نقش ونگارِ دیر میں خونِ جگر نہ کر تلف

 

[الف عین]

ایک دیوانہ پھرے ہے کہ جسے عشق کیہں
رات بے رات قدم گھر سے نہ باہر رکھئے

 

[الف نظامی]

نگاہِ عشق دلِ زندہ کی تلاش میں ہے
شکارِ مردہ سزاوارِ شاہباز نہیں

 

[شمشاد]

میرے جیسے بن جاوُ گے جب عشق تمہیں ہو جائے گا
دیواروں سے سر ٹکراو گے جب عشق تمہیں ہو جائے گا
(سعید راہی)

 

[افتخار راجہ]

یہ عشق میر کا ابھی جواں نہیں ہوا
بڈھوں کا دل ابھی ناتواں نہیں ہوا

 

[تیشہ]

ہا ہا ہا ،

ایک شخص نے بس میں اپنے قریب بیٹھے ہوئے مایوس اور افسردہ شخص کو دیکھھ کر باتوں باتوں میں کہا ،!
مجھے لگتا ھے کہ جیسے آپ نے زندگی میں عشق کیا اور نا کام ہوگئے ،
وہ صاحب جھلا کر بولے َ،
میں نے زندگی میں ایک ہی بار عشق کیا تھا اور بد قسمتی سے کامیاب بھی ہوگیا ،۔

 

[الف عین]

خوب مگر بوچھی، شعر کہاں گیا۔ عرض ہے:
کریں تبلیغِ دینِ عشق گھر گھر
عبید ایسے پیمبر ہو گئے ہیں۔

 

[شمشاد]

دیکھنا بھی تو انہیں دور سے دیکھا کرنا
شیوہِ عشق نہیں حسن کو رسوا کرنا
(حسرت موہانی)

 

[الف نظامی]

کریں تبلیغِ دینِ عشق گھر گھر
عبید ایسے پیمبر ہو گئے ہیں۔
اعجاز اختر صاحب بہت خوب۔۔ سارا کلام سنائیں تو کیا مزا ہو۔
یا عقل کی روباہی ، یا عشقَ یداللہی
یا حیلہ افرنگی ، یا حملہ ترکانہ

 

[شمشاد]

زندگی صرف محبت نہیں کچھ اور بھی ہے
زلف و رخسار کی جنت نہیں کچھ اور بھی ہے
بھو ک و پیاس کی ماری ہوئی اس دنیا میں
عشق ہی اک حقیقت نہیں کچھ اور بھی ہے

 

[الف نظامی]

مٹ جا حضور ﷺ کے عشق میں تیرا مقام ہے یہی
عشق کی بارگاہ میں جلووں کی کچھ کمی نہیں

 

[شمشاد]

تنہائی کے جھولے جھولو گے، ہر بات پرانی بھولو گے
آئینے سے تم گھبراو گے جب عشق تمہیں ہو جائے گا
(سعید راہی)

 

[الف نظامی]

عقل کولذتِ عرفانِ محمدﷺ نہ ملی
عشق کے ہاتھ یہ نایاب خزینہ آیا

 

[شمشاد]

جب سورج بھی کھو جائے گا، اور چاند کہیں سو جائے گا
تم بھی گھر دیر سے جاو گے جب عشق تمہیں ہو جائے گا
(سعید راہی)

 

[الف نظامی]

عقل والوں کے نصیبوں میں کہاں ذوقِ جنوں
عشق والے ہیں جو ہر چیز لٹا دیتے ہیں

 

[شمشاد]

ہر بات گوارہ کر لو گے، منت بھی اَتارا کر لو گے
تعویزیں بھی بندھواوُ گے جب عشق تمہیں ہو جائے گا
(سعید راہی)

 

[الف نظامی]

عشق دمِ جبریل ،عشق دلِ مصطفی
عشق خدا کا رسول ،عشق خدا کا کلام

 

[شمشاد]

بے چینی بھی بڑھ جائے گی اور یاد کسی کی آئے گی
تم میری غزلیں گاؤ گی جب عشق تمہیں ہو جائے گا
(سعید راہی)

 

[الف نظامی]

بچھائی ہے جو کہیں عشق نے بساط اپنی
کیا ہے اس نے فقیروں کو وارثِ پرویز