فی البدیہہ شاعری (موضوعاتی / غیر موضوعاتی)

[الف عین]

شاہ فیصل اگر نہیں آئیں
ساری دنیا خموش رہتی ہے

 

[ابن سعید]

شاہ فیصل اگر نہیں آئیں
ساری دنیا خموش رہتی ہے

ان کی آمد ذرا ذرا سی سہی
پر جب آتے ہیں خوب آتے ہیں

 

[فیصل عظیم فیصل]

مندرجہ ذیل برادرم اجمل شوبی کے لیئے انکی فرمائش پر لکھی ہے

رات کے پہلے پہر
سردیوں کے کہرے میں
بے نور راہوں پر
اسے ہی ڈھونڈوں
یہ سوچ کر میں نکل پڑا تھا
مگر کہیں پر
مری جبیں پر
وہ خط نہیں تھا
کہ جس کی منزل
وہ ہمسفر تھا
میں رات بھر ہونہی چلتا رہا
اور جلتا رہا
اسی کو پاؤں یہ سوچ کر ہاتھ ملتا رہا
مجھے ملا وہ سحر سے پہلے
تو میں نے اس سے یہی تھا پوچھا
جناب حضرت جو ہمسفر ہوں
حیات من میں تو خوب ہوگا
وہ ہنس پڑا تھا
کہ میرا کہنا بہت بڑا تھا
اسی نے مجھ سے
یہ کہ دیا تھا
جو اگلی شب کو ملیں گے ہم تو
"جو آپ چاہو" وہی ملے گا
وہی ملے
پھر اسکے وعدے پہ کتنی شامیں
گزر گئی تھیں ۔ شبوں کو لیکر
مگر مجھے وہ نہیں ملا تھا
نہیں ملا تھا
کہیں بھی ہمدم نہیں ملا تھا


برادرم اجمل شوبی نے یہ عنوان دیا تھا مجھے کہ "جو آپ چاہو لکھ" ڈالو سو لکھ دیا انکے پروگرام کے لیئے میرا ایک ناچیز سا تحفہ

 

[فیصل عظیم فیصل]

ان کے دم سے تھی روشنی ہر سو
پھر وہ آنے لگے ذرا کم کم

روشنی دم بدم نہیں ہوتی
اور یہ کم بھی کم نہیں ہوتی

زخم دل کے ہرے سے ہونے لگے
کیوں یہ موضوع چھیڑا ہے ہم دم

وارثِ عشق دل سے زخمی ہے
بے رحم آنکھ نم نہیں ہوتی

ہم نے ان سے کہا کہ آجائیں
پر وہ کہتے ہیں ہم نہ آئیں گے
ہاں مگر اتنی لاج رکھ لی ہے
گھر پہ بیٹھیں گے مسکرائیں گے

گھر کا رخ تک نہیں کیا ہم نے
اب تلک دیس میں بدیسی ہیں

شاہ فیصل اگر نہیں آئیں
ساری دنیا خموش رہتی ہے

شاہ فیصل ہے مملکت سے جدا
بیوی بچوں سے دور بیٹھا ہے
منہ سے اسکے بھی کچھ ندارد ہے
سر گریباں حضور بیٹھا ہے

ان کی آمد ذرا ذرا سی سہی
پر جب آتے ہیں خوب آتے ہیں

آپ کی بندہ پروری ہے حضور
آپ سمجھے ہیں خوب آتے ہیں

 

[الف عین]

بیوی بچے نہیں تو غم ہے کیوں
دل لگانے کو اردو محفل ہے
روز آیا کرو تو بہتر ہے
ورنہ تنہائی سمِ قاتل ہے

 

[ابن سعید]

لوگ آتے ہیں لوگ جاتے ہیں
بعد مدت کے لوٹ آتے ہیں
ٹک تبسم بہت ضروری ہے
آؤ سب مل کے مسکراتے ہیں

 

[محمد خلیل الرحمٰن]

تم جو آجاؤ تو ہم گھر کو سجالیں گے حضور
ورنہ تنہائی ہمیں کاٹنے آئے گی ضرور

 

[محمد خلیل الرحمٰن]

لوگ جاتے ہیں ، بھول جاتے ہیں
پیچھے ان کے جو رشتے ناطے ہیں
ہم نے مانا کہ لوٹ آؤ گے
یاد کے ہم دیے جلاتے ہیں

 

[محمد خلیل الرحمٰن]

آپ ایسے جو مسکراتے ہیں
پھول گویا نظر چراتے ہیں
آپ کی مسکراہٹوں پہ فدا
ہم تو ویسے ہی ہوتے جاتے ہیں

 

[محمد خلیل الرحمٰن]

دل لگانے کو اردو محفل ہے
ورنہ تنہائی زہرِ قاتل ہے
روز آتے ہیں دل بہلتا ہے
ہائے سینے میں کیسا یہ دِل ہے

 

[فیصل عظیم فیصل]

بیوی بچے نہیں تو غم ہے کیوں
دل لگانے کو اردو محفل ہے
روز آیا کرو تو بہتر ہے
ورنہ تنہائی سمِ قاتل ہے

آپکو علم ہے مرے صاحب
ہم ہیں دیوانگی کے متعلم
چاہتیں آپ کی بہت ہم کو
ورنہ خاموش ہم ہیں متکلم

 

[فیصل عظیم فیصل]

لوگ آتے ہیں لوگ جاتے ہیں
بعد مدت کے لوٹ آتے ہیں
ٹک تبسم بہت ضروری ہے
آؤ سب مل کے مسکراتے ہیں

آپ کی چاہتیں عزیز ہمیں
یہ سعادت ہمی کو ملنا تھی
"مبتسم" آپ کو کیا ہم نے
دوریاں اس طرح سے سلنا تھیں

 

[فیصل عظیم فیصل]

تم جو آجاؤ تو ہم گھر کو سجالیں گے حضور
ورنہ تنہائی ہمیں کاٹنے آئے گی ضرور

ہم وہاں تھے تو سدا دور کیا کرتے تھے
آج ہم دور ہیں تو گھر کا سجانا کیسا

 

[فیصل عظیم فیصل]

لوگ جاتے ہیں ، بھول جاتے ہیں
پیچھے ان کے جو رشتے ناطے ہیں
ہم نے مانا کہ لوٹ آؤ گے
یاد کے ہم دیے جلاتے ہیں

رشتے ناطے ضرورتوں کے سراب
اس لیئے لوگ بھول جاتے ہیں
جانے والے کو پھول کر سارے
پھر نئی "محفلاں" سجاتے ہیں

 

[فیصل عظیم فیصل]

آپ ایسے جو مسکراتے ہیں
پھول گویا نظر چراتے ہیں
آپ کی مسکراہٹوں پہ فدا
ہم تو ویسے ہی ہوتے جاتے ہیں

جب ملو مسکرا کے ملتے ہو
اپنے سب دکھ چھپا کے ملتے ہو
دور اس سے نفاق ہوتا ہے
جب کبھی دل ملا کے ملتے ہو

 

[فیصل عظیم فیصل]

دل لگانے کو اردو محفل ہے
ورنہ تنہائی زہرِ قاتل ہے
روز آتے ہیں دل بہلتا ہے
ہائے سینے میں کیسا یہ دِل ہے

دل بہلنے کو محفلیں سجتی
زہر پی پی کے رات کٹتی ہے
محفلیں "یار" کے بنا سونی
عقل یاراں اسی پہ "سٹتی" ہے

 

[محمد خلیل الرحمٰن]

شمشاد بھائی آپ بھی کچھ بولیے حضور
ویسے تو داد آپ ہمیں دیتے ہیں ضرور
جب بھی کبھی جواب ہمیں آپ نے دیا
وللہ اس سے آپ ہمیں آگیا سُرور

 

[محمد خلیل الرحمٰن]

فیصل عظیم فیصل بھائی
فیصل عظیم شاعرِ محفل ہیں برملا
ہر شعر کا جواب انھوں نے ہے یوں دیا
کہنے کو شعر کہتے ہیں گو ہم ، انھوں نے آج
ہم چھوٹے شاعروں کو تو گونگا سا کردیا

 

[محمد خلیل الرحمٰن]

نبیل بھائی، الف عین استاد محترم
بھائی نبیل آپ ہی کچھ منہ سے بولیے
گنجینہ ء معانی کو کچھ ایسے کھولیے
اعجاز بھائی آئیں تو کچھ ڈانٹ نہ پڑے
ہم نے تو خونِ دل میں قلم ہیں ڈبولیے

 

[محمد خلیل الرحمٰن]

مغزل بھائی
شعروں کی انجمن میں کچھ ایسے کھوگئے
بھائی مغل کہیں پر معمور ہوگئے

چہرہ دکھایا ہم کو، بس ایک ہی جھلک
اور اس کے بعد ہم سے کچھ دور ہوگئے