محبت کے موضوع پر اشعار!

[پاکستانی]

ھوں تو مسلم مگر تیرے جوشِ محبت میں
پوجتا ھوں تیری تصویر کو کافر کی طرح

 

[عمر سیف]

دیکھے ہیں بہت ہم نے ہنگامے محبت کے
آغاز بھی رسوائی انجام بھی رسوائی

 

[نوید ملک]

کس پہ الزام محبت کا لگایا جائے
خود ہوں ماخوذ اگر انکو بچایا جائے

 

[عمر سیف]

اب ملاقات میں وہ گرمیِ جذبات کہاں
اب تو رکھنے وہ محبت کا بھرم آتے ہیں

 

[نوید ملک]

صلیبِ وقت پہ میں نے پکارا تھا محبت کو
مری آواز جس نے بھی سنی ہو گی ہنسا ہو گا

 

[عمر سیف]

تمنا مِٹ چکی لیکن خلش دردِ محبت کی
جہاں معلوم ہوتی تھی وہیں معلوم ہوتی ہے

 

[نوید ملک]

محبت کی دنیا میں مشہور کر دوں
مرے سادہ دل تجھ کو مغرور کر دوں

 

[عمر سیف]

اس نے ہنسی ہنسی میں محبت کی بات کی
میں نے عدیم اس کو مکرنے نہیں دیا

 

[نوید ملک]

محبت زندگی ٹھہری تو پھر اس کی ضمانت کیا
سو تم سے عہد کرتے ہیں نہ کچھ پیمان لیتے ہیں

 

[عمر سیف]

فسانے میں حقیقت ہوگئی تو
ہمیں تم سے محبت ہوگئی تو
ملا نہ کرو ہم سے روز آکر
تمہارے دل کو عادت ہوگئی تو

 

[نوید ملک]

لہجے میں اگر رَس ہو تو دو بول بہت ہیں
انسان کو رہتی ہے محبت کی زباں یاد

 

[عمر سیف]

زباں سب سمجھتے ہیں جذبات کی
جنونِ محبت کے لمحات کی
کوئی چارہ گر دل میں آنے تو دو
بنے گی کہانی پر اک رات کی

 

[نوید ملک]

محبت ہو کے نفرت ہو اسی سے مشورہ ہو گا
مری ہر کیفیت میں استخارہ ساتھ رہتا ہے

 

[عمر سیف]

ضبطِ سیلابِ محبت کو کہاں تک روکے
دل میں جو بات ہو آنکھوں سے عیاں ہوتی ہے

 

[نوید ملک]

یاروں کی محبت کا یقیں کر لیا میں نے
پھولوں میں چھپایا ہوا خنجر نہیں دیکھا

 

[عمر سیف]

اس قدر پیار سے نہ دے میری محبت کا جواب
اتنی سزا بہت ہے، تھوڑی سی رعایت کردے

 

[عیشل]

آؤ ہم مل کے نئی راہِ محبت ڈھونڈیں
کب تلک کوئی چلاہے روش ِ عام کے ساتھ
حسرت و آرزو،امید و تمنا ارماں
لاکھ آزار ہیں میری سحر و شام کے ساتھ

 

[نوید ملک]

پرانے رابطوں کو پھر نئے وعدے کی خواہش ہے
ذرا اک بار تو کہنا محبت مر نہیں سکتی

 

[عمر سیف]

تیرا جلوہ نہایت دل نشیں ہے
محبت لیکن اس سے بھی حسیں ہے

 

[عیشل]

یہ کمال ضبط ِ غم ہے کہ سلیقہ ء محبت
مرا دل تو رو رہا ہے مگر آنکھ نم نہیں ہے