چودہویں سالگرہ مصرع اٹھائیے ۔ شعر بنائیے

[عرفان سعید]

"چل پرے ہٹ مجھے نہ دکھلا مُنہ"
اے صنم اتنا تیرا کالا مُنہ

 

[عرفان سعید]

"شب تُم جو بزمِ غیر میں آنکھیں چُرا گئے"
بریانی چپکے سے تری ہم بھی اڑا گئے

 

[عرفان سعید]

"رویا کریں گے آپ بھی پہروں اسی طرح"
شادی کہیں جو آپ کی ہو گی مری طرح

 

[عرفان سعید]

جب گھونگھٹ ہٹایا تو دلہن نے یہ کہا
"لو آپ اپنے دام میں‌ صیّاد آگیا"

 

[محمد تابش صدیقی]

"دیکھنا تقریر کی لذت کہ جو اس نے کہا"
میں اسے غلطی سے بریانی سمجھ کر کھا گیا

 

[عرفان سعید]

ورلڈکپ کی حالیہ صورتِ حال کے تناظر میں:

"پرواز ہے دونوں کی اسی ایک فضا میں"
کیوی کا جہاں اور ہے، شاہیں کا جہاں اور

 

[عرفان سعید]

"ہاتھ خالی ہیں تِرے شہر سے جاتے جاتے "
چھپ کے مسجد سے ہی جوتے دو اٹھاتے جاتے

 

[آصف اثر]

عرفان سعید بھائی اس بہانے کہیں آپ کو نیم شاعری کا دورہ تو نہیں پڑا؟

 

[عرفان سعید]

پریشاں مت ہو گر کھڑکیاں دو ٹوٹی ہیں
"کرائے دار ہیں، ذاتی مکان تھوڑی ہے"

 

[محمداحمد]

"خبر تحیرِ عشق سُن ، نہ جنوں رہا، نہ پری رہی"
جو تھی بانوے کی مماثلت ، وہیں بانوے میں دھری رہی

 

[محمد تابش صدیقی]

"دشت میں قیس رہے، کوہ میں فرہاد رہے"
ہاں مگر ٹیکس ادا کرنا انھیں یاد رہے

 

[عرفان سعید]

عرفان سعید بھائی اس بہانے کہیں آپ کو نیم شاعری کا دورہ تو نہیں پڑا؟

نہیں!
مجھے دھریک شاعری کا دوڑا پڑا ہے!

 

[محمداحمد]

پانی سے سگ گزیدہ ڈرے جس طرح اسدؔ
ڈرتا ہوں بانوے سے کہ کرکٹ گزیدہ ہوں

 

[عرفان سعید]

کھا رہے گول گپے گلی میں محمود و ایاز
"نہ کوئی بندہ رہا اور نہ کوئی بندہ نواز "

 

[عرفان سعید]

"تمہاری انجمن سے اُٹھ کے دیوانے کہاں جاتے"
جو نرگس روٹھی ہم سے، اس کو سمجھانے کہاں جاتے

 

[محمداحمد]

"نہ پوچھ عالمِ برگشتہ طالعی آتش"
نہ نیوزی لینڈ ہی کام آ سکا نہ ہندوستاں

 

[محمد تابش صدیقی]

"ہنسنے نہیں دیتا کبھی رونے نہیں دیتا"
کرکٹ کا جنوں قوم کو سونے نہیں دیتا

 

[عرفان سعید]

ایک کم بخت یہ آیا ہے جو موبائل فون
"ایک یہ دن کہ بہل جاتے ہیں پیغاموں سے"

 

[عرفان سعید]

بانوے کی یہ پرانی سی کہانی سن کر
"خالی شیشوں کی طرح لوگ اُچھلتے کیوں ہیں "

 

[عرفان سعید]

"آنکھوں میں نمی آئی چہرے پہ ملال آیا"
بھائی بلا کر مجھ کو جب تیرا سوال آیا