فی البدیہہ شاعری (موضوعاتی / غیر موضوعاتی)

[متلاشی]

بزمِ یاراں میں اب کروں میں کیا بیاں
کچھ بولنے کی مجھ میں ہمت نہیں یہاں
ہم جو بولے تو سب کہیں گے بد زباں
سو اسی کے واسطے ہیں ہم خاموش یاں

ہم نے بھی اپنی سی کوشش کی ہے ۔۔ پتہ نہیں اب یہ اشعار موزوں بھی ہیں کہ نہیں۔۔۔؟ اس لئے پہلے ہی معافی کا خواستگار ہوں۔۔۔!

 

[محمد خلیل الرحمٰن]

شمشاد میاں آپ کی باتوں کا دیں جواب
مشکل ہمیں یہ لگ رہا ہے آج بھی جناب
سرور آپ کو آئے گا تبھی تو میاں خلیل
جب ہم ملیں گے آپ سے کھائیں گے گھی کباب

ہم آپ کو کھلائیں گے کس طرح گھی کباب​

لاہور مستقر ہے، وہیں کے ہوئے جناب​

دِل تو ملے ہوئے ہیں مگر دوریاں بھی ہیں​

اپنی تو عید ہوگی جہاں مِل لیے جناب​

 

[مغزل]

جور و ستم میں جورو کہاں آگئی نظر
اور کچھ کا کچھ بنادیا لفظوں کو پھیر کر
یہ آپ کا کمال ہے ، ہم اور کیا کہیں
آیا نہیں ہمیں تو ایسا حسیں ہنر

اچھی گزر رہی تھی دلِ خود خلیل سے
جَور و ستم سے ’’ جورُو ستم ‘‘ یاد آگئے

 

[فاتح]

اچھی گزر رہی تھی دلِ خود خلیل سے
جَور و ستم سے ’’ جورُو ستم ‘‘ یاد آگئے

جورُو ستم کا ذکر سرِ عام کر دیا
لگتا ہے تم کو جینے کی خواہش نہیں رہی

 

[الف عین]

ہر اک یہاں تو جورُو ستم کا قتیل ہے
جور و ستم یہی ہے کہ خاموش ہیں )سبھی شادی شہداء)
۔۔۔۔۔
یاد آیا کہ پروف ریڈنگ کرتے ہوئے اکثر جورو ستم ہی دیکھا گیا ہے جسے میرا ورڈ املا کی غلطی نہیں دکھاتا!!

 

[فاتح]

آفت زدہ کہیں یا مصیبت زدہ کہیں
بیگم گزیدہ شادی زدہ مرد کو جناب

 

[الف عین]

پانی سے سگ گزیدہ ڈرے جس طرح اسد
ڈرتا ہوں عورتوں سے کہ بیگم گزیدہ ہوں

 

[فیصل عظیم فیصل]

ڈرتے ہیں سب ہی بیگماتِ خونخوار سے
جو بھی کہے میں نہ ڈروں کذاب ہوتوہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابھی کچھ دیر قبل فارغ ہوئے ہیں حادثے کی جگہ سے رپورٹس ڈی سی او کو دینے کے بعد رات کو بیٹھ کر تفصیلی جواب لکھوں گا انشاء اللہ۔

 

[فیصل عظیم فیصل]

بارہ برس سے دور تھا محروم وطن تھا
اب جب ملا تو خوب محبت سے ملاہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معذرت اوریگا کومپلیکس میں آتش زنی کی اطلاع پر فوری طور پر روانگی ہو رہی ہے جب فراغت سے بیٹھا لکھ سکوں گا فی الحال تو

 

[فیصل عظیم فیصل]

آج کتنے دنوں کے بعد ملے
مجھ کو تم اور اور لگتے ہو۔۔!

 

[عین عین]

ہمممم تو یہ ہے وہ لڑی۔ اوکے کل ملتے ہیں صاحبو، ابھی دفتر سے رخصت باندھی جارہی ہے۔ تھکن ہو گئی ہے۔ بہت۔۔۔۔۔۔۔
چلتے ہیں ہم، کل آویں گے

 

[الف عین]

وہ کل تو آج ہو چکی، عارف عزیز جی
اب انتظار میں ہیں تمہارے ہی سارے دوست
وہ ’کل‘ تو تھی نہیں جو کبھی آتی ہی نہیں
’کل کل‘ میں بھاگ ہی نہ لیں سارے بچارے دوست!!

 

[محمد خلیل الرحمٰن]

فیصل عظیم ، فاتح و مغزل بھی ہیں یہاں
استاد عبید ابن سعید اور سارے دوست
اب آبھی جائیں عارف عزیز آپ ہیں کہاں
محفل میں آکے بیٹھ گئے سب ہمارے دوست
استاد عبید نے جو کہا ٹھیک ہی کہا
“کل کل میں بھاگ ہی نہ لیں سارے بچارے دوست”

فاتح بھائی!

 

[ابن سعید]

اس کش مکش میں آج یہ تک بند الجھ گیا
محفل میں حظ اٹھائیں یا سودہ سلف کو جائیں

 

[محمد خلیل الرحمٰن]

سودا سلف کا کیا ہے ، وہ کل آہی جائے گا
محفل میں منتظر ہیں سبھی یار ، سارے دوست

 

[محمد خلیل الرحمٰن]

بھائی نبیل آپ پدھاریں گے کب یہاں
ہم کو تو مارے ڈالے ہے بس انتظارے دوست( انتظارِ دوست)

 

[نبیل]

عزیز از جاں برادر خلیل
آپ کی محبت کے ہم ہیں قتیل
آپ کی خاطر ہم آ تو گئے لیکن
آگے کام نہیں کرتی ہماری عقل قلیل

 

[شاکرالقادری]

آپ کی خاطر ہم آ تو گئے لیکن
آگے کام نہیں کرتی ہماری عقل قلیل

آگئے ہیں تو بہت اچھا کیا اے مہرباں
شعر کہنے کا کوئی لکھ ڈالیے اطلاقیہ

 

[الف عین]

ایک محسن حجاز کا سا تھا،
ایسا اطلاقیہ بنایا تھا
جس سے تقطیعَ شعر ممکن تھی
پھر نہ جانے کہاں گئے وہ بھی
ہاں بھتیجے سعود نے بھی کہا
وہ بھی اطلاقیہ بنائیں گے
دوست شاکر نے اپنا کام کیا
وہ سبھی قافیہ بنائیں گے
کچھ پتہ ہی نہیں ہوا کیا پھر
پھر کوئی پیش رفت ہی نہ ہوئی
بھول بیٹھے یہ کام، کرنے لگے
سارے ’اطلاق کار‘ ’شاعےری‘

 

[الف عین]

معذرت ایک نام بھول گیا، اس میں فاتح بشیرشامل ہیں
غالباً وہ سعود کے ہی ساتھ، ’ایز اے تقطیع سپیشلسٹ‘ تھے