غم

[ہما]

غمِ حیات سے دل کو ابھی نجات نہیں
نگاہِ ناز سے کہہ دو کہ انتظار کرے​

 

[ہما]

غمِ ہستی کا اسد کس سے ہو جُز مرگِ علاج
شمع ہر رنگ میں جلتی ہے سحر ہونے تک​

 

[ہما]

غمِ زمانہ جسے آپ موت کہتے ہیں
ہمیں یہ موت نہ ملتی تو مر گئے ہوتے​

 

[راجہ صاحب]

نہ گئی تیرے غم کی سرداری
دل میں یوں روز انقلاب آئے
(فیض)

 

[ہما]

غم بھی دیئے کچھ ایسے کہ واپس نہیں لیئے
اُن کے ہماری ذات پر احسان ہی رہے

 

[راجہ صاحب]

پندار ت۔۔۔م۔۔نا ٹوٹ گی۔۔۔ا اب دل کا ع۔۔۔الم کیا ہو گا
پھر جان پہ شاید بن جائے ناکامی کا غم کیا ہو گا

 

[شمشاد]

جب دہر کے غم سے اماں نہ ملی، ہم لوگوں نے عشق ایجاد کیا
کبھی شہر بتاں میں خراب پھرے، کبھی دشتِ جنوں آباد کیا
(ابن انشاء)

 

[ہما]

وہ تیرے حُسن کا جادو ہو کہ میرا غمِ دل
ہر مُسافر کو اسی گھاٹ اُتر جانا ہے ​

 

[راجہ صاحب]

میں نے ہر چند غمِ عشق کو کھونا چاہا
غمِ الفت غمِ دنیا میں سمونا چاہا

 

[نوید صادق]

خوشی تھی اور بہت عارضی تھی خواب ہوئی
یہ غم ہے اس لئے کچھ دیرپا ہی نکلے گا

شاعر: ظفر اقبال

 

[راجہ صاحب]

غم ہے یا خوشی ہے تو
م۔۔۔ی۔ری زن۔۔دگی ہے تو

ناصر کاظمی

 

[نوید صادق]

کتنے دن ڈوب گئے، غم نہ ہوا
کون اس درد کو جانے، آئے

شاعر:احمد مشتاق

 

[راجہ صاحب]

فراز غم بھی ملتے ہیں نصیب والوں کو
ہر اک کے ہاتھ کہاں خزانے لگتے ہیں
(احمد فراز)

 

[محمداحمد]

غم سے بہل رہے ہیں آپ، آپ بہت عجیب ہیں
درد میں ڈھل رہے ہیں‌آپ، آپ بہت عجیب ہیں

پیرزادہ قاسم

 

[راجہ صاحب]

ہم نے بھی وضعِ غم بدل ڈالی
جب سے وہ طرزِ التفات گئی

 

[شمشاد]

دل میں اب یوں ترے بھولے ہوئے غم آتے ہیں
جیسے بچھڑے ہوئے کعبے میں صنم آتے ہیں
(فیض)

 

[راجہ صاحب]

کیا کروں بیمارئِ غم کی فراغت کا بیاں
جو کہ کھایا خونِ دل، بے منتِ کیموس تھا

غالب

 

[شمشاد]

میں اپنی ذات میں نیلام ہورہا ہوں قتیل
غمِ حیات سے کہہ دو خرید لائے مجھے
(قتیل شفائی)

 

[راجہ صاحب]

غمِ عشق میں مزہ تھا جو اسے سمجھ کے کھاتے
یہ وہ زہر ہے کہ آخر، مئے خوشگوار ہوتا

داغ

 

[شمشاد]

خوشی چھنی ہے تو غم کا بھی اعتماد نہ کر
جو روح غم سے بھی اکتا گئی تو کیا ہوگا
(احسان دانش)