یہ قدیر صاحب میں جب صاحب سنتے ہیں تو کچھ عجیب سا تو محسوس ہوتا ہو گا۔ کہ کہاں گھر اور محلے میں ٹکے کی عزت نہیں۔ (ہمسایوں کا گھر نکال کر) اور کہاں یہاں صاحب صاحب کہا جا رہا ہے۔ اسی عجیب احساس پر روشنی ڈالیں۔
=== پہلی بات تو یہ کہ اگر آئندہ تم نے میری ہمسائیوں یا قرب و جوار میں رہنے والے کسی “شخص“ کا نام بھی لیا ، تو یہاں خون خرابہ ہو جائے گا ۔
یہ صاحب والی بات واقعی عجیب ہے ۔ دراصل عام زندگی میں مجھے جناب جناب کہہ کر مخاطب کیا جاتا ہے ۔
تم نے دو ٹکے کی عزت کی بات کی؟ اگر تم مجھے فری ہینڈ دو تو تمہارا پورا کٹھا چٹھا بیان کردوں گا ، اور تم پھر محفل پر نظر نہیں آؤگے ۔ یاد کرو جب تمہارے جہاز نے امریکہ میں لینڈ کیا تھا ، اور ایر پورٹ پر تمہارے کپڑے ، جوتے اتروا کر تلاشی لی گئی تھی
یہاں قدیر بھائی میں جب بھائی سنتے ہیں تو ہمیں تو بڑی ہنسی آتی ہے کہ کہاں ہم نے آپ کی عزت کا فالودہ بنا چھوڑا ہے اور کہاں کوئی اتنے پیار سے کہہ رہا ہے۔ آپ اپنے محسوسات بیان کریں۔ کسی مونث کے منہ سے بھائی سن کر پیدا ہونے والے محسوسات کے لئے ذاتی پیغام کی سہولت استعمال کریں۔ ویسے یہاں پر کوئی سیاسی بیان دے سکتے ہیں تاکہ بچے آپ کے زیادہ خلاف نہ ہوں۔
===تمہاری زبان آج کل بہت چلنے لگی ہے ۔ "نیویارک والے دوست" سے کہہ کر تمہاری جاسوسی کرواؤں گا کہ تم آج کل اتنے چہکتے کیوں پھر رہے ہو ۔
شکر کرو کہہ آج کل میرا موڈ خراب ہے ورنہ ذاتی پیغام میں جو تمہیں سنانا تھا ، وہ یہیں بیان کردیتا ۔ اور یہ تمہارے بچےاتنے بچے کیوں ہیں؟
بسوں کی چھتوں پر آپ کو ہی کیوں سوار کرایا جاتا ہے۔ کیا یہ قدرومنزلت کی وجہ سے ہے کہ آپکو "سر آنکھوں" پر بٹھایا جاتا ہے؟ یا کوئی اور وجہ ہے۔ بس کی چھت پر سب سے زیادہ پریشانی کس بات کی ہوتی ہے؟
===سوار کرایا نہیں جاتا ، ہم خود سوار ہوئے تھے thrill اور ایڈونچر کے لیے ۔ سر آنکھوں پر تو لوگ بٹھانا چاہتے ہیں ، ہم خود نہیں بیٹھتے ۔ تمہارے جیسوں کے سروں میں موجود جوئیں ہمیں نقصان پہنچا سکتی ہیں ، اور تہمارے جیسوں کی آنکھوں میں موجود ککرے تکلیف دے سکتے ہیں ۔
محفل کے تین پسندیدہ ترین ارکان تو سبھی پوچھتے ہیں۔ چونکہ حالات ایسے نہیں کہ آپ تین بتا سکیں لہذا یہ بتا دیں کہ تین ناپسندیدہ ارکان کونسے ہیں؟
=== ان حالات میں ناپسندیدہ بھی نہیں بتا سکتا ۔
آپکا پسندیدہ گانا؟ اگر اس میں "بلو" کا ذکر ہو یا "جی ٹی روڈ" کا یا "پنجابن" کو کسی قابل اعتراض فعل پر مجبور کیا جا رہا ہو تو یہاں بیان کرنے سے پرہیز کریں نہیں تو آپ پر فحاشی کے مقدمات قائم کیئے جا سکتے ہیں۔
===تمہاری زبان واقعی بہت کھل گئی ہے ۔ جب سے مجھے ملے ہو ، میری ذہانت تم میں منتقل ہو گئی ہے ، خیر کوئی بات نہیں میرے پاس اور بھی کافی ہے ۔
نازیہ حسن اور عالمگیر کے بیشتر گانے
دل کی لگی کچھ اور بھی دل کو دیوانہ کرے
سن میرے محبوب سن
شام سے پہلے آنا
celine dion کا a new day has come
اور بہت سے
ہمسائی نے جب پھول پیش کیا تھا تو آپکا پاؤں کیوں سوج گیا تھا؟
=== پھول کے ساتھ کافی ساری محبت اور خلوص بھی تھا ، جو ہاتھ سے چھوٹ کر پاؤں پر گر گیا تھا ۔
پتنگ اڑاتے ہوئے جب چھت ختم ہو گئی تھی تو جہاں گرے تھے وہ وہی سائیڈ کیوں تھی جونسی ہمسائی کے گھر کی تھی؟
=== کاش میں پتنگ اڑانا جانتا ، بلکہ کاش میں خود ہی پتنگ ہوتا ۔ تو یہ سین ہو سکتا تھا ۔
میرا خیال ہے اتنا کافی ہے۔ اتنے کا جواب مفصل اور کرارہ کرارہ دیں تا کہ آپ کی مزید عزت افزائی کا سامان کیا جا سکے۔
==== یار آج کل میرا دماغ کام نہیں کر رہا ، جب فارم میں آیا تو انشاءاللہ تم کافی محظوظ ہو سکو گے ۔
بقول ایک مہربان میری بات سمجھنے کے لئے ڈھیٹ بننا پڑتا ہے۔ کہ ڈھیٹ کو ڈھیٹ ہی سمجھ سکتا ہے۔
