لفظ چائے والے اشعار

[زیرک]

تم محبت بھی سیکھ جاؤ گے
کل سے بہتر ہے آج کی چائے

 

[زیرک]

لاکھ دیکھیں ہیں چائے خانے پر
نہ وہ ساقی، نہ وہ پیالی ہے

​

 

[زیرک]

ایک دن پوچھ ہی لیا اس نے
لطف باتوں میں ہے کہ چائے میں
خرم آفاق

 

[زیرک]

میز پر چائے کے دو بھاپ اڑاتے ہوئے کپ
اور بس سامنے رکھا ہے ملاقات کا دکھ
ناصر ملک

 

[زیرک]

زندگی سے چائے نکل جائے تو باقی صرف سر درد شریف ہی بچتا ہے۔

ہم سے مشروب مضرِصحت سبھی ترک ہوئے
ایک چھوڑی نہ گئی ہم سے یہ چائے، ہائے​

 

[عبدالرحمن آزاد]

چائے چاہیے
کونسی جناب
لیفٹن ہی تو ہے لاجواب

 

[زیرک]

کیتلی ہجر کی تھی، غم کی بنا لی چائے
وصل کی پی نہ سکے ,ایک پیالی چائے​

 

[زیرک]

سگرٹیں، چائے، دھواں، رات گئے تک بحثیں
اور کوئی پھول سا آنچل کہیں نم ہوتا ہے​

 

[زیرک]

وہ جسے کچھ بھی بنانا نہیں آتا، اللہ
وہ بنا لائی مرے واسطے چائے، ہائے
حارث بلال​

 

[زیرک]

چائے، افسردہ پیالی میں پڑی رہتی ہے
جسم تنہائی کی کرسی میں دھنسا رہتا ہے​

 

[زیرک]

کبھی کبھی تو فقط چائے کی اک پیالی سے
خزاں کی بوڑھی تھکن کو بہار کرتے رہے​

 

[زیرک]

میں نے چینی کی بھی مقدار بڑھا کر دیکھا
بِن تِرے لگتی ہے، کڑوی، کسیلی چائے​

 

[زیرک]

ہمدم نہ ہو تو کیا بھلا پینے کا فائدہ ؟
بیٹھا ہوں کب سے چائے کی دو پیالیوں کے ساتھ
رحمان فارس​

 

[زیرک]

چائے ایک کپ میں ہو اور مل کے بانٹیں ہم
سردیوں کے موسم میں ذائقے محبت کے​

 

[جاسمن]

ذرا سی چائے گری اور داغ داغ ورق
یہ زندگی ہے کہ اخبار کا تراشا ہے
عامر سہیل

 

[عرفان سعید]

کام جب موت لگنے لگتا ہے
زندگی چائے کی پیالی ہے

 

[مزمل اختر]

چائے چاہیے
کونسی جناب
لیفٹن ہی تو ہے لاجواب

گستاخ
اسے چائے کیوں کہہ رہے ہو۔
تم اسے اشرف المشروبات کیوں نہیں کہتے۔

 

[جاسمن]

تم کو کیا یاد کبھی آتا ہے
شام کو چائے پیا کرتے تھے

تھا کبھی ذائقہ زندہ اپنا
ایک ایک گھونٹ جیا کرتے تھے
سلیم احمد

 

[زیرک]

لمس کی آنچ پہ جذبوں نے ابالی چائے
عشق پِیتا ہے کڑک چاہتوں والی چائے​

 

[زیرک]

لاکھ دیکھے ہیں چائے خانے، پر
نہ وہ ساقی ہے، نہ وہ پیالی ہے​