لفظ چائے والے اشعار

[جاسمن]

ملے تو ملنے ، ملانے کا ہوش تک نہ رہے
پڑوسی چائے بنائیں ، وُہ اِتنا دِلکش ہے
شہزادقیس

 

[جاسمن]

اُس سے پوچھو کہ چائے چھوڑو گے؟
گر کہے ہاں تو اُٹھ کے آ جانا
شہزادقیس

 

[جاسمن]

بے وَفائی کی خیر ہے لیکن
ہائے ظالم نے چائے نہ پوچھی
شہزادقیس

 

[جاسمن]

چائے کا کپ تھا ہاتھ میں وَرنہ
ایسے طعنے پہ اُٹھ کے آ جاتا
شہزادقیس

 

[جاسمن]

دیکھ جو چائے چھوڑ سکتا ہے
اُس کی چاہت پہ اَعتبار نہ کر
شہزادقیس

 

[جاسمن]

چائے کا پوچھا ہے حسینہ نے
اس کا مطلب ہے مجھ پہ مرتی ہے
شہزادقیس

 

[جاسمن]

وُہ میٹھی کرتے ہُوئے چائے ، ناز سے بولے
ہم اِتنے بھی نہیں کنجوس،جتنا لکھتے ہو
شہزاد قیس

 

[جاسمن]

گھر کی صفائی، کھانا، بچوں کی دیکھ بھال
لڑکی کو چائے لانا مہنگا بہت پڑا
شہزادقیس

 

[جاسمن]

سویرے اُٹھ کے میں پہلے تو چائے لیتا ہُوں
پھر اُس کے بعد پرندوں سے رائے لیتا ہُوں
شہزادقیس

 

[جاسمن]

جوئے چائے
لڑکیاں دُودھ پیتی ہی کب ہیں
دُودھ کی نہر ہے خرافاتی
چائے کی نہر کھودتا فرہاد
پہلے کپ پر ہی شیریں مل جاتی
شہزادقیس

 

[جاسمن]

مکس اَپ
پیتے ہی چائے دَرد سا اُٹھتا ہے آنکھ میں
اِک شخص نے طبیب کو بتلایا کال پر
جھٹ سے کہا طبیب نے مشکل نہیں علاج
چائے پیو پیالی سے چمچ نکال کر
شہزادقیس

 

[جاسمن]

مہ کدے سارے بند ہو جائیں
چائے کا ایک کپ غنیمت ہے
چائے پیتے ہُوئے مریں گے قیس
چائے سے اِس قَدَر عقیدت ہے
شہزادقیس

 

[جاسمن]

چائے کی پیالی میں نیلی ٹیبلٹ گھولی
سہمے سہمے ہاتھوں نے اِک کتاب پھر کھولی
بشیر بدر

 

[محمد خلیل الرحمٰن]

مہ کدے سارے بند ہو جائیں
چائے کا ایک کپ غنیمت ہے
چائے پیتے ہُوئے مریں گے قیس
چائے سے اِس قَدَر عقیدت ہے
شہزادقیس

شہزاد قیس کی بیاض ہے یا چیاض، جس میں اتنے سارے اشعار چائے سے متعلق ہیں!

 

[جاسمن]

آج تو جیسے دن کے ساتھ دل بھی غروب ہوگیا
شام کی چائے بھی گئی موت کے ڈر کے ساتھ ساتھ
ادریس بابر

 

[جاسمن]

سگرٹین،چائے،دھواں،رات گئے تک بحثیں
اور کوئی پھول سا آنچل کہیں نم ہوتا ہے
والی آسی

 

[جاسمن]

ذرا سی چائے گری اور داغ داغ ورق
یہ زندگی ہے کہ اخبار کا تراشا ہے
عامر سہیل

 

[جاسمن]

چھوڑ آیا تھا میز پر چائے
یہ جدائی کا استعارہ تھا
توقیر عباس

 

[قاضی واجد الدائم]

چائے کی ٹیبل پہ بھی یکجا نہیں ہوتے ہیں ہم
سوچتی ہوں ایک گھر کے کتنے خانے ہو گئے

ریحانہ قمر

بہت اعلٰی

 

[جاسمن]

ہے دسترس میں ابھی بھی طاہر اٹھا کے اب اس کو پی بھی ڈالو
مشاہدوں میں ہی ہوگئی گر یہ ٹھنڈی چائے تو کیا کروگے
طاہر عدیم