محبت کے موضوع پر اشعار!

[اوشو]

محبت کیا ہے ، دل کا درد سے معمور ہو جانا
متاعِ جاں کسی کو سونپ کر مجبور ہو جانا

 

[شمشاد]

ہیں محبت کے نقیب اقبال و خوشحال و لطیف
ان کا فیضِ بیکراں تیرا بھی ہے میرا بھی ہے
(راغب مراد آبادی)

 

[تبسم]

محبتوں میں عدواتیں کیسی
چاہا کسی کو تو پھر شکایتں کیسی

جب تمہارا اس پر اعتبار ہے اتنا
تو ذرا ذرا سی بات پر وضا حیتں کیسی

 

[شمشاد]

گر محبت ہے تو وہ مجھ سے پھرے گا نہ کبھی
غم نہیں ہے مجھے غمّاز کو بھڑکانے دو
(میاں داد خان سیاح)

 

[نوید رزاق بٹ]

محبت کا سفر کیسا لگا ہے؟
یہ جذبوں کا بھنور کیسا لگا ہے؟
- فرحت عباس شاہ

 

[شمشاد]

یہی پسند نہیں ہے مجھے محبت میں
یہ روز روز جو دنیا سے کام پڑتا ہے
(عباس تابش)

 

[نوید رزاق بٹ]

ایمان ایک نام ہے حُبِِّ رسول ﷺ کا
ہے خُلد کی بہار محبت رسول ﷺ کی
- ساغر صدیقی

 

[شمشاد]

ہر طرح دل کا ضرر جان کا نقصان دیکھا
نہ محبت تری اچھی، نہ عداوت اچھی
(داغ دہلوی)

 

[اوشو]

اک لفظ محبت کا اتنا سا فسانہ ہے
سمٹے تو دلِ عاشق، پھیلے تو زمانہ ہے

 

[شمشاد]

وارستہ اس سے ہیں کہ محبّت ہی کیوں نہ ہو
کیجے ہمارے ساتھ، عداوت ہی کیوں نہ ہو
(چچا)

 

[حسن جاوید]

راہ محبت میں ہے کون کسی کا رفیق،
ساتھ میرے رہ گئی اک میری آرزو۔۔! (اقبال)

 

[شمشاد]

وارستہ اس سے ہیں کہ محبّت ہی کیوں نہ ہو
کیجے ہمارے ساتھ، عداوت ہی کیوں نہ ہو
(چچا)

 

[حسن جاوید]

خاموش۔ اے دل بھری محفل میں چلانا نہیں اچھا،
ادب پہلا قرینہ ہےمحبت کے قرینوں میں۔۔ (اقبال)

 

[شمشاد]

کِیا غم خوار نے رسوا، لگے آگ اس محبّت کو
نہ لاوے تاب جو غم کی، وہ میرا راز داں کیوں ہو
(چچا)

 

[جاسمن]

کھِلا کھِلا ہو یہ جہاں،دھُلا دھُلا سماج ہو
تیری زمیں پہ اے خُدا محبتوں کا راج ہو

 

[شمشاد]

کوئی تو محبت میں مجھے صبر ذرا دے
تیری تو مثل وہ ہے نہ میں دوں نہ خدا دے
(داغ دہلوی)

 

[شہبازشاہ]

ریت بن کر مری مُٹھی سے پھسل جاتی ہے
اب محبت بھی سنبھالی نہیں جاتی مجھ سے۔۔۔۔

 

[گل زیب انجم]

ادھورا شعر ....
محبت اگر بولتی ہوتی تو اس کا لہجہ تم سا ہوتا
.....................................................

 

[x boy]

مجھے تو بس یہی آتا ہے آئی لو یو آل

 

[گل زیب انجم]

مر جائیں گے,رسوا ہو جائیں گے کہیں رہ نہیں پائیں گے
اتنا کچھ خدا کے لیے محبت میں سوچا نہ کرو