مجمع لگا ہوا ہے قلندر کے آس پاس ۔ فاتح الدین بشیر

[گل بانو]

ایک غزل آپ احباب کی بصارتوں کی نذر

عالم ہے ہُو کا قبرِ سکندر کے آس پاس
مجمع لگا ہوا ہے قلندر کے آس پاس

خوابوں کو عاق کر کے نکالا ہی تھا ابھی
بازار لگ گیا ہے مرے گھر کے آس پاس

شاید اسی میں حسرتیں دفنا رہا ہوں میں
سگرٹ کی راکھ بکھری ہے بستر کے آس پاس

ابھرا ستارۂ سحَری ڈوب بھی گیا
سوتا رہا میں لوحِ مقدر کے آس پاس

تصویر ہاتھ میں تھی تصور دماغ میں
منظر تھا مجھ میں اور میں منظر کے آس پاس
فاتح الدین بشیرؔ​

واہ بہت عمدہ خوش رہیے

 

[منصور آفاق]

بہت خوبصورت غزل ہے

شاید اسی میں حسرتیں دفنا رہا ہوں میں
سگرٹ کی راکھ بکھری ہے بستر کے آس پاس

ابھرا ستارۂ سحَری ڈوب بھی گیا
سوتا رہا میں لوحِ مقدر کے آس پاس

 

[فاتح]

واہ بہت عمدہ خوش رہیے

بہت شکریہ آپا۔ آتی رہا کیجیے۔

 

[فاتح]

بہت خوبصورت غزل ہے

شاید اسی میں حسرتیں دفنا رہا ہوں میں
سگرٹ کی راکھ بکھری ہے بستر کے آس پاس

ابھرا ستارۂ سحَری ڈوب بھی گیا
سوتا رہا میں لوحِ مقدر کے آس پاس

شکریہ منصور بھائی۔ آپ کی محبت ہے

 

[محمد وارث]

کیا کہنے فاتح صاحب، خوبصورت غزل ہے، بہت داد قبول کیجیے جناب

 

[ظفری]

کیا کہنے فاتح صاحب، خوبصورت غزل ہے، بہت داد قبول کیجیے جناب

محمد وارث بھائی ۔۔ ۔۔۔ کیا ہم آپ کو جانتے ہیں ۔۔۔۔

 

[جیہ]

نہیں جانتے یہ کون ذات شریف ہیں؟

 

[محمد وارث]

محمد وارث بھائی ۔۔ ۔۔۔ کیا ہم آپ کو جانتے ہیں ۔۔۔ ۔

اجی ظفری بھائی زہے نصیب۔ ویسے اس سوال کی ضرورت کیوں محسوس ہوئی قبلہٴ من، وہی ہم ہیں اور وہی آپ

 

[محمد وارث]

نہیں جانتے یہ کون ذات شریف ہیں؟

ہوئی مدت کہ غالب مر گیا ----------

 

[ظفری]

اجی ظفری بھائی زہے نصیب۔ ویسے اس سوال کی ضرورت کیوں محسوس ہوئی قبلہٴ من، وہی ہم ہیں اور وہی آپ

محترم آپ اتنا غائب رہیں گے تو یہ سوال تو غالب آئے گا نا ں ۔۔۔۔۔

 

[محمد وارث]

محترم آپ اتنا غائب رہیں گے تو یہ سوال تو غالب آئے گا نا ں ۔۔۔ ۔۔

بس قبلہ بقولِ غالب، فکر دنیا میں سر کھپاتا ہوں

 

[ظفری]

بس قبلہ بقولِ غالب، فکر دنیا میں سر کھپاتا ہوں

ہم مانتے ہیں کہ
بسکہ دشوار ہے، ہر کام کا آساں ہونا

اللہ آپ کو خوش رکھے اور ہمارے لیئے دعا کرتے رہیئے ۔

 

[محمد وارث]

ہم مانتے ہیں کہ
بسکہ دشوار ہے، ہر کام کا آساں ہونا

اللہ آپ کو خوش رکھے اور ہمارے لیئے دعا کرتے رہیئے ۔

گو میں رہا رہینِ ستم ہائے روزگار
لیکن ترے خیال سے غافل نہیں رہا

 

[جیہ]

ہوئی مدت کہ غالب مر گیا ----------

-------پر یاد آتا ہے
وہ ہر اک بات پہ کہنا کہ یوں ہوتا تو کیا ہوتا

تسلیم۔۔۔

 

[محمد وارث]

-------پر یاد آتا ہے
وہ ہر اک بات پہ کہنا کہ یوں ہوتا تو کیا ہوتا

تسلیم۔۔۔

حق مغفرت کرے---------
شکریہ جیہ

 

[ظفری]

گو میں رہا رہینِ ستم ہائے روزگار
لیکن ترے خیال سے غافل نہیں رہا

دوست، غمخواری میں میری، سعی فرمائیں گے کیا
زخم کے بھرنے تلک، ناخن نہ بڑھ جائیں گے کیا

 

[جیہ]

آج مجھے قتیل غالب یاد آ رہے ہیں ۔ اشعار غالب کی بوچھار کرنے والے ایک جارح مزاج دوست۔۔۔

 

[ظفری]

آج مجھے قتیل غالب یاد آ رہے ہیں ۔ اشعار غالب کی بوچھار کرنے والے ایک جارح مزاج دوست۔۔۔

بے نیازی حد سے گزری، بندہ پرور! کب تلک
ہم کہیں گے حالِ دل، اور آپ فرمائیں گے کیا؟

 

[جیہ]

وفا کیسی کہان کا عشق جب سر پھوڑنا ٹھہرا
تو پھر اے سنگ دل تیرا ہی سنگ آستاں کیوں ہو

 

[محمد وارث]

آج مجھے قتیل غالب یاد آ رہے ہیں ۔ اشعار غالب کی بوچھار کرنے والے ایک جارح مزاج دوست۔۔۔

یہ بھی خوب ہے جیہ،