محبت کے موضوع پر اشعار!

[نوید صادق]

ایک محبت اور وہ بھی ناکام محبت
لیکن اس سے کام چلایا جا سکتا ہے

 

[شمشاد]

اس معر کۂ عشق میں اے اہلِ محبت
آساں ہے عداوت پر عداوت نہیں کی جائے
(نوشی گیلانی)

 

[سارہ خان]

نت نئے خواب کے اشارے ہیں
یہ محبت کے استعارے ہیں

 

[شمشاد]

ذکر شب فراق سے وحشت اسے بھی تھی
میری طرح کسی سے محبت اسے بھی تھی
(محسن نقوی)

 

[عمر سیف]

تو محبّت کی غرض لمحہ موجود سے رکھ
ترے ذمّے نہ مرے درد پرانے لگ جائیں

 

[شمشاد]

تجھ سے اب اور محّبت نہیں کی جاسکتی
خُود کو اِتنی بھی اذیت نہیں دی جاسکتی
(نوشی گیلانی)

 

[عمر سیف]

ہیں ساتھ ساتھ مگر فرق ہے مزاجوں کا
مرے قدم مری پرچھائی سے نہیں ملتے
محبتوں کا سبق دے رہے ہیں دُنیا کو
جو عید اپنے سگے بھائی سے نہیں ملتے

 

[شمشاد]

تازہ محبتوں کا نشہ جسم و جاں میں ہے
پھر موسمِ بہار میرے گلستاں میں ہے
(پروین شاکر)

 

[ظفری]

کون کہتا ہے محبت کی زباں ہوتی ہے
یہ حقیقت تو نگاہوں سے بیاں ہوتی ہے

 

[سارہ خان]

ملا محبت کا سوز مجھ کو تو بولے صبح ازل فرشتے
مثال شمع مزار ہے تو تیری کوئی انجمن نہیں ہے

علامہ اقبال

 

[عمر سیف]

وحشی اُسے کہو جسے وحشت غزل سے ہے
انسان کی لازوال محبت غزل سے ہے

 

[شمشاد]

حرفِ تازہ نئی خوشبو میں لکھا چاہتا ہے
باب اک اور محبت کا کھلا چاہتا ہے
(پروین شاکر)

 

[سارہ خان]

محبت کے موسم
زمانے کے سب موسمون سے نرالے
بہار و خزاں ان کي سب سے جدا
الگ ان کو سوکھا الگ ہے گھٹا
محبت کے خطے کي آب و ہوا
ماورا ان عناصرے سے جو
موسموں کے تغير کي بنياد ہيں
يہ زمان و مکاں کے کم و بيش سے
ايسے آزاد ہيں
جيسے صبح زال۔۔۔جيسے شام فنا
شب وروز عالم کے احکام کو
يہ محبت کے موسم نہيں مانتے
زندگي کي مسافت کے انجام کو
يہ محبت کے موسم نہيں مانتے
رفاقت کي خوشبو سے خالي ہو جو
يہ کوئي ايسا منظر نہيں ديکھتے
وفا کے علاوہ کسي کلام کو
يہ محبت کے موسم نہيں مانتے

(امجد اسلام امجد)

 

[شمشاد]

کِس یقیں اور کِس تسلسل سے دیئے
دل کو دھول کے اس محّبت باز نے
(نوشی گیلانی)

 

[سارہ خان]

زمانہ کچھ نہیں بدلا،محبت اب بھی باقی ہے
محبت زندگی کے باغ میں پھولوں کی ٹہنی ہے

محبت کے ارادے معجزوں سے کم نہیں ہوتے
سمندر پار کرنے کے لئے کاغذ کی کشتی ہے

 

[شمشاد]

ہم تری محبت کے جُگنوؤں کی آمد پر
تِتلیوں کے رنگوں سے راستے سجائیں گے
(نوشی گیلانی)

 

[عمر سیف]

مجھ کو دشمن کے ارادوں پہ بھی پیار آتا ہے
تیری اُلفت نے محّبت میری عادت کر دی

 

[شمشاد]

تازہ محبتوں کا نشہ جسم و جاں میں ہے
پھر موسمِ بہار میرے گلستاں میں ہے
(پروین شاکر)

 

[عمر سیف]

جواز ڈھونڈ رہا تھا نئی محّبت کا
وہ کہہ رہا تھا کہ میں اُس کو بھول جاؤں گی

 

[شمشاد]

یہ محبّت بھی عجیب تقسیم کے موسم میں ہے
سارا جذبہ اُس طرف ہے صرف لہجہ اس طرف
(نوشی گیلانی)