عمارات مسلمانوں کا ورثہ کبھی بھی نہیں رہیں کیونکہ ان کے پیش نظر ہمیشہ ہی دنیوی نہیں بلکہ اخروی کامیابی و کامرانی رہی ہے۔ دوسری بات یہ ہے کہ اگر کسی سے اس کا ورثہ چھن جائے تو اس کو چاہئے کہ وہ اسے دوبارہ حاصل کرنے کی کوشش کرے، نہ کہ کسی چیز کو ورثہ ڈکلئیر کردے۔
آپ کے ہاں جن لوگوں نے عنانِ اقتدار تھام رکھی ہے وہ تو آلِ سعود کی شریعت کے حامل نہیں، پھر انہوں نے کیوں دین کو تماشا بنا کر رکھ دیا ہے؟ کسی مزار کو مسمار کرنا زیادہ بڑا جرم ہے یا وہاں فحاشی و بےحیائی کا اڈہ قائم کرنا؟
پہلی بات تو یہ ہے کہ میں یہاں آلِ سعود کا وکیل نہیں ہوں۔ دوسری بات یہ کہ آپ نے شاید میرا پہلا مراسلہ غور سے نہیں پڑھا جس میں میں نے یہ واضح کیا ہے کہ میں آلِ سعود کی کئی باتوں کا سخت ناقد اور شدید مخالف ہوں۔
میں کسی کی بھی پردہ پوشی نہیں کررہا۔ کھلے دل کے ساتھ بحث میں حصہ لیجئے، آپ پر یہ بات خود بخود واضح ہوجائے گی۔
گویا آپ یہ کہنا چاہ رہے ہیں کہ مزارات کا فحاشی و بےحیائی کے اڈوں کے طور پر استعمال جائز ہے؟
یہ حقیقت ہے کہ ہمارے ہاں سے توہم پرست اور مشرکانہ خیالات کے حامل لوگ جو کچھ یہاں مزارات پر جا کر کرتے ہیں، وہاں جا کر بھی وہی کچھ کرنا چاہتے ہیں اور اسی وجہ سے سعودیوں نے یہ اقدامات کئے۔ میں ان کے ان اقدامات کی حمایت نہیں کررہا مگر مجھے لگتا ہے کہ آپ کے نزدیک دین کے فرائض و واجبات اور سنن سے محبت بعد میں آتی ہے اور قبریں، مزارات اور آستانے پہلے۔ اگر میں غلط سمجھ رہا ہوں تو تصحیح کردیجئے!
پاکستان میں سینکڑوں ایسے مزارات ہیں جن میں کوئی قبر سرے سے موجود ہی نہیں اور سینکڑوں ہی ایسے بھی ہیں جہاں بےدین اور ملحد لوگوں کو دفن کر کے بزرگانِ دین ڈکلیئر کردیا گیا۔ یقین نہ آئے تو لاہور کے کسی بھی پرانے رہنے والے سے بابا چھتری والا، بابا حیدر سائیں، بابا ذوالفقار بندو سائیں، بابا گُڈی سائیں اور بابا بلیاں والی سرکار کے بارے میں پوچھ لیں۔
محترم بھائی
نایاب بھائی، میرے والد، تایا اور دیگر کئی عزیزوں اور بزرگوں نے انہیں دیکھا ہوا ہے۔ یہ وضاحت بھی کرتا چلوں کہ میرا تعلق ایک کٹر بریلوی گھرانے سے ہے اور مجھے پیدائش کے چند ہی روز بعد 'سلام کروانے کے لئے' حضرت علی ہجویری رحمۃ اللہ علیہ کے مزار پر لے جایا گیا تھا۔
جب آپ کسی ریاست کو مذہبی ریاست کا درجہ دیتے ہیں تو اس میں اسی طرح ہی ہوتا ہے۔ خود پاکستان میں قادیانیوں کو آئینی طور پر غیرمسلم قرار دینا بھی اس کی ایک مثال ہے۔ اسی پر آپ نے ایک دھاگے میں بحث بھی کی ہے۔
وقت اگر " بادشاہ وقت " کو اک رات کی مہلت دے دیتا تو " سبز گنبد " بھی صرف تصویروں میں باقی رہ جاتا ۔۔۔
ساجد بھائی، میں آپ سے سو فیصد متفق ہوں مگر یہاں بحث اس ورثے کی تاریخی و ثقافتی نہیں بلکہ مذہبی حیثیت پر کی جارہی ہے اور اس میں تو مختلف مسالک کے ہاں اختلاف پایا جاتا ہے، جس سے کوئی بھی انکار نہیں کرسکتا۔