فی البدیہہ شاعری (موضوعاتی / غیر موضوعاتی)

[محمداحمد]

ارے صاحب کہاں الجھا رہے ہیں‌ ہم کو دھاگوں میں
کہ ہم تو خود بہت ممنون ہیں، محسن کی تہمت کیوں

 

[الف عین]

ہر اک مقام سے آگے گزر گئے احمد
جو تہمتیں ملیں، ان کو بھی لے کے چلتے بنے!!!

 

[ابن سعید]

چلو چلیں بھئی احمد یہ تہمتیں لیکر
بہت ہی آگے ہیں چاچو بلا رہے ہیں وہیں

 

[مغزل]

چلیے کہ اس بہانے
بھارت سے ہو کے آئیں

 

[محمداحمد]

بہانے بہانے سے بھارت کو جانا
کہیں دل میں کیسی لگن یہ لگی ہے

 

[عین لام میم]

اس محفل کی بات ھے کیا، یہ محفل تو نرالی ھے۔
ہونٹوں پہ سیٹی ھے میرے اور ہاتھوں پہ تالی ھے

رہ نھیں سکتا اب تو میں بھی حاضر ھوئے بغیر
اس محفل نے اپنے دل میں ایسی جگہ بنا لی ہے

 

[عین لام میم]

کوئی ہے مشاق، کوئی ماہر، اور کوئی ہے موڈریٹر
اس محفل میں کوئی بھی ہمسا (مبتدی ) نھیں ملتا!!

 

[مغزل]

جناب پہلے یہاں سب ہی مبتدی تھے مگر
خرامِ عمر ، تجربے سے اب ہیں منصب اور

محفل میں صمیمِ قلب سے خوش آمدید۔۔۔۔ آپ سے التماس ہے کہ تعارف کے سلسے میں اپنا تعارف پیش کیجئے۔۔

 

[محمداحمد]

کوئی ہے مشاق، کوئی ماہر، اور کوئی ہے موڈریٹر
اس محفل میں کوئی بھی ہمسا (مبتدی ) نھیں ملتا!!

عین سے کیا ہے، لام سے کیا ہے ، میم سے کیا مرادہے صاحب
کچھ تعارف اگر جو ہو جائے ، آشنائی کا راستہ نکلے

 

[فرخ منظور]

عین لام میم سے ہم سمجھے کہ یہ علمدار ہیں
اسی حسین کے جن کے ہے دم سے زندہ اسلام

 

[مغزل]

یہ عین لام میم سے بنتا ہے کیا جناب
للہ کچھ بتائیے ، کیجیئے انصرام

 

[عین لام میم]

اتنے پیار سے پوچھا ہے محفل والوں نے
پردہ ہم نہ اٹھاتے تو خود ہی گر جاتا!

عینؔ؂؂ؔ۔ ۔عمیر
لام۔ لطیف
میم۔ ملک

عین لام میم سے سمجھے وہ علمدار
وللہ حسینی عشق سے ھم ہوئے سرشار

عین لام میم سے بنتا ہے ِعلم بھی
زمانہء طالب علمی سے ھیں برسرِ پیکار

عین لام میم ہے اک افسانوی سا نام
شعر و ادب سے ہے ہمیں بہت زیادہ پیار!

 

[مغزل]

عمیر لطیف ملک صاحب۔۔۔۔ خوش آمدید

 

[الف عین]

پہلے کچھ اور نام تھا ان کا، اب اور ہے
اب یہ رہا نہ یاد کہ وہ عرفیت تھی کیا۔۔۔
۔۔ انہوں نے اپنا اسمِ صارف بدلنے کی درخواست کی تھی جو بدل دیا گیا۔ پہلے کا یاد نہیں۔

 

[مغزل]

تبھی تو میں کہوں یہ اوتار دیکھا بھالا کیوں لگتا ہے۔۔

 

[فیصل عظیم فیصل]

عجب پیاروں نے لگایا ہے یہ محفل پہ شُغَل
الف عین پھر ۔لام ۔ میم اور ۔میم سے مغل



شغل لگانا لاہور میں کثرت سے مستعمل ہے جس کا مطلب کسی چیز کا لطف اٹھانا ہے پر مزاح انداز میں اور پنجابی انداز بیاں میں یہ شُ غَ ل بولا جاتا ہے

 

[expensive beauty]

بہت خوب۔۔۔۔۔۔۔۔۔۔۔۔۔۔

 

[expensive beauty]

اچھا ہے۔۔۔۔۔۔۔۔۔۔۔۔۔۔۔۔۔

 

[فیصل عظیم فیصل]

کچھ نئی آمد ہے امید ہے پسند فرمائیں گے


تذکرے یار کے لوگوں سے نہیں ہم کرتے
لٹ گئے ہم بھی کسی گھات کاحصہ نہ بنے
لوگ کہتے رہے "بے نام" جفا قاتل ہے۔۔!
پھر بھی خاموش رہے بات کا حصہ نہ بنے
چشم نم ہے، بند کمرہ اور تکئے کی تری
وہ ترے خواب مری رات کا حصہ نہ بنے
یہ تومعلوم ہے صحرامیں ترا ساتھ سراب
پھر بھی ہم تنگئ جذبات کا حصہ نہ بنے۔۔!

 

[محسن حجازی]

واقعی۔۔۔ شغل لگانے میں جو جامعیت ہے۔۔۔ بڑی بڑی لغات اس کے سامنے ہیچ ہیں۔