چودہویں سالگرہ مصرع اٹھائیے ۔ شعر بنائیے

[عرفان سعید]

کل ڈاکٹر کے پاس گئے تو ہمیں کہا
"سارے جہاں کا درد ہمارے جگر میں ہے "

 

[سید عمران]

"ایسے"

اب یہ شعر اس طرح لکھا کریں گے:
’’ایسے‘‘ پاک سر زمین شاد باد
یا
’’ایسے‘‘ لب پہ آتی ہے دعا!!!

 

[سید عمران]

تو پھر آپ کو واوین کا کیسے پتا چلتا؟

یہ اب بھی اسے واؤ(و) کی جمع سمجھ رہے ہیں!!!

 

[عرفان سعید]

"شہر میں اپنے یہ لیلیٰ نے منادی کر دی"
کوئی روٹی ہی کھلا دے مرے دیوانے کو

 

[سید عمران]

’’میرے لئے وہ چائے بنا کر لائی ہے‘‘
بھیا نے بیچ میں کیوں اُڑائی ہے؟؟؟

 

[سروش]

ایک تو واوین simple quotes ہوتے ہیں جو کہ براہ راست کی بورڈ سے لگ جاتے ہیں اسطرح ""، اور ایک اسمارٹ کوٹس ہوتے ہیں جو کہ alt+0148 اور alt+0147 سے لگتے ہیں ”اسطرح“۔

 

[عرفان سعید]

چٹ منگنی پٹ بیاہ، اب سوچتا ہوں اکثر
"لمحوں نے خطا کی تھی صدیوں نے سزا پائی"

 

[عرفان سعید]

عید کا دن ہے نہا آج تو لے اے ظالم
"رسم دنیا بھی ہے موقع بھی ہے دستور بھی ہے"

 

[نیرنگ خیال]

تلوک چند مرحوم کا شعر

اے ہم نفس نہ پوچھ جوانی کا ماجرا
موج نسیم تھی ادھر آئی ادھر گئی

ہماری گرہ
اے ہم نفس نہ پوچھیو تنخواہ کا حساب
"موجِ نسیم تھی ادھر آئی ادھر گئی"

 

[محمد تابش صدیقی]

تلوک چند مرحوم کا شعر

اے ہم نفس نہ پوچھ جوانی کا ماجرا
موج نسیم تھی ادھر آئی ادھر گئی

ہماری گرہ
اے ہم نفس نہ پوچھیو تنخواہ کا حساب
"موجِ نسیم تھی ادھر آئی ادھر گئی"

اسی غمناک مضمون پر ایک شعر

آج یوں جیب میں روٹھی ہوئی پے آئی ہے
"جیسے ویرانے میں چپکے سے بہار آ جائے"

 

[فلسفی]

"کوئی امید بر نہیں آتی"
وہ جو چھت پر نظر نہیں آتی

 

[عرفان سعید]

ڈنڈے کھائے میں نے تیرے بھائیوں سے جس جگہ
"مدتیں گزریں پر اب تک وہ ٹھکانا یاد ہے "

 

[عرفان سعید]

"چپکے چپکے رات دن آنسو بہانا یاد ہے "
ہم کو اب تک امتحانوں کا زمانا یاد ہے

 

[محمد عدنان اکبری نقیبی]

"چپکے چپکے رات دن آنسو بہانا یاد ہے "
بھائی جاں کہہ کے پڑوسن کا بلانا یاد ہے

 

[فلسفی]

ملک کے خزانے کو صاف کرکے بولے وہ
"ڈاکہ تو نہیں ڈالا چوری تو نہیں کی ہے"

 

[فلسفی]

ترے ہاتھی صفت بھائی نے مارا اس قدر مجھ کو
"کہ تارِ دامن و تارِ نظر میں فرق مشکل ہے"

 

[عرفان سعید]

ڈراموں میں اسے روتے ہوئے دیکھا، کہاں ورنہ
"ہزاروں سال نرگس اپنی بے نوری پہ روتی ہے "

 

[عرفان سعید]

ہمیں اب تک پڑوسن کا بھائی کہہ کربلانا یاد ہے

وزن سے خارج ہو رہا ہے۔ ایک صورت یہ ہو سکتی ہے

بھائی جاں کہہ کے پڑوسن کا بلانا یاد ہے

 

[محمد تابش صدیقی]

لوٹ کر آیا ہے باہر سے مگر خالی ہاتھ
"ایسے آنے سے تو بہتر تھا نہ آنا تیرا"

 

[فلسفی]

بھائی - جاں کہہ کے پڑوسن کا بلانا یاد ہے

ذومعنی ۔۔۔