عید اور چاند رات کے موضوعات پر اشعار!

[محمد تابش صدیقی]

گرم گرم روٹی توڑی نہیں جاتی
آپ سے دوستی چھوڑی نہیں جاتی

سرگوشی

اب تک نہیں معلوم ہو سکا اس شعر کا عید یا چاند رات سے کیا تعلق ہے۔

اسی دوستی کے ناطے تو کارڈ بھیجا جا رہا ہے۔

 

[فرقان احمد]

کون سی چیز میں اس عید کا تحفہ بھیجوں
پیار بھیجوں کہ ۔۔۔۔۔۔۔ دعاؤں کا ذخیرہ بھیجوں
بربط قلب کی پر سوز ۔۔۔۔۔۔ صدائیں بھیجوں
دل مجروح کی پاکیزہ ۔۔۔۔۔۔۔۔۔ دعائیں بھیجوں

 

[محمد وارث]

کون سی چیز میں اس عید کا تحفہ بھیجوں
پیار بھیجوں کہ ۔۔۔۔۔۔۔ دعاؤں کا ذخیرہ بھیجوں
بربط قلب کی پر سوز ۔۔۔۔۔۔ صدائیں بھیجوں
دل مجروح کی پاکیزہ ۔۔۔۔۔۔۔۔۔ دعائیں بھیجوں

میرے خیال میں نقد عیدی کا تحفہ بہترین رہے گا۔

 

[محمد عدنان اکبری نقیبی]

میرے خیال میں نقد عیدی کا تحفہ بہترین رہے گا۔

واہ قبلہ کا ہی خوبصورت مشورہ عطا فرمائے ہیں ۔سبحان اللہ جی سبحان اللہ ۔

 

[محمد تابش صدیقی]

واہ قبلہ کا ہی خوبصورت مشورہ عطا فرمائے ہیں ۔سبحان اللہ جی سبحان اللہ ۔

فوراً مشورہ پر عمل کیجیے۔
بلکہ نقد چھوڑیے، آن لائن ٹرانسفر کر دیجیے۔

 

[یاز]

فوراً مشورہ پر عمل کیجیے۔
بلکہ نقد چھوڑیے، آن لائن ٹرانسفر کر دیجیے۔

ایزی پیسہ بھی چلے گا۔

 

[فرقان احمد]

آج یاروں کو مبارک ہو کہ صبح عید ہے
راگ ہے، مے ہے، چمن ہے، دل ربا ہے، دید ہے!

(آبرو شاہ مبارک)

 

[لاریب مرزا]

بھئی چاند رات آن پہنچی ہے۔ کوئی تابش بھائی اور جماعتی بھائی کی خبر ہی لے لیں۔ وہ اعتکاف سے اٹھے ہوں گے۔

غالباً تابش بھائی تو سب سے پہلے پاک بھارت کرکٹ کے فائنل میچ کی جھلکیاں دیکھیں گے اور جہاں تک جماعتی بھیا کا تعلق ہے تو وہ فی الوقت کسی سٹیشن پر بیٹھے ہوئے چائے پی رہے ہوں گے۔ امید ہے، کچھ دیر بعد وہ خود ہی ہمیں مطلع فرمائیں گےکہ کیا ہو ریا اے۔

محمد تابش صدیقی حسن محمود جماعتی
ان مراسلات کو پڑھ کے یاد آیا کہ پچھلے رمضان میں ان دنوں آپ بھائی لوگ اعتکاف بیٹھے تھے اور پاک بھارت کا زبردست فائنل میچ ہوا تھا۔ اس پر ایک دلچسپ لڑی بھی بنی تھی۔ حیرت انگیز طور پہ نبیل بھائی نے بھی تبصرہ جات میں حصہ لیا تھا۔ خوب مزا آیا تھا اس دن۔

 

[لاریب مرزا]

اب کے پھر عید کارڈ میں اس نے
لفظ اک بے دھیان لکھا ہے
پھر میری عید کرکری کر دی
پھر مجھے بھائی جان لکھا ہے

اے خان امید واثق ہے کہ آپ کا غم کچھ غلط ہو گیا ہو گا۔

 

[اے خان]

اب کے پھر عید کارڈ میں اس نے
لفظ اک بے دھیان لکھا ہے
پھر میری عید کرکری کر دی
پھر مجھے بھائی جان لکھا ہے

اے خان امید واثق ہے کہ آپ کا غم کچھ غلط ہو گیا ہو گا۔

 

[اے خان]

اب کے پھر عید کارڈ میں اس نے
لفظ اک بے دھیان لکھا ہے
پھر میری عید کرکری کر دی
پھر مجھے بھائی جان لکھا ہے

یہ کلام آپ کا ہے؟

 

[محمد تابش صدیقی]

یہ کلام آپ کا ہے؟

غالباً سرفراز شاہد

 

[اے خان]

سب لوگ دیکھتے ہیں کھڑے چاند عید کا

مشتاق ہوں میں‌رشک قمر تیری دید کا

 

[اے خان]

غالباً سرفراز شاہد

سرفراز بے چارہ

 

[فرقان احمد]

کچھ ستارے تری پلکوں پہ بھی روشن ہوں گے
کچھ رُلائے گا مجھے بھی تِرا غم، عید کے دِن!

 

[فہد اشرف]

ہلال عید کا ہر چند ہو جہاں مشتاق
تمہاری ابروؤں کا سا اشارہ کیا کرتا
آتش

 

[فرقان احمد]

گئے برس کی عید کا دن کیا اچھا تھا
چاند کو دیکھ کے اس کا چہرہ دیکھا تھا

فضا میں کیٹسؔ کے لہجے کی نرماہٹ تھی
موسم اپنے رنگ میں فیضؔ کا مصرعہ تھا

دعا کے بے آواز الوہی لمحوں میں
وہ لمحہ بھی کتنا دل کش لمحہ تھا

(پروین شاکر)

 

[فرقان احمد]

ماہ نو دیکھنے تم چھت پہ نہ جانا ہرگز
شہر میں عید کی تاریخ بدل جائے گی

جلیل نظامی

 

[فرقان احمد]

دے انہیں جنبش کبھی عہد وفا کے واسطے
تیرے ہونٹوں میں‌ نہاں میرا ہلالِ عید ہے

جوش

 

[فرقان احمد]

تم بن چاند نہ دیکھ سکا ٹوٹ گئی امید
بن درپن بن نین کے کیسے منائیں عید

بیکل اتساہی