محبت کے موضوع پر اشعار!

[عمر سیف]

محبت اک سفر کا سلسلہ ہے
بچھڑ کر کون کس کو سوچتا ہے
جسے مانگا تھا میں نے ہر دعا میں
وہ بن مانگے کسی کو مل گیا ہے

 

[توقیر]

جذبہ شوق اگر ہے پاکیزہ
ہے محبت تمام سچائی

-شکیل پیارکروگی

 

[عمر سیف]

وہ شخص بچھڑتے ہوئے کم بول رہا تھا
آنکھوں میں مگر ہجر کا غم بول رہا تھا
یہ تیری محبت کی کرامات ہیں فائق
شعروں میں میرے زلف کا خم بول رہا تھا۔

 

[سارہ خان]

محبت کی اسیری سے رہائی مانگتے رہنا
بہت آساں نہیں ہوتا جدائی مانگتے رہنا
ذرا سا عشق کر لینا،ذرا سی آنکھ بھر لینا
عوض اِس کے مگر ساری خدائی مانگتے رہنا

 

[عمر سیف]

ہو تو کمال ربطِ محبت کسی کے ساتھ
دل چیز کیا ہے جاں بھی دے دوں خوشی کے ساتھ
دراصل آدمی نہ سمجھنا اسے شکیل
جو آدمی وفا نا کرے آدمی کے ساتھ۔

 

[ڈاکٹر عباس]

محبت مجھے ان جوانوں سے ھے
ستاروں پہ جو ڈالتے ھیں کمند

 

[عمر سیف]

محبت درد کا صحرا، محبت مستقل غم ہے
محبت ایک پچھتاوا، محبت مستقل غم ہے
وہی درد آشنا آنکھیں وہ بیتاب سے آنسو
وہی ایک ہجر کا دریا، محبت مستقل غم ہے۔

 

[توقیر]

.
یہ زخم دل کے محبت کی یادگار سہی
اگر بہار نہیں ہے غمِ بہَار سہی
.

 

[عمر سیف]

یہ دل کبھی نہ محبت میں کامیاب ہوا
مجھے خراب کیا، آپ بھی خراب ہوا
اجل میں، زیست میں، ترابت میں، حشر میں ظالم
تیرے ستم کے لیئے میں ہی انتخاب ہوا

 

[توقیر]

محبت غرق ہونا چاہتی ہے ہو نہیں سکتی
مری خاطر ابھی شاید کشش باقی ہے ساحل پر

 

[عمر سیف]

وہ ملتا بھی محبت سے ہے لیکن عادتا ساجد
کئے جاتا ہے باتیں جا بجا ترک ِتعلق کی

 

[توقیر]

ہو کوئ ناخوشی لیکن خوشی معلوم ہوتی ہے
محبت سادگی ہی سادگی معلوم ہوتی ہے

 

[الف عین]

محبت تھی چمن سے لیکن اب یہ بے دماغی ہے
کہ موجِ بوئے گل سے ناک میں آتا ہے دم میرا
غالب

 

[عمر سیف]

مجھ سے محبت بھی ہے اس کو لیکن یہ دستور ہے اس کا
غیر سے ملتا ہے ہنس ہنس کر مجھ سے وہ شرماتا ہے

 

[توقیر]

.
تجھے یاد کیا نہیں ہے مرے دل کاوہ زمانہ؟
وہ ادب گہِ محبت! وہ نگہ کا تازیانہ!
.

 

[عمر سیف]

پہلو میں ہم دل کو یوں شاد نہ رکھتے
کچھ لوگ جو محبت کا نگر آباد نہ رکھتے

 

[توقیر]

ہاں ياد مجھے تم کر لينا آواز مجھے تم دے لينا
اس راہ محبت ميں کوئي درپيش جو مشکل آجائے

 

[الف عین]

یاد ہیں مرحلے محبّت کے
ہائے اس بے کلی میں کیا کچھ تھا
ناصر

 

[توقیر]

بہت دلکش ہوئی جاتی ہیں رسمیں آہ و نالہ کی
محبت غالباً تمہید ماتم ہوتی جاتی ہے

 

[عمر سیف]

دونوں جہاں تيري محبت ميں ہار کے
وہ جا رہا ہے کوئي شب غم گزار کر
ويراں ہے ميکدہ، خُم و ساغر اداس ہيں
تم کيا گئے کہ روٹھ گئے دن بہار کے