مشین ریڈایبل اردو رسم الخط: حروف کی کَشتیاں، اِعراب، نقطے، شوشے اور کش

[محبوب خان]

arifkarim مفید جواب کے لیے شکریہ

 

[عبدالمجید]

مجھے آپ تمام دوستوں سے شدید اختلاف ہے۔ دوستوں اگر کوئی کام کرنا چاہتا ہے تو آپ دوستوں کو چاہئے کہ اسکی حوصلہ افزائی کریں اور اگر حوصلہ افزائی نہیں کرسکتے تو کم از کم تنقید پر تنقید نہ کریں اس سے جو ساتھی کسی پروجیکٹ کو سٹارٹ کرنا چاہتا ہے اسکی حوصلہ شکنی کی جاتی ہے اور پھر وہ دوست اُس کام میں انٹرسٹ نہیں لیتا۔ دوستوں اگر کوئی دوست کسی پروجیکٹ کو سٹارٹ کرتا ہے تو وہ اسی لئے تو سٹارٹ کرتا ہے کہ اُس پروجیکٹ کو پایہ تکمیل تک پہنچائے اور اگر یہ پروجیکٹ خوانخواستہ ادھورا رہ جاتا ہے تو کم از کم باقی دوستوں کو تو اس سے کنسیپٹ ملتی ہے اس پر آگے کام کرنے کی تو میں تمام دوستوں سے گذارش کرونگا کہ اگر آپ سب دوست محبوب خان صاحب کی حوصلہ افزائی نہیں کرسکتے تو برائے مہربانی تنقید اور حوصلہ شکنی بھی نہ کریں اس سے پہلے بھی محفل سے اس تنقید کی وجہ سے ہم اچھے اچھے ماہر دوستوں کو کھوچکے ہیں۔

 

[باذوق]

مجھے آپ تمام دوستوں سے شدید اختلاف ہے۔ دوستوں اگر کوئی کام کرنا چاہتا ہے تو آپ دوستوں کو چاہئے کہ اسکی حوصلہ افزائی کریں اور اگر حوصلہ افزائی نہیں کرسکتے تو کم از کم تنقید پر تنقید نہ کریں اس سے جو ساتھی کسی پروجیکٹ کو سٹارٹ کرنا چاہتا ہے اسکی حوصلہ شکنی کی جاتی ہے اور پھر وہ دوست اُس کام میں انٹرسٹ نہیں لیتا۔ دوستوں اگر کوئی دوست کسی پروجیکٹ کو سٹارٹ کرتا ہے تو وہ اسی لئے تو سٹارٹ کرتا ہے کہ اُس پروجیکٹ کو پایہ تکمیل تک پہنچائے اور اگر یہ پروجیکٹ خوانخواستہ ادھورا رہ جاتا ہے تو کم از کم باقی دوستوں کو تو اس سے کنسیپٹ ملتی ہے اس پر آگے کام کرنے کی تو میں تمام دوستوں سے گذارش کرونگا کہ اگر آپ سب دوست محبوب خان صاحب کی حوصلہ افزائی نہیں کرسکتے تو برائے مہربانی تنقید اور حوصلہ شکنی بھی نہ کریں اس سے پہلے بھی محفل سے اس تنقید کی وجہ سے ہم اچھے اچھے ماہر دوستوں کو کھوچکے ہیں۔

محترم عبدالمجید صاحب !
جس طرح انفرادی اظہارِ رائے کے حق سے استفادہ کی خاطر آپ نے درج بالا پیغام تحریر فرمایا ہے ، اسی طرح مجھے بھی یہی حق عطا کرنے تو عین مہربانی ہوگی۔
مجھے محسوس ہوتا ہے کہ جو موڈ (معصوم) آپ نے لگایا ہوا ہے ، اس کے اثرات آپ کی تحریر سے بھی جھلکتے ہیں !!
کیا آپ واقعی اتنے معصوم ہیں کہ "تنقید" اور "احتساب" میں‌ فرق کرنے سے قاصر ہوں ؟؟
اپنی سادہ لوحی دیکھئے کہ آپ پوچھتے ہیں : ۔۔۔ اگر یہ پروجیکٹ خوانخواستہ ادھورا رہ جاتا ہے ۔۔۔۔
سوال یہ ہے کہ ماضی میں جو بیشمار پراجکٹ ادھورے رہ گئے ، اس کا احتساب نہیں کیا جانا چاہئے؟؟ نئے پراجکٹس میں‌ ہاتھ ڈالنے سے قبل اُن ادھورے پراجکٹ کو دوبارہ شروع کرنے کا تقاضا کرنا اور پراجکٹس کو ادھورے چھوڑ جانے والی لاپروائی کو تنقید کا نشانہ بنانا کیا " گناہِ عظیم" ہے؟؟ کیا اسی طرح پراجکٹس پر پراجکٹس ادھورے چھوڑ کر پرانوں سے کنسیپٹ لینا اور نئے کو شروع کرنا کوئی قابلِ تعریف کام ہے؟؟
کمال کی بات کرتے ہیں جناب عالی آپ بھی !!
میری ادباَ گذارش ہے آپ سے کہ ذرا غیرجانبدار ہو کر اور اپنے ذہنی یا دوستانہ تعصبات کو پرے رکھ کر ٹھنڈے دل سے اس تھریڈ کی تمام پوسٹس پڑھیں اور تنہائی میں اس کا تجزیہ کریں تو آپ بھی اس بات کے قائل ہو جائیں کہ :
یہ بیجا ذاتی تنقید نہیں بلکہ "یاددہانی" ہے اور بےشک یاددہانی ایمان والوں کو فائدہ پہنچاتی ہے !!

 

[عبدالمجید]

محترم بھائی باذوق صاحب
سب سے پہلے تو آپکو بلکل اجازت ہے اپنا انداز فکر بیان کرنے کا یہ صرف میرا انداز فکر تھا جو میں نے بیان کیا محترم میں نے تنقید کا لفظ اسلئے استعمال کیا ہے کہ اس دھاکہ میں کسی بھی بھائی نے محبوب خان صاحب کی حوصلہ افزائی نہیں کی صرف (احتساب) کیا ۔ اس دھاکہ میں محبوب خان صاحب نے آپ دوستوں سے آپکی آرائیں مانگیں ہے نہ کہ انہوں نے کہا کہ آپ دوست صاحبان اُنکا احتساب کریں دوسرا محترم بھائی جان محبوب خان صاحب میرا نہ ہی کوئی ذاتی دوست ہے نہ میں انکو ذاتی طور پر جانتا ہوں‌اسلئے میں نے کسی کی بھی جانبداری نہیں کی اردو کے مختلف فورمز پر میرے پوسٹس گواہ ہے کہ میں نے کبھی بھی ذہنی یا دوستانہ تعصب نہیں‌کیا میرے ضمیر نے مجھے جو کہا میں نے وہی لکھا تصدیق کیلئے آپ محبوب خان صاحب سے پوچھ سکتے ہیں کہ کیا وہ مجھے جانتے ہیں یا نہیں اور میں ایک بار پھر اپنے بات کو دھراونگا کہ اگر ایسی ہی صورت حال رہی ان فورمز پھر تو بہت جلد یہ فورمز جن کی وجہ سے اردو کی رونق ہے نیٹ پر ویران ہوجائیں گے (اللہ نہ کرے) بھائی اگر آپ کو اب بھی میرے کسی بھی بات سے اختلاف ہو تو برملا کہہ سکتے ہیں

 

[محسن حجازی]

ویسے تو مرکز کی جانب سے کیے جانے والے شور و غل کی بابت قرآنی حکم
واعرض عن الجاھلین
کی ذیل میں اعراض کی روش جاری رکھی لیکن اب احباب کا زور ہے کہ آپ اسی ادارے میں دوسال سے بھی کچھ زیادہ عرصے ایک کلیدی عہدے پر رہے ہیں، سو اس بابت کچھ کہئے۔

اصل میں مرکز کی طرف سے عرصہ دو سال سے کچھ بھی سامنے نہیں آیا فقط ایک فونٹ کی بی ٹا ریلیز کے اس وجہ سے احباب کا استفسار بجا ہے کہ ٹیکس دہندگان کا پیسہ آخر جا کہاں رہا ہے۔ آپ احباب صرف باہر سے بیٹھ کر جانچ رہے ہیں، میں تصویر کا دوسرا رخ بھی بخوبی جانتا ہوں تاہم میں آج کل ذرا مصروف ہوں، تفصیل سے جواب دیتا ہوں۔
مجھے مرکز چھوڑے ہوئے سال ہونے کو آ رہا ہے تاہم اس کے باجود بھی ہفتے میں ایک آدھ پیغام اس بارے میں مجھے موصول ہوتا رہتا ہے ایسا ہی ایک پیغام یہ بھی ہے:
http://tech.groups.yahoo.com/group/paktype/message/1703
جس کا جواب میں متفکر سائل کو کچھ یوں دے چکا ہوں:
http://tech.groups.yahoo.com/group/paktype/message/1704

مزید تفصیلات فراغت ملتے ہی ارسال کرتا ہوں۔

 

[دوست]

یہ محبوب خان صاحب پر تنقید نہیں اس ادارے پر تنقید ہے جس سے یہ منسلک ہیں۔ اس ادارے میں کچھ ایسے لوگ موجود ہیں جو اس کا بیڑہ غرق کرنے پر تُلے ہوئے ہیں۔ حقیقت اس سے بھی زیادہ تلخ ہے جتنی یہاں بیان کی جارہی ہے۔

 

[باذوق]

جناب شاکر صاحب میری اردو سے متعلق درستگی کے لیے تشکر۔
لیکن میں اردو دان نہیں ہوں
یونیورسٹی سے آئی ٹی پڑھ کے آیا ہوں اور وہ انگریزی میں پڑھایا جاتا ہے یقیں نہیں تو کسی بھی یونیورسٹی فون کرکے پوچھ لیں۔
اور آپ کو پتا ہے؟ کہ آج کل یونیورسٹیز میں صرف اردو نہیں پڑھایا جاتا ہے
وقت ملے تو کسی یونیورسٹی کے کلیات کے بارے تفصیل سے دیکھیں کسی ویب سائٹ پر ۔۔۔مگر یاد رہے وہ سب انگریزی میں ہوگا۔

بڑی خوشی کی بات ہے کہ آپ نے کھلے دل سے اس حقیقت کا اعتراف کیا کہ آپ اردوداں نہیں ہیں۔ یقیناً اس میں آپ کا قصور نہیں ہے بلکہ ہمارے مادہ پرست معاشرے کا قصور ہے۔
مادہ پرستی نے ہم تمام کو اس حد تک متاثر کر رکھا ہے کہ ہم نے اپنی صلاحیتوں کے "حقوق" کے حصول کا بڑا شور مچا رکھا ہے اور جو "فرائض" ہم پر لاگو ہوتے ہیں ، ان سے نظریں چرا رکھی ہیں !!

راقم الحروف اردو کے ایک مشہور آئی۔ٹی فورم سے ایک طویل عرصہ سے وابستہ رہا ہے۔ اس فورم سے راقم کے رخصت ہونے کی وجوہات میں سے بڑی اور بنیادی وجہ یہ رہی کہ : فورم کے خالق نے تصویری اردو سے اردو یونیکوڈ کی طرف منتقلی میں عدم دلچسپی ظاہر کی تھی اور مقتدرہ قومی زبان اور اس سے وابستہ پرعزم اور حوصلہ مند نوجوانوں کی تعریف میں ایک سطر بھی لکھنے میں کوئی دلچسپی ظاہر نہیں کی تھی۔

اب آپ اس کو ہماری جذباتیت کہہ لیں محترم ، لیکن یاد رکھئے جہاں جذبات نہ ہوں بلکہ صرف مادہ پرستی کا راج ہو وہاں زندہ ضمیر نہیں بستے !!

 

[arifkarim]

فی الحال تو یہ نئے کیرییکٹرز صرف یونی کوڈ پائپ لائن میں شامل ہوئے ہیں:
http://unicode.org/alloc/Pipeline.html

ہو سکتا ہے کہ اگلے یونیکوڈ اسٹینڈرڈ میں انہیں شامل کر دیا جائے۔ بحر حال انکا کوڈ چارٹ ایسا ہوگا:
http://std.dkuug.dk/jtc1/sc2/wg2/docs/n3460.pdf

 

[شاکرالقادری]

جناب شاکر صاحب میری اردو سے متعلق درستگی کے لیے تشکر۔

لیکن میں اردو دان نہیں ہوں


یونیورسٹی سے آئی ٹی پڑھ کے آیا ہوں اور وہ انگریزی میں پڑھایا جاتا ہے یقیں نہیں تو کسی بھی یونیورسٹی فون کرکے پوچھ لیں۔

اور آپ کو پتا ہے؟ کہ آج کل یونیورسٹیز میں صرف اردو نہیں پڑھایا جاتا ہے


وقت ملے تو کسی یونیورسٹی کے کلیات کے بارے تفصیل سے دیکھیں کسی ویب سائٹ پر ۔۔۔مگر یاد رہے وہ سب انگریزی میں ہوگا۔

ایک بار پھر اردو سے متعلق درستگی کے لیے شکریہ۔

لیکن میں اردو دان نہیں ہوں

اسی بات سے آپ کی مقتدرہ قومی زبان کے لیے کام کرنے کی اہلیّت کے بارے میں کلام کیا جا سکتا ہے ۔۔۔۔۔۔ آئی ٹی یونیورسٹیوں سے فارغ التحصیل ایسے بے شمار نوجوان آپ کو ملیں گے جو اعلی درجہ کا لسانی ذوق رکھتے ہیں اور اردو ادبیات کا گہرا ادراک رکھتے ہیں پھر کیا وجہ کہ مقتدرہ قومی زبان جیسے ادارے میں ایسے اشخاص کو جگہ دی جائے جن کی اردو املا درست نہ ہو

اور آپ کو پتا ہے؟ کہ آج کل یونیورسٹیز میں صرف اردو نہیں پڑھایا جاتا ہے

یہ ضروری نہیں کہ آپ کو یونورسٹی میں اردو ہی پڑھایا جائے﴿میں نے عمدا اردو کو مذکر لکھا ہے ﴾ آپ پاکستانی ہیں اور پاکستان کے گلی کوچوں میں اردو بولی اور لکھی جاتی ہے اگر آپ نے وقت گزاری کے لیے چند ناول یا دائجسٹ ہی پڑھے ہوتے ۔۔۔۔۔۔ یا پھر کم از کم کسی اردو اخبار کو پڑھنا ہی اپنا معمول بنا لیا ہوتا تو یقین مانیں آپ کی اردو بہت اچھی ہوتی ۔ یہی تو افسوس کی بات ہے کہ ہم پاکستانی ہیں اور ہمیں اردو سے کوئی تعلق نہیں بات آپ اردو سے محبت کی کرتے ہیں اور اردو سے محبت کا عالم یہ ہے کہ آپ کو یہ بھی نہیں معلوم کہ اردو کو مونث بولا جاتا ہے یا مذکر ۔۔۔۔ آپ اس فورم میں آتے رہا کریں اردو سے محبت کرنے والے کم از کم آپ کو تو اردو سکھا ہی دیں گے

مقتدرہ قومی زبان کے سربراہ محترم پروفیسر فتح محمد ملک ۔۔۔۔ کی شیرین بیانی، نرم گفتاری اور جملوں کی ترتیب و تدوین کا کون کافر ہے جو معترف نہیں ہوگا نرم دم گفتگو اور گرم دم جستجو کی مصداق یہ شخصیت اپنے ہر آنے والے مہمان کی اپنی شیریں گفتاری اور سبز چائے کے ساتھ وہ تواضع کرتے ہیں کہ آنے والا انکی نستعلیقیت سے متاثر ہوئے بغیر نہیں رہ سکتا میری بھی ان سے چند ملاقاتیں ہیں اور میری کتاب "برق بے تاب" کا دیباچہ بھی انہوں نے ہی لکھا ہے ۔۔۔۔۔ لیکن افسوس ہے کے ایک ایسے شخص کے زیر سایہ کام کرنے والے لوگوں کی اردو دانی کا یہ عالم ہے کہ الحفیظ و الاماں ۔ مجھے نہیں معلوم کہ فتح محمد ملک اپنی ٹیم پر فخر محسوس کرتے ہونگے یا ان کا سر بار ندامت سے خم ہوجاتا ہوگا

مگر یاد رہے وہ سب انگریزی میں ہوگا

مجھے معلوم نہیں کہ یہ آپ نے مجھے اطلاع دی ہے یا مجھ پر طنز کیا ہے یا مجھے انگری زبان سے بے بہرہ سمجھتے ہوئے میری تحقیر کی ہے ۔۔۔۔ بہر حال جو بھی اس سلسلہ میں عرض ہے کہ میں انٹر نیٹ کو استعمال کرتا ہوں اور الحمد للہ انگریزی اردو فارسی اور عربی کی ویب سائٹس سے استفادہ کرتا رہتا ہوں
محترم مجھے آپ یہ نہ بتائیں کہ یہ سب کچھھ انگریزی میں ہوتا ہے ۔۔۔۔ بلکہ میں آپ کو یہ بتانا چاہتا ہوں کہ مقتدرہ قومی زبان اسی لیے قائم ہوا ہے کہ وہ اردو کو فروغ دے اور یہ فروغ دفاتر میں ہی نہیں بلکہ کمپیوٹر ٹیکنالوجی اور آئی ٹی کی دنیا میں بھی ہوگا اگر یہ سب کچھ انگریزی میں ہے تو اس میں آپ میری تحقیر کیوں کرتے ہیں بلکہ اس بات پر مجھے اپنے اداروں کے بے حسی اور مردہ ضمیری پر ماتم کرنا چاہیے

 

[شاکرالقادری]

مجھے آپ تمام دوستوں سے شدید اختلاف ہے۔ دوستوں اگر کوئی کام کرنا چاہتا ہے تو آپ دوستوں کو چاہئے کہ اسکی حوصلہ افزائی کریں اور اگر حوصلہ افزائی نہیں کرسکتے تو کم از کم تنقید پر تنقید نہ کریں اس سے جو ساتھی کسی پروجیکٹ کو سٹارٹ کرنا چاہتا ہے اسکی حوصلہ شکنی کی جاتی ہے اور پھر وہ دوست اُس کام میں انٹرسٹ نہیں لیتا۔ دوستوں اگر کوئی دوست کسی پروجیکٹ کو سٹارٹ کرتا ہے تو وہ اسی لئے تو سٹارٹ کرتا ہے کہ اُس پروجیکٹ کو پایہ تکمیل تک پہنچائے اور اگر یہ پروجیکٹ خوانخواستہ ادھورا رہ جاتا ہے تو کم از کم باقی دوستوں کو تو اس سے کنسیپٹ ملتی ہے اس پر آگے کام کرنے کی تو میں تمام دوستوں سے گذارش کرونگا کہ اگر آپ سب دوست محبوب خان صاحب کی حوصلہ افزائی نہیں کرسکتے تو برائے مہربانی تنقید اور حوصلہ شکنی بھی نہ کریں اس سے پہلے بھی محفل سے اس تنقید کی وجہ سے ہم اچھے اچھے ماہر دوستوں کو کھوچکے ہیں۔

برادر عبدالمجید
مجھے آپ کی اس بات سے پورا اتفاق ہے کہ اگر کوئی ساتھی پروجیکٹ شروع کرے تو اس کی ہر فورم پر حوصلہ افزائی درکار ہوتی ہے اور ہمارے ہاں اردو محفل پر ایسا ہی ہوتا ہے آپ دیکھیں گے کہ دوستوں نے کتنے پرو جیکٹ آغاز کیے خواہ ان پر کام مکمل ہو سکا یا کسی وجہ سے تعطل کا شکار ہے لیکن سب پرو جیکٹس میں ایک دوسرے سے تعاون کیا جاتا ہے چاہے یہ تراجم کے پرو جیکٹ ہوں جاہے اطلاقیہ سازی کے اردو محفل پر سب کے ساتھ تعاون کیا جاتا ہے
لیکن یاد رہے کہ یہ کسی ساتھی کے پرو جیکٹ کی بات نہیں ہے ۔۔۔۔۔۔ یہ حکومت پاکستان کی جانب سے قائم کردہ ایک ایسے ادارے کے پرو جیکٹ ہیں جو پاکستان میں اردو زبان کے نفاذ اور فروغ کے لیے سرکاری خرچ سے قائم کیا گیا ہے ۔۔۔۔۔ اس ادارہ کو اردو کے فروغ کے لیے اور ان پرو جیکٹس کے لیے کروڑوں روپوں کے فنڈز حکومت پاکستان کی جانب سے دیے جاتے ہیں اور اس ادارے کے کارپردازان کو ہر طرح کی مراعات اور سہولتیں فراہم کی گئی ہیں اور یہ فنڈر کہاں سے آتے ہیں ۔۔۔۔ یہ سب قوم کا سرمایہ ہے ۔۔۔ غریبوں کے خون پسینہ کی کمائی ہے ان کو ان پروجیکٹس پر کام کرنے کے لیے بڑی بڑی مراعات اور تنخواہیں ملتی ہیں ان پرو جیکٹس پر کام کرنا اور ان کو مکمل کرنا ان کی ذمہ داری ہے اگر یہ مکمل نہیں کر پاتے یا کسی پروجیکٹ کو بند کرتے ہیں تو یہ مجرم ہیں اور قوم کو پورا پورا حق حاصل ہے کہ ان سے پوچھے کہ آپ خطیر قومی رقوم کو خرچ کرنے کے بعد قوم کو کیا دے رہے ہیں

محبوب خان خود اس بات کا اعتراف کر چکے ہیں کہ اداروں کے تحت کیا جانے والا کام افراد کی ملکیت نہیں ہوتا بلکہ اداروں کی ملکیت ہوتا ہے پھر وہ کس قسم کی حوصلہ افزائی کی توقع رکھتے ہیں اس کام کے لیے حکومت ان کی حوصلہ افزائی ہی تو کر رہی ہے بڑی بڑی تنخواہوں اور مراعات کی صورت میں ہاں یہ کچھ کر کے دکھائیں تو ہم انہیں داد ضرور دیں گے
اس کے بر عکس اردو محفل پر جو پرو جیکٹس چل رہے ہیں ان کو کون سپانسر کرتا ہے؟ ان پر کام کرنے والوں کو کون تنخواہیں دیتا ہے؟ جواد نے عماد نستعلیق متعارف کروایا اس کو کتنے فنڈز ملے نبیل اور قدیر رانا کو کتنی تنخواہ اردو کی خدمت کے لیے ملتی ہے عارف کریم کو کون تنخواہ دیتا ہے کہ وہ قرآن پرو جیکٹ پر کام کر رہے ہیں
ان تمام لوگوں کو کام کرنے پر کون سی چیز اکساتی ہے اس کا جواب صرف ایک ہے کہ ان کی اردو سے محبت اور اردودان طبقہ کی جانب سے انکی حوصلہ افزائی

ایک وہ لوگ ہیں جو اردو کے نام پر بری بڑی رقوم حاصل کرتے ہیں لیکن کام پھر بھی نہیں کرتے

دوسرے وہ لوگ ہیں جو اپنے پلے سے خرچ کر کے اردو کی خدمت کر رہے ہیں

اب بتایئے ہم کس کی حوصلہ افزائی کریں اور کس کا احتساب

 

[محسن حجازی]

قادری صاحب تو اس محفل کے چند نابغہ روزگار ہستیوں میں سےہیں جو فارسی، عربی، اردو، پنجابی انگریزی کے علاوہ خطاطی پر بھی عبور رکھتے ہیں۔
آپ نے املا کی طرف اشارہ کیا، میں آپ کو یہ بتاتا ہوں کہ انہیں یونی کوڈ کی بابت بھی علم نہیں کہ یہ کیا کہہ رہے ہیں اورکر کیا رہے ہیں۔

نقطوں اور حروف کی خالی کشتیوں کے جدا جدا کردار کے فوائد:
چونکہ اردو کا رسم الخط ایک معتدبہ حد تک عربی و فارسی رسوم الخط ہی کی توسیع (extension) ہے اور یہ پاکستان میں بولی اور لکھی جانے والی قریب قریب تمام زبانوں کا بھی یکساں رسم الخط ہے، اِس لیے سب پاکستانی زبانیں اب اِسی ایک کوڈ چارٹ (0880) اور حروف کی خالی کشتیوں کی مدد سے لکھی جاسکتی ہیں۔ ایک نقطہ، دو نقطے، تین نقطے، چار نقطے، چھوٹی طوئے، نقطے اُلٹے چاہیے ہوں یا سیدھے، وغیرہ، کا کسی بھی حرف کے اوپر یا نیچے لکھنا ممکن ہوگیا ہے۔ بلکہ نقطے کے اوپر چھوٹی طوئے اور حرف کے نیچے ش کے اوپر والے تین نقطے لگانا بھی ممکن ہے۔
نقطوں اور حروف کی جدا جدا حیثیت کی وجہ سے اردو بصری حرف شناسی (optical Character Recognition) میں بھی بہت سہولت متوقع ہے۔
سب سے بڑی بات یہ ہے کہ صرف 22 شکلوں کی مدد سے تمام پاکستانی زبانوں کا لکھا جانا ممکن ہوگیا ہے۔ بہت کم الفاظ کے استعمال کی وجہ سے Rendering میں بھی آسانی در آئی ہے۔

یعنی ان کے مطابق، اب ہر حرف کی کشتی پر الگ سے نقطے لگیں گے۔

اب آئیے دیکھتے ہیں کہ یونی کوڈ میں جو رجسٹر کیا جا رہا ہے، اس کی حیثیت کیا ہے۔ دوسری پی ڈی ایف دستاویز کھولئے:

There is a need to encode dot patterns used in Arabic letters for pedagogical and other
purposes, as exemplified in the original proposal L2/06-039 and related documents.

یعنی کہ انہیں تدریسی مقاصد کے لیے جگہ دی جارہی ہے نہ کہ diacritics کے طور پر۔ اچھا مزید آگے پڑھئے:

These would be given characters properties as follows (in the syntax of the
UnicodeData.txt file):
08nn;---NAME---;Sk;0;AL;;;;;N;;;;;
The line-breaking behavior of these characters would be similar to ordinary Arabic letters
or symbols. They should also be allowed as parts of identifiers.

یعنی اس پیرے میں یہ کہا جا رہا ہے کہ ان نقطوں کو کوئی خصوصی حيثیت حاصل نہیں، یہ عام عربی حروف کی طرح یونی کوڈ کی اصطلاح میں spacing characters ہیں۔ spacing character وہ ہوتے ہیں جنہیں ٹائپ کیا جائے تو وہ جگہ گھیریں جیسے ب، پ لیکن اعراب spacing characters نہیں ہیں۔ تو انہیں جو جگہ دی جا رہی ہے، بطور diacritics نہیں دی جا رہی۔

مزید تصدیق کے لیے:
08nn;---NAME---;Sk;0;AL;;;;;N;;;;;
یہ لائن دیکھ لیجئے یہ یونی کوڈ ڈیٹا بیس کے اندرونی فارمیٹ کی نوٹیشن ہے اور انہیں کوئی نہیں پڑھ پایا ہوگا۔ ظاہر ہے جہاں اردو لکھنا پڑھنا محال ہو، وہاں ایک ٹیکنیکل فارمیٹ کو پڑھنا ویسے ہی جوئے شیر لانے کے مترادف ہے۔

اب ذرا چارٹ کھول کر دیکھئے تومعلوم ہوگا کہ ان حروف کو گول دائرے پر ویسے نہیں دکھایا گیا جیسے کہ اعراب ہوتے ہیں یہ عام حروف ہیں۔

اب یہاں سے آپ معاملات میں درک کا اندازہ کر لیجئے کہ انہیں اول تو اندازہ ہی نہیں کہ یونی کوڈ کی technicalities ہیں کیا، کہا کیا جا رہا ہے، ان کا اپنا موقف کیا ہے وغیرہ وغیرہ۔
وجہ اس کی سادہ سی ہے کہ Addision & Wesley کہ ہاں سے شائع ہونے والی کتاب Unicode Standard کسی بھی صاحب نے دیکھنے کی زحمت گوارا نہیں کی ماسوائے کوڈ چارٹس کی ورق گردانی کے، جو اس کے پہلے آٹھ ابواب design principles سے بحث کرتے ہیں، وہ کسی کے علم میں ہی نہیں ہیں کہ ان کے مطالعے کے لیے اچھی خاصی computer science literacy درکار ہے۔

یعنی دو ہی باتیں ہیں، انہیں خود نہیں پتہ کہ ہو کیا رہا ہے، یا پتہ تو ہے لیکن دوسروں کو احمق سمجھا جا رہا ہے۔ شاید یہ بات نظر انداز کی جا رہی ہے کہ اس محفل پر siemens سے لے کر NASA تک اور Pantagone تک کے لوگ موجود ہیں۔

میں نے ریکارڈ کی تصیح ضروری سمجھی، مرکز کے احباب کو بھی مفت میں فائدہ پہنچا دیا وگرنہ تمام عمر شاید انہیں علم نہ ہوتا کہ ہو کیا رہا ہے۔

بہرطور، اردو اور اسلام کے نام پر جہاں اور بہت خاک بیچی جا رہی ہے، وہاں اس سے بھی کوئی فرق نہیں پڑتا۔
میری کسی سے کوئی ذاتی مخاصمت نہیں، یہ سطور فقط قومی فریضے کے طور پر گھسیٹ رہا ہوں تاکہ احباب حقیقت سے آگاہ رہیں اور بات ریکارڈ پر آ جائے۔
لکھنے کو بہت کچھ کہا جا سکتا ہے لیکن:
ہم ہنس دیئے، ہم چپ رہے، منظور تھا پردہ تیرا۔
سو ان تمام معاملات سے ہم اغماض برتیں گے۔
لیکن یہ سنگین تکنیکی غلطی سامنے لانا میں ایک computer scientist کی حیثیت سے اپنا فرض سمجھتا ہوں۔

 

[محبوب خان]

یہاں میں اس لیے پوسٹنگ نہیں کرتا کہ کسی پر طنز کروں ہاں البتہ اس فورم پہ جس طرح تنقید کے ڈونگے اور اس پر آپس میں واہ واہ کا جو عالم ہے آپ سب لوگ اس سے بخوبی واقف ہیں۔ اور تو چھوڑیں جناب عبدالمجید صاحب نے جب غیر جانب دارانہ رائے دی تو توپوں کا رخ ان کی طرف پھیر دیا گیا۔ لیکن شاباش ہے ان تمام لوگوں کو جوکہ شخصی تشخص سے بالا اپنی بے لاگ تبصرے سے کبھی نہیں گبھراتے۔

وہ تمام ساتھی جو کہ صرف اور صرف تنقید کررہے ہیں میں اسے بھی ان کی اردو سے محبت کا ایک انداز سمجھتاہوں‌ بس انداز ہر کسی کا اپنا ہوتا ہے۔ سو سب کی باتیں سر آنکھوں پہ۔

مقتدرہ میں اردو داں کے علاوہ آئی ٹی سے متعلق لوگ بھی کام کرتے ہیں اور آئی ٹی سے متعلق لوگ بھی اردو کے لیے ہی کام کررہے ہیں۔ سو ان کے کام کا انکار کوئی نہیں کرسکتا۔ یہ جو شاکر صاحب کا کہنا کہ وہ مختلف فورمزسے استفادہ کرتے رہتے ہیں‌تو جناب یہ آئی ٹی کی وجہ سے ممکن ہوا ہے۔ اہمیت سے انکار نہ کرو باقی اصلاح احوال کی گنجائش سے کوئی انکار نہیں ۔

اور جناب شاکر صاحب آپ جیسے تجرہ کار بھی اگر صرف یک طرفہ تبصرہ کرینگے تو جواب میں چند سطریں لکھنیں کی اجازت بھی پھر ضرور دیں اور اسے ہرگز ہرگز طنز سمجھ کے اس کو ہوا میں‌نہ اڑا دیں۔

آپ بار بار اردو محفل کا حوالہ دیتے ہیں تو جناب اس فورم کے بننے سے پہلے اور اس کے بعد بھی اردو کے حوالے سے آئی ٹی میں کام ہو رہا تھا اور ہو رہا ہے ۔ سو اردو محفل فورم کی اہمیت سے کوئی انکار نہیں مگر معیارات اداروں سے جانچے جاتے ہیں نہ کہ انفرادی کاموں سے۔

سو جب کسی ادارے کا تقابل کریں تو جیسا کہ میں یہاں مائیکروسافٹ، یونی کوڈ، اور آئی ایس وغیرہ کا مثال دیتا ہوں اور یہ ادارے مقتدرہ کے کام کو مانتے بھی ہیں۔

مقتدرہ اور کسی اور ادارے میں کام کرنے والے اور وہ جو کہ کام کرکے گئے ہیں سب قابل احترام ہیں اور ان کا کام ان کی پہچان ہے اور کوئی کسی کی علمی فضیلت پہ انگلی نہیں اٹھا سکتا اور نہ ہی ان کیے گئے کام سے کوئی انکار۔

اداروں میں اسی طرح لوگ آتے اور جاتے ہیں سو ان کا پہچان ادارے کا مرہون منت ہے۔

انفرادی کام کے اہمیت سے کوئی انکار نہیں مگر ادارے اپنی جگہ اہم ہیں اور کسی کے بے جا تنقید سے ادارے کام کرنا نہیں چھوڑتے ہیں‌ ہاں البتہ تنقید برائے تعمیر اداروں کے لیے کارآمد ہوتا ہے۔ اور اس پہلوں کو ضرور اجاگر کریں۔

آپ سب کا اردو سے متعلق محبت میں پھر کہنا چاہونگا کہ کسی شک سے بالا ہے اور اس سے کوئی انکار بھی نہیں اور آپ سب دوستوں کے محبت (گو کہ انداز کسی کا تیکھا ، کسی کا مشفق) کا شکریہ۔

ایک بار پھر اگر میری کسی بات سے کسی کی دل آزاری ہو ئی ہے یا ہورہی ہے تو دل کی گہرائیوں سے معزرت مگر ایک بار پھر کہ جائز تنقید ضرور اور ضرور کریں۔ مگر تعمیری پہلوں سے تہی دامنی نہ کریں۔

 

[منصور میرانی]

سوالات

باذوق کے یہ چار سوالات اب بھی تشنہ جواب طلب ہیں
1۔ پاک نستعلیق کا تازہ ترین اور فائنل ورژن کہاں ملے گا؟
2۔ اگر پاک نستعلیق کا پراجیکٹ بند کر دیا گیا ہے تو اس کی مختصر وجہ کیا بیان کی جائے گی؟
3۔ پاک نستعلیق کے بیٹا ورژن سے ہٹ کر ٹائپو گرافی کے کون سے پراجکٹ جاری ہیں اور ان کی نوعیت کیا ہے؟
4۔ جو پراجکٹ ادھورے چھوڑے گئے یا چھوڑے جا رہے ہیں ، ان کا احتساب کرنے کا حق کیا ان تکنیکی افراد کو حاصل نہیں ہے کہ جن کی طرف اشارہ کر کے آپ نے یوں درخواست پیش فرمائی تھی۔

 

[شاکرالقادری]

شکریہ محوب خان صاحب!
اتنی رواں سلیس اور برجستہ تحریر کے لیے!
آپ کی اس تحریر نے ثابت کر دیا ہے کہ میری تنقید بے جا اور محض تنقید برائے تنقید نہیں تھی ۔۔۔۔ اردو املا کے حوالے سے میرے محض دو تنقیدی مراسلوں نے وہ کام کر دکھایا جو شاید ایک عرصہ تک نہ ہو پاتا
میں بجا طور پر یہ کہنے میں حق بجانب ہوں کہ ان دو تنقیدی مراسلوں کے بعد آپ کی جانب سے ارسال کی جانے والی موجود تحریر پہلے سے کہیں بہتر، املا کی اغلاط سے کافی حد تک پاک اور جملوں کی ساخت کے اعتبار سے نسبتا سلیس اور رواں ہے تاہم ایک دو مقامات میں اب بھی کلام کیا جا سکتا ہے
میں توقع کرتا ہوں کہ میری تنقید کو محض بد نیتی پر محمول نہ کیا جائے گا بلکہ میری تنقید میں اگر کوئی تیکھا پن یا تلخی موجود ہے تو اس کے بھی اسباب ہیں ۔
تنقید کا اصل مقصد تو اصلاح ہوتا ہے ۔۔۔۔۔ اور میں یہ مقصد حاصل کرنے میں کامیاب رہا ہوں ۔ جس کا ثبوت آپ کے موجودہ مراسلہ سے ظاہر ہے
میری تنقید نے "تنقید برائے اصلاح" کا اصل مقصد پا لیا ہے اور اب آپ میری تنقید کو کسی طور "بے جا" یا "یک طرفہ" کا الزام نہیں دے سکتے
مجھے امید ہے کہ مقتدرہ کے دیگر پروجیکٹس کا قبلہ درست رکھنے اور انکی اصلاح کے لیے بھی اس فورم میں ہونے والی تنقید بھرپور کردار ادا کرے گی

جہاں تک مائیکروسافٹ، یونی کوڈ، اور آئی ایس وغیرہ کی جانب سے مقتدرہ کے کام کو ماننے یا تسلیم کرنے کی بات ہے تو اس سلسلہ میں عرض ہے کہ چند روز پہلے جب اردو محفل پر موجودہ سلسلہ گفتگو کا ابھی آغاز نہیں ہوا تھا میری مقتدرہ سے منسلک ایک اہم شخصیت سے ٹیلی فون پر تقریبا آدھ گھنٹہ بات رہی ان صاحب نے مجھے پہلی مرتبہ یونی کوڈ چارٹ میں نقاط اور کشتیوں کو شامل کروانے کے کارنامہ کی خوشخبری سنائی تھی اور آپ کے ارسال کردہ تحقیقی مضمون میں شامل تمام اہم نکات انہوں نے بڑی گرمجوشی سے مجھے ٹیلی فون پر ہی بتا دیے تھے۔ قابل ذکر بات یہ ہے کہ انہوں نے یہ انکشاف کیا کہ یونی کوڈ والوں کے پاس یہ معاملہ کافی عرصہ سے معلق تھا لیکن مقتدرہ نے یونی کوڈ چارٹ میں یہ چیزیں شامل کرانے کے لیے یونی کوڈ والوں کو اپنی واجب الادا فیسوں کی ادائیگی نہ کرنے کی دھمکی دی تھی جو کارگر ثابت ہوئی ۔۔۔۔ اور یہ کارنامہ اس طرح اپنے انجام کو پہنچا
کیا ان عالمی اداروں سے مقتدرہ کے کام کو اسی طرح تسلیم کروایا جاتا ہے؟؟

 

[نبیل]

میں تو سوچ میں پڑ گیا ہوں کہ یہ املا کی بہتری کے احوال ہیں یا پھر اس پردہ ژنگاری کے پیچھے کوئی اور لفظ تراشی کار فرما ہے۔۔

 

[باسم]

یہ کشتیاں تو بھنور میں پھنس گئی ہیں

 

[arifkarim]

یہ کشتیاں تو بھنور میں پھنس گئی ہیں

بھنور میں نہیں باسم بلکہ سمندری طوفانوں میں

 

[شاکرالقادری]

میں تو سوچ میں پڑ گیا ہوں کہ یہ املا کی بہتری کے احوال ہیں یا پھر اس پردہ ژنگاری کے پیچھے کوئی اور لفظ تراشی کار فرما ہے۔۔

واہ بھئی واہ
میں نے یہ جانا کہ گویا یہ بھی میرے دل میں تھا
۔۔۔۔۔۔۔۔۔۔
بھری بزم میں راز کی بات کہہ دی
بڑے بے ادب ہو سزا پاٶ گے تم
﴿اقبال بہ ترمیم﴾

 

[محبوب خان]

جناب شاکر صاحب کا درستگی کے لیے شکر گزار ہوں
" اصل پيغام ارسال کردہ از: نبیل پيغام ديکھيے
میں تو سوچ میں پڑ گیا ہوں کہ یہ املا کی بہتری کے احوال ہیں یا پھر اس پردہ ژنگاری کے پیچھے کوئی اور لفظ تراشی کار فرما ہے۔۔ "

دیکھا شاکر صاحب! کہ نبیل صاحب نے فورا اپنے شک کا اظہار کردیا کہ اس کے پیچھے کوئی اور ہے ۔ آخری پوسٹ میں نے اپنے گھر سے اردو محفل میں پوسٹ کردیا اگر نبیل صاحب کو یقین نہیں تو آئی پی ضرور دیکھیں۔

آپ اس سے اندازہ لگا لیں کہ ہم کسی کے بارے کیا سوچ رکھتے ہیں؟

 

[عبدالمجید]

مجھے افسوس ہے کہ اب بھی وہی حال ہے اس دھاگہ میں میرا آپ دوستوں سے ایک درخواست ہے کہ اگر آپ دوست صاحبان مقتدرہ کا احتساب ہی کرنا چاہتے ہیں توبیشک آپ مقتدرہ کا احتساب کر ہی لیں لیکن مہربانی کرکے محبوب خان صاحب کا احتساب کرنا چھوڑدیں اگر آپ دوست صاحبان محبوب خان صاحب کو کوئی مفید مشورہ دیں یا انکی کسی غلطی کی تصحیح کریں یا اگر انہوں نے کسی پوسٹ میں مضمون لکھنے میں کہیں غلطی ہوگئی ہو تب بھی آپ انہیں بتاسکتے ہیں جیسے محترم محسن حجازی بھائی نے محبوب خان صاحب کو ایک تکنیکی غلطی کے طرف توجہ دلایا۔ میرے محترم دوستوں میرا آپ سب دوستوں سے ابھی بھی یہی درخواست ہوگی کہ آپ صاحبان اس دھاگہ کو اسکی اصلی طرف لے جائیں نہ کہ آپ دوست صاحبان جذباتی ہوجائیں۔ شکریہ