شکریہ ۔۔۔ ویسے میری صلاح یہ تھی کہ اس فورم پر کوئی ایسا سلسلہ بھی شروع کیا جائے، اگر پہلے سے موجود نہیں ہے، جہاں پیچیدہ اور مشکل اشعار کی تشریح کا کوئی "مناسب انتظام" موجود ہو ۔۔۔
محترم شہزاد احمد صاحب، پیچیدہ اور مشکل اشعار کی تشریح کے سلسلے کی تجویز نہ صرف بہت اچھی بلکہ نہایت اہمیت کی حامل ہے، کیونکہ اس سے مجھ جیسے محدود علم کے حامل افراد نہ صرف مستفید ہو سکیں گے بلکہ یہ سلسلہ فروغ علم و ادب کا باعث بھی بنے گا۔ لہٰذا آپ کی تجویز سے مکمل اتفاق کرتے ہوئے آپ کو اس کار خیر پر مبارکباد پیش کرتا ہوں۔
پیچیدہ اور مشکل اشعار کی تشریح کے سلسلےکو آگے بڑھاتے ہوئے، میں صاحبان علم سے درخواست گزار ہوں کہ درج ذیل شعر جو مجھے کافی عرصہ سے پریشان کئے ہوئے ہے، کے الفاظ و معانی کی تشریح سے نوازیں۔ شکریہ
غالبا اقبال کا شعر ہے:
مومیائی کی گدائی سے تو بہتر ہے شکست
مور بے پر حاجتِ پیشِ سلیمانے مبر
اس شعر کا بقیہ کلام کیا ہے؟
مومیائی کا کیا مطلب ہے؟
فارسی شعر کا کیا مطلب ہے؟
اضافی سوال؟ اس فورم میں دو زبر کیسے لگاتے ہیں؟
شکریہ
درست مصرع یوں ہے
مقطع میں آ پڑی تھی سخن گسترانہ بات
مقطع سے یہاں مراد اِس قطعہ معذرت کا مقطع نہیں بلکہ اُس سہرے کا مقطع ہے جو اصل فساد کی جڑ تھا۔ بہادر شاہ ظفر کے بیٹے کی شادی کے موقع غالب نے ایک سہرا لکھا تھا اور کہا جاتا ہے کہ غالب صنف سہرا کا موجد ہے، اور اس سہرے کے مقطع میں لکھا تھا کہ دیکھیے اس سہرے سے بڑھ کر سہرا کون لکھتا ہے۔ سہرے کا مقطع یہ ہے
ہم سخن فہم ہیں غالب کے طرفدار نہیں
دیکھیں اس سہرے سے کہہ دے کوئی بڑھ کر سہرا
اس سے بادشاہ اور بادشاہ کا استاد ذوق دونوں اس کو چوٹ سمجھ کر غالب سے ناراض ہو گئے تھے اور ذوق نے پھر ایک سہرا لکھ کر بھی دکھایا، اس کے بعد مجبوراً غالب کو قطعہ معذرت بعنوان بیان مصنف لکھنا پڑا جس کے اشعار آپ نے درج کیے ہیں۔
پورا واقعہ، ذوق کا جوابی سہرا، اور دونوں سہروں کی حیثیت پر مولانا غلام رسول مہر نے نوائے سروش میں سیر حاصل بحث کی ہے، مطالعہ سود مند ثابت ہوگا، انشاءاللہ
ایسی تشریح کبھی نہیں پڑھی پتہ ہی نہیں چلا شعر کے بارے میں ہے یافلسفے کا لیکچر ہے ؟؟
اگرچہ آپ نے نہیں پڑھی مگر دیگر صاحبان نظر نے پسندیدگی کا اظہار کیا ہے. دوسری بات یہ ہے کہ یہ تشریح میں نے پہلی دفعہ کی ہے اور یہاں پوسٹ کی ہے تو کیسا ممکن تھا کہ آپ پڑھتے. تیسری بات یہ ہے کہ آپ کا متفق ہونا قطعاً ضروری نہیں ہے.
ہمیں لگتا ہے آُپ نے ہمارا کومنٹ نہیں پڑھا
براہ مہربانی اس شعر کی تشریح فرمائیں
