فی البدیہہ شاعری (موضوعاتی / غیر موضوعاتی)

[مغزل]

احمد میاں خدا کیلئے کچھ نہ کچھ کہو
مصرع نہیں تو نہ سہی ، پرسہ ہی دیتے جاؤ

 

[محمداحمد]

ہم بھی کچھ سہمے ہوئے ہیں آج کل
تم بھی کچھ الجھے ہوئے ہو کیا ہوا

 

[فیصل عظیم فیصل]

الجھنون کو سلجھنوں کی آس دیتے جائیے۔۔۔۔!
سہموں کواک چاہت بھرااحساس دیتےجائیے
اک سمندر پی لیا ہے پھر بھی کچھ کم نہ ہوئی
آپ پیاسے کیوں رہیں یہ پیاس دیتےجائیے۔۔!

 

[راجہ صاحب]

چند کلیاں نشاط کی چن کر
مدتوں محو یاس رہتا ہوں
تیرا ملنا خوشی کی بات سہی
تجھ سے مل کر اداس رہتا ہوں

ساحر

 

[الف عین]

راجہ میاں کا راج ہے، جو چاہیں وہ کریں
جو شعر ہوں پسند، وہ اپنا کے یاں لکھیں

 

[محمداحمد]

وارفتگی میں لکھتے گئے ہوں گے ماہراج
ساحر کا شعر ہے توسحر سے کہاں مفر

 

[محسن حجازی]

بڑے بڑے سخنور خاموش ہیں آج
لاہور میں ہڑتال ہے شیاید آج

 

[فرخ منظور]

ایسی ہڑتال تھی کہ ہر دکان پر ہی یہ لکھا دیکھا
"فرصتِ کاروبارِ شوق کسے ذوقِ نظارہِ جمال کہاں"

 

[مغزل]

پچیس میں چھ ملیں گے سموسے دکان سے
اور آٹھ گر خریدئے بتیس روپے کے ہیں۔۔

 

[فیصل عظیم فیصل]

گو کہ سحر ساز نہیں اور فسوں کار نہیں
پھر بھی ہر "بات" ہمیں یاد رہے گی تیری
آئے راجہ یہاں جن کو ہے پرانی عادت۔۔!
محفل اشعار میں کرتے ہیں یہ ہیرا پھیری
ان کے پیغام جو دیکھے تو یہ جانا ہم نے
ان پہ کاری نہیں کوئی بھی نصیحت تیری
جتنے اشعار بھی لکھتے ہیں یہاں محفل میں
کہ کے دھاگے کو یہ اٹھتے ہیں کہ "ہمت تیری"۔۔؟

 

[فیصل عظیم فیصل]

شہر قائد میں رہے ہیں عمر بھر محسن میاں
آئیے لاہور میں ہڑتال دیکھا کیجیئے۔۔۔۔۔!
انکی ہڑتالیں بھی محسن اسطرح کی ہوگئیں
جسطرح لنگر میں بٹتی دال دیکھا کیجئے۔۔!
نہ کوئی نوے یہاں نہ گھر کسی زردار کا
اور اس میں سے قلندر چال دیکھا کیجئے
ڈھول بجتا ہے چراغاں میں مرے لاہور میں
اور رونق خوب مال و مال دیکھا کیجئے ۔
کربلا گامے کی دیکھو اور در دربار کا
اور لوہاری پٹھورے نال دیکھا کیجئے
گر دھرم پورے گئے اور گول گپے نہ ملے
جاکے پھر شاہ نور یخنی حال دیکھا کیجئے
آئیے پھجے کے پائے ، اور نہاری "حاج" کی
یا حضوری باغ کے پنڈال دیکھا کیجئے۔۔۔!
مسجد شاہی کے سائے میں ہے بازار گناہ
ظلم و مجبوری میں لتھڑی شال دیکھا کیجئے





کیا اور کی تمنا ہے یا پھر بس کروں ۔۔۔؟ محسن جان لاہور کی ہڑتال جب جوبن پہ آگئی تو پھر "سنسر" کرنی پڑے گی پھر نہ کہنا بتایا نہیں تھا

 

[الف عین]

فیصل کریں کمال تو دیکھا کریں گے سب
آئے مغل کو حال تو دیکھا کریں گے سب
فاتح کہاں ہیں، اور کہاں وارثِ قتیل
ہو جائیں وہ فعال تو دیکھا کریں گے سب
(فعال کو بے وزن کر دیا ہے، سنجیدگی سے نہ لیا جائے اسے)

 

[محسن حجازی]

او جی لہور لہور اے باقی سب مخول اے
فیصل بھائی کیا لاہور کا جغرافیہ منظوم کیا ہے واہ! بیٹھے بٹھائے سیر ہوگئی۔
ویسے میں لاہوریا ہوں، لاہوری پنجابی بولتا ہوں اور میٹرک تک عمر کے پہلے پندہ سال لاہور میں گزارے، بعد کے پانچ سال بہاولپور اور تین سال سے اسلام آباد میں ہوں لیکن زندہ دلی نہیں گئی پریشانی میں بھی ہنسنے ہنسانے اورکھانے پینے کے بہانے بنا لیتے ہیں۔
لاہور کے سرکاری سکولوں میں بہت مار کھائی ہے استادوں سےبھی اور بسا اوقات لڑکوں سے بھی وہ اصل میں ٹیسٹ نہ دکھانے پر ہوجاتا تھا ناں! ہمارا سارے معاشرے کا خمیر یہیں سے اٹھا ہے۔ کلاس روم میں ٹیسٹ کا نام لینے یا ٹیسٹ نہ دکھانے والے کو باہر نتائج بھگتنے پڑتے ہیں اور معاشرے میں انصاف اور دیانتداری سے فرائض انجام دینے پر سنگین نتائج بھگتنا پڑتے ہیں۔ جسٹس چوہدری کو ہی دیکھ لیجئے۔

 

[محمد وارث]

فیصل کریں کمال تو دیکھا کریں گے سب
آئے مغل کو حال تو دیکھا کریں گے سب
فاتح کہاں ہیں، اور کہاں وارثِ قتیل
ہو جائیں وہ فعال تو دیکھا کریں گے سب
(فعال کو بے وزن کر دیا ہے، سنجیدگی سے نہ لیا جائے اسے)

قدموں میں آپ کے ہی پڑے ہوئے ہیں حضور
ہو جائے گر وصال تو دیکھا کریں گے سب

چپ رہتے ہیں اگر تو ہے یہ ڈر نبیل کا
محفل سے دیں نکال تو دیکھا کریں گے سب

 

[مغزل]

لگتا ہے رخ سے پردہِ اسود ہٹےگا آج
یعنی ترا جمال بھی دیکھا کریں گے ہم

اوروں کی بات چھوڑیئے فیصل عظیم کو
مسند پہ امتثال کی دیکھا کریں گے ہم

یارب میانِ محسن و وارث بہ فیضِ بزم
شعروں کا انتقال بھی دیکھا گریں گے ہم ؟

 

[مغزل]

ارزانیاں اسی طرح ہوتی رہیں تو پھر۔۔
لگتا نہیں ہے دال بھی دیکھا کریں گے ہم

 

[مغزل]

ملبوس کی تو چھوڑیئے ۔۔۔آئندگانِ دہر۔۔۔۔۔۔
ڈھانچوں پہ جانے کھال بھی دیکھا کریں گے ہم ؟

 

[ابن سعید]

حضرت سعود آپ کہاں آ کے پھنس گئے
ان شاعروں کے درمیاں تک بند بن کے آپ

 

[مغزل]

ایسا بھی انکسار نہ برتیں سعود جی

 

[محسن حجازی]

شعر غالب کے ہوں نام ہمارا ہو
اب کے کچھ کام ایسا بھی ہونا چاہئے