فی البدیہہ شاعری (موضوعاتی / غیر موضوعاتی)

[فیصل عظیم فیصل]

اور میں نے یوں پڑھا کہ "فقط محفل میں تمہاری جان چاہتا ہوں"

آپ ابن سعید ہیں ممدوح۔۔!
آپ کو قتل ناگہاں مسموح

 

[فیصل عظیم فیصل]

ہیں مری جان کے درپے سرِ محفل گویا
شاہِ شمشاد قداں، خسروِ شیریں دہناں
﴿دوسرا مصرع خواجہ حافظ شیرازی کا ہے﴾

اس بہانے ہی سہی آپ تو آئے حضرت
آمد شاکر پہ ہم شکور ہو جائیں یہاں۔۔۔!

 

[فیصل عظیم فیصل]

عدم آباد سے علامہ یہاں کیوں آئے
کیا وہاں ان کے سخن کا کوئی سامع نہ ملا ؟

سامعینِ خوب یاں بھی ہیں وہاں بھی ہیں حضور
عدم سے آیا کیئے تو اٹھ کے استقبال ہو۔۔۔۔۔۔!

 

[فیصل عظیم فیصل]

ملک عدم تو ننگے پنڈے آیا ایس جہانے
اک سخن دی خاطر بندیا ۔ ۔ ! انّا پینڈا کیتا
﴿انور مسعود بہ ترمیم﴾

لمیاں راہواں نال اڈیکاں یار دیاں
یاراں باہجوں یاراسنگتاں ماردیاں

 

[فیصل عظیم فیصل]

یہ وہا ں "قالو بلی" بھول گئے تھے شاید ۔!
اسی پچھتاوے میں یاں نغمہ سرا ہوتے ہیں

نغمہ سرا تو خوب ہوئے ہیں سبھی یہاں
ہم نے بھی سوچ سوچ کے محفل میں کہ دیا

 

[شاکرالقادری]

نغمہ سرا تو خوب ہوئے ہیں سبھی یہاں
ہم نے بھی سوچ سوچ کے محفل میں کہ دیا

لیکن کلید شہر سخن جس کے پاس تھی
وہ فاتحِ جہانِ سخن رہ گیا کہاں

 

[فاتح]

لیکن کلید شہر سخن جس کے پاس تھی
وہ فاتحِ جہانِ سخن رہ گیا کہاں

دستِ قدرت آپ کا چاہے بنائے جو جسے
ہم تو اس پر شاکرِ شاکر ہوئے جاتے ہیں بس

 

[ابن سعید]

باہمی مدحت کا سمجھوتہ ہوا کچھ اس طرح
"من ترا حاجی بگویم تو مرا حاجی بگو"

 

[فیصل عظیم فیصل]

باہمی مدحت کا سمجھوتہ ہوا کچھ اس طرح
"من ترا حاجی بگویم تو مرا حاجی بگو"

یہ کوئی محفل ستائش باہمی کی تو نہیں
سچ کہیں مدحت نہیں تو یار ہونگے دو بدو
یار کہتے ہیں جسے وہ ہر خطا بتلائے ہے۔۔!
من ترا حاجی بگویم تو مرا “ ملا “ بگو

 

[فیصل عظیم فیصل]

لیکن کلید شہر سخن جس کے پاس تھی
وہ فاتحِ جہانِ سخن رہ گیا کہاں

جہان سخن کے فاتح یہاں بھی آتے ہیں
ہمیں بھی ان سے یہ کہنا ہے شکریہ حضرت

 

[فیصل عظیم فیصل]

دستِ قدرت آپ کا چاہے بنائے جو جسے
ہم تو اس پر شاکرِ شاکر ہوئے جاتے ہیں بس

بشارت فتح کی ہو اور رنگ دینی ہو ۔۔۔!
سحر میں گھر کا دہی ہو ملائی چینی ہو
جو ایک اور ملے گی تو ہم بھی کر لیں گے
ذرا سے قد کی جو ناٹی ہو ناک پھینی ہو

 

[الف عین]

بشارت فتح کی ہو اور رنگ دینی ہو ۔۔۔!
سحر میں گھر کا دہی ہو ملائی چینی ہو
جو ایک اور ملے گی تو ہم بھی کر لیں گے
ذرا سے قد کی جو ناٹی ہو ناک پھینی ہو

یہاں تو ایک کو ہی جھیلنا ہے کوہِ گراں
خوشا وہ لوگ جو حسرت زیادہ رکھتے ہیں

 

[فیصل عظیم فیصل]

یہاں تو ایک کو ہی جھیلنا ہے کوہِ گراں
خوشا وہ لوگ جو حسرت زیادہ رکھتے ہیں

اگر ایک گولی سے بچنا ہو ممکن۔۔!
تبھی ہم کہیں گے ہمیں بھون ڈالو

 

[فیصل عظیم فیصل]

بہت دنوں سے ہمیں آرزو تھی کچھ کہتے
مگر یہ ہو نہ س۔۔۔۔۔۔کا محفلیں پرائی تھیں
جو کھینچ ہم کو بلائے تھا روز محفل میں
اسی جبیں پہ عجب سی لکیر آئی تھی
کبھی کبھی جو مڑے ہم تو کچھ لگا ایسا
نہیں تھیں یہ وہ محافل مگر ہوائی تھیں


جو ہم نے پھر سے یہ دیکھا کہ ہے وہی محفل
صبح کے نکلے پرندے کی ط۔۔۔۔۔۔۔۔۔رح لوٹ آئے

 

[مغزل]

جناب و قبلہ و کعبہ عظیم ، فیصل عظیم
خوش آمدید، میاں پھر سے بزمِ الفت میں

 

[فیصل عظیم فیصل]

آپ اجمل بھی اور شوبی ہو
اچھے لگتے ہو بات کرتے ہوئے ۔

 

[ابن سعید]

آپ اجمل بھی اور شوبی ہو
اچھے لگتے ہو بات کرتے ہوئے ۔

ان کے دم سے تھی روشنی ہر سو
پھر وہ آنے لگے ذرا کم کم

 

[محمد وارث]

ان کے دم سے تھی روشنی ہر سو
پھر وہ آنے لگے ذرا کم کم

زخم دل کے ہرے سے ہونے لگے
کیوں یہ موضوع چھیڑا ہے ہم دم

 

[محمداحمد]

چھڑ گیا ذکر اُن کا محفل میں​

اُن سے کہیے کہ اب تو آ جائیں​

 

[ابن سعید]

چھڑ گیا ذکر اُن کا محفل میں​

اُن سے کہیے کہ اب تو آ جائیں​

ہم نے ان سے کہا کہ آجائیں
پر وہ کہتے ہیں ہم نہ آئیں گے
ہاں مگر اتنی لاج رکھ لی ہے
گھر پہ بیٹھیں گے مسکرائیں گے