فی البدیہہ شاعری (موضوعاتی / غیر موضوعاتی)

[نوید صادق]

سانس لینے کو رک گیا تھا میں
آپ سمجھے کہ میں نہیں شاید

آپ جائیں گے چھوڑ کر محفل!!!
اس طرح کون سوچ سکتا ہے؟؟

 

[نوید صادق]

شعر والے اگر نہیں ملتے
شئیر والوں سے رابطہ کر لو

اس سے آگے کی سوچیے صاحب!
دھوپ آنگن میں بڑھتی جاتی ہے

یہ مرا ملک، میرا پیارا وطن
اس کی حالت خلش بڑھاتی ہے

 

[نوید صادق]

تم نے ڈھونڈا نہیں یہیں شاید
یہ ہے فیصل کی سر زمیں شاید
تھی جو اک شخص کے ’تکلم‘ سے
اب وہ گرمی یہاں نہیں شاید

ہم بھی چپ تھے کہ تھے نہیں شاید
ڈھونڈیے، ہوں یہیں‌کہیں شاید

 

[نوید صادق]

دوستوں کو نظر نہیں شاید
میرے احوال پر نہیں شاید

 

[فیصل عظیم فیصل]

دوستوں کو نظر نہیں شاید
میرے احوال پر نہیں شاید

نظر یاراں سے اب گلہ کرنا
دل کی رہبانیت پہ بھاری ہے

 

[فیصل عظیم فیصل]

ہم بھی چپ تھے کہ تھے نہیں شاید
ڈھونڈیے، ہوں یہیں‌کہیں شاید

آپ خاموش رہ نہیں سکتے
آپ سچ مچ نوید صادق ہیں
آپ کی گفتگو تغزل ہے
گفتگوئے حکیم حاذق ہے

 

[فیصل عظیم فیصل]

اس سے آگے کی سوچیے صاحب!
دھوپ آنگن میں بڑھتی جاتی ہے

یہ مرا ملک، میرا پیارا وطن
اس کی حالت خلش بڑھاتی ہے

اب کہ خود سے فرار مانگے ہے
سوچ میں خلفشار مانگے ہے
یہ خزاں آکے جم گئی ہے یہاں
ہر کوئی اب بہار مانگے ہے
پاک ملت کا حاکم ناپاک
دو کو کھائے ہے چار مانگے ہے
مولوی نام لے کے مولا کا
خود کشی کر کے نار مانگے ہے
اب تو فیصل عجیب راہوں پر
دودھ پینے کو مار مانگے ہے


ّ

 

[فیصل عظیم فیصل]

آپ جائیں گے چھوڑ کر محفل!!!
اس طرح کون سوچ سکتا ہے؟؟

بادشاہ محفلوں سے اٹھ جائیں
ایسا اب تک ہوا نہیں ہوگا

 

[فیصل عظیم فیصل]

روز فتنے نئے جگاتی ہے
یہ لجا سانحے بڑھاتی ہے
بات کھل کر کرو تو بہتر ہے
گفتگو راستے سجھاتی ہے

ہم کہ ارکان ہاشمی ملت
پر فتن دور میں ہوئے پیدا
سانحوں میں سکون پاتے ہیں
اور ہم گفتگو کے ہیں شیدا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


گفتگو کھل کے کر نہیں سکتے
ہم میں کچھ ضبط کی کمی سی ہے

 

[مغزل]

ضبط لازم کہاں کہ ساتھ رکھیں
بے خودی بھی عجیب نعمت ہے

 

[الف عین]

واہ کیا بات ہے نوید و مغل
جان اس سلسلے کو بخشی ہے
میں نے اور اس عظیم فیصل نے
کر کے جاں بخشی، چھوڑ بھی دی ہے

 

[مغزل]

جان اس سلسلے کو ہم نے دی
یہ تو تہمت ہوئی جناب ِ من
آپ کی بات اور ہے صاحب
ہم کہاں پڑھ سکے کتابِ ِمن

 

[فیصل عظیم فیصل]

من کی باتیں نہ سن سکے ہم ہی
اور تہمت انہی کو دے ڈالی۔!
بابا جانی کی بات سچ ہے مغل
یہ تو محفل ہے آپ نے پا لی
ہم نے صادق نوید پائی ہے۔!
مختصر شب ہے جس قدر کالی

 

[مغزل]

باپ رے باپ ایسی باتیں بھی
شعر میں کوئی نظم کرتا ہے ؟؟
فرض کرتے ہیں ، کہد یا ہوتا !
ورنہ یہ کون ہضم کرتا ہے ؟؟

 

[فیصل عظیم فیصل]

ہاضمہ کچھ عجیب لگتا ہے۔۔!
ہم نے یہ دیس لوٹ کھایا ہے
جب سے جمہوریت بلائی ہے
صدر زردار لا بٹھایا ہے
کچھ تو لسانیت کے دل دادہ
کچھ کو ملا نے اب ڈرایا ہے
قوم محکوم ساٹھ سالوں سے
حاکموں نے یہ گھر جلایا ہے
فرد اقوام کا اثاثہ ہیں
یہ تو اقبال نے بتایا ہے
قوم و ملت کا شاعر مشرق
کچھ کتابوں میں ہم نے پایا ہے

 

[نوید صادق]

کون اقبال کو سمجھ پایا
کون اس ملک سے ہوا مخلص
کوئی ہو تو بتاوء، دکھلاوء
کوئی زردار اور کوئی شریف
کوئی الطاف کی بھی لاوء نظیر
ایک سے ایک ہے نمونہ یہاں
ایک سے ایک ہے ہمارے پاس
اور کتنے ہیں, کیا کیا نام گنوں
بوجھ بڑھتا ہے، سوچتا ہوں اگر
دل گھٹا جا رہا ہے، پاکستان!
کیا تھا، کیا ہو گیا ہے، پاکستان!

 

[نوید صادق]

باپ رے باپ ایسی باتیں بھی
شعر میں کوئی نظم کرتا ہے ؟؟
فرض کرتے ہیں ، کہد یا ہوتا !
ورنہ یہ کون ہضم کرتا ہے ؟؟

میرا لکھا جو ہضم ہو نہ سکے
ہاجمولہ کی گولیاں بھیجوں

 

[فاتح]

کون اقبال کو سمجھ پایا
کون اس ملک سے ہوا مخلص
کوئی ہو تو بتاوء، دکھلاوء
کوئی زردار اور کوئی شریف
کوئی الطاف کی بھی لاوء نظیر
ایک سے ایک ہے نمونہ یہاں
ایک سے ایک ہے ہمارے پاس
اور کتنے ہیں, کیا کیا نام گنوں
بوجھ بڑھتا ہے، سوچتا ہوں اگر
دل گھٹا جا رہا ہے، پاکستان!
کیا تھا، کیا ہو گیا ہے، پاکستان!

میرا لکھا جو ہضم ہو نہ سکے
ہاجمولہ کی گولیاں بھیجوں

آس تھی اک نویدِ صادق کی
یاس کی سب دلیل گزرے ہیں
گو شکم پر نہیں مگر دل پر
شعر تیرے ثقیل گزرے ہیں
​

 

[نوید صادق]

آس تھی اک نویدِ صادق کی
یاس کی سب دلیل گزرے ہیں
گو شکم پر نہیں مگر دل پر
شعر تیرے ثقیل گزرے ہیں
​

شام سے دل بجھا بجھا سا ہے
میں نے دیکھا ہے خبر نامہ آج
الٹے سیدھے بیان ہیں سب کے
کوئی ایسا نہیں سیاست میں
کوئی ایسا نہیں حکومت میں
جس سے امید رکھ سکیں کوئی
بھائی صاحب! عجیب حال ہے آج

 

[فاتح]

شام سے دل بجھا بجھا سا ہے
میں نے دیکھا ہے خبر نامہ آج
الٹے سیدھے بیان ہیں سب کے
کوئی ایسا نہیں سیاست میں
کوئی ایسا نہیں حکومت میں
جس سے امید رکھ سکیں کوئی
بھائی صاحب! عجیب حال ہے آج

دیس کا حال یہ ازل سے ہے
کچھ نہ بدلا ہے اور نہ بدلے گا
خوف، حزن و ملال، یاس و الم
یہ خبر نامہ اور کیا دے گا
​