محبت کے موضوع پر اشعار!

[عیشل]

محبت ہے جسے کہتے،یہ کیسا دوستانہ ہے
کہ سب کچھ ہار جانے پر کسی کو جیت جانا ہے
وضع داری نہیں ہم میں مگر پاسِ وفا یہ ہے
جو دل پر زخم کھایا ہے کہاں کس کو دکھانا ہے

 

[فرحت کیانی]

نہ جانے محبت کون سی منزل کو کہتے ہیں
نہ جس کی اِبتدا کوئی، نہ جس کی انتہا کوئی

 

[حجاب]

محبت کے سمندر میں
اُترنے سے ذرا پہلے
تمہیں کچھ سوچنا ہوگا
محبت ایک صحرا ہے
جہاں پاؤں بڑھانے سے
قدم چُپ چاپ جلتے ہیں
محبت ایسی دنیا ہے
کہ اس میں جس طرف بھی جائیں
کوئی رستہ نہیں ملتا
محبت آنکھ میں آنسو
یہ پلکوں پہ چمکتی ہے
محبت آگ جیسی ہے
یہ سینوں میں سُلگتی ہے
محبت پھول جیسی ہے
جدا ہو شاخ سے جب یہ
بکھرتی ٹوٹ جاتی ہے
محبت کی فضاؤں میں
محبت کی ہواؤں میں
ہمیشہ درد ملتا ہے
محبت کے سمندر میں
اُترنے سے ذرا پہلے
تمہیں کچھ سوچنا ہو گا
==========================​

 

[عمر سیف]

محبتیں بھی عجیب اس کی نفرتیں بھی کمال
مری طرح کا ہی مجھ میں سما گیا اک شخص

 

[نوید ملک]

تو نے سوچا ہے کبھی کتنا محبت کے بغیر
روح فرسا دلِ ویراں کا نظارا ہوتا

 

[عمر سیف]

پوچھتے ہیں کہ کیا ہوا دل کو
حسن والوں کی سادگی نہ گئی
سر سے سودا گیا محبت کا
دل سے پر اس کی بے کلی نہ گئی

 

[نوید ملک]

اگرچہ شہرِ محبت کی رہگزر کا بھی ہو
سفر تو پھر بھی سفر ہے کسی نگر کا بھی ہو

 

[ماوراء]

وہ تو محبت ہو گئی ہے تم سے لیکن
ہم تو وہ خود سر ہیں کہ اپنی بھی تمنا نہیں کرتے​

 

[ماوراء]

تجھ سے کس طرح اظہارِ محبت کرتا
لفظ سوجھا تو معنی نے بغاوت کر دی​

 

[نوید ملک]

محبت کس قدر سحر آفریں معلوم ہوتی ہے
کہ وہ جو بات کہہ دیں دل نشیں معلوم ہوتی ہے

 

[تیشہ]

دلوں کو برف کرتی رائیگانی سے نکل آئے
کوئی کیسے محبت کی کہانی سے نکلِ آئے

اسے بس ایک پل کو دیکھنا تھا بات کرنا تھی
مگر وہ اشک ِ سادہ جو روانی سے نکل آئے

کبھی تاریک شب میں یاد کے جگنوُ چمکتے ہیں
کہ جیسے سیپ ِ کوئی گہرے پانی سے نکل آئے ۔

 

[عمر سیف]

وفا، اخلاص، قُربانی، محبت
اب اِن لفظوں کا پیچھا کیوں کریں ہم

 

[عیشل]

تو جو بدلا تو بدل گئے ہم بھی
محبت کی تھی بندگی تو نہیں
وقت کٹ ہی جائے گا بہر صورت
تو کوئی شرطِ زندگی تو نہیں

 

[عمر سیف]

اس بات پہ دُنیا سے میری بنتی ہی نہیں ہے
کہتی ہے کہ تلوار اُٹھا اور قلم رکھ
میں اس کے ہاتھ میں جاتا ہوں مال و زر کی طرح
وہ روز قرض سمجھ کر اُتارتا ہے مجھے

 

[نوید ملک]

شہرِ محبت ، ہجر کا موسم ، عہدِ وفا اور میں‌
تو تو اس بستی سے خوش خوش چلا گیا، اور میں ؟
احمد فراز

 

[عمر سیف]

میں تیری بارگاہِ ناز میں کیا پیش کروں
میری جھولی میں محبت کے سوا کچھ بھی نہیں

 

[تیشہ]

تیری خاطر جو روتی ہوں تو یہ میری محبت ہے
جو موتی رول دیتی ہوں تو یہ میری محبت ہے

تمھاری یاد کی کرنوں کو اکثر آنکھ میں رکھکر
میں اپنی نیند کھوتی ہوں تو یہ میری محبت ہے

ہوا احساس خوشبو چاندنی کو دیکھکر اکثر
تیرے دھوکے میں رہتی ہوں تو یہ میری محبت ہے

فلک پہ چاند تاروں کے حسین جھڑمٹ کے منظر میں
تیرے چہرے کو تکتی ہوں تو یہ میری محبت ہے

میں اپنی زندگی کے سارے جزبوں کو میری جاناں
تمھارے نام کرتی ہوں تو یہ میری محبت ہے

کبھی تو دیکھ لے آکر راہ محبت میں
میں خود سے ہی لڑتی ہوں تو یہ میری محبت ہے ۔

 

[عمر سیف]

بہت خوب
ہائے آدابِ محبت کے تقاضے ساغر
لب ہلے اور شکایات نے دم توڑ دیا

 

[تیشہ]

دل ٹوٹ بھی جائے تو محبت نہیں مٹتی
اس راہ میں لٹ کر بھی خسارہ نہیں ہوتا ،

 

[عمر سیف]

ہم نے تو ہر دکھ کو محبت کی عنایت سمجھا
ہم کوئی تم تھے جو اوروں سے شکایت کرتے