چودہویں سالگرہ مصرع اٹھائیے ۔ شعر بنائیے

[عرفان سعید]

"فرہاد کس امید پہ لاتا ہے جوئے شیر "
شیریں تو رات کھا کے گئی اتنی ساری کھیر

 

[عرفان سعید]

گرمی سے ہانپتی جو کھوتی بے چاری آئی
"قیس سمجھا مری لیلیٰ کی سواری آئی "

 

[عرفان سعید]

تھا منع اگرچہ ، رانجھے کی پھوپھو بھی اکثر
"ہزار بار تو رانجھا کو لائی ہیر کے گھر "

 

[عرفان سعید]

اس لڑی میں گرہیں لگانے کی ففٹی مکمل!

شاید بنگلہ دیش کے خلاف کام آجائے!

 

[آصف اثر]

پریشاں مت ہو گر کھڑکیاں دو ٹوٹی ہیں
"کرائے دار ہیں، ذاتی مکان تھوڑی ہے"

ہاہاہاہا۔ راحت اندوری صاحب کا تصور کرکے اس کا لطف دوبالا ہوجاتاہے!

 

[فاخر]

ہاہاہاہا۔ راحت اندوری صاحب کا تصور کرکے اس کا لطف دوبالا ہوجاتاہے!

آہا آہا آہا آہا !!! میں اس شعر کو اپنا لقمہ بنانا چاہتا تھا ؛لیکن آپ اچک لے گئے

 

[محمد عدنان اکبری نقیبی]

پریشاں مت ہو گر کھڑکیاں دو ٹوٹی ہیں
"کرائے دار ہیں، ذاتی مکان تھوڑی ہے"

یہ گرہ واقعی لاجواب لگائی ہے کیمیاء گر نے ۔

 

[انس معین]

بچپن گزر گیا ہے اب افسر نہیں ہوں میں
"وہ دن گئے کہ کہتے تھے نوکر نہیں ہُوں میں "

 

[عرفان سعید]

مجھے ڈاکٹر نے ورزش کرنے کا کہا اور اس مشورے پر عمل کرتے ہوئے میں نے ڈھیروں مصرعے اٹھائے اور اٹھا کر گرہیں بھی لگائیں!

 

[عرفان سعید]

اے زوجہ سام سنگ یا ایپل؟ تو کچھ بتا
"معلوم بھی تو ہو، کہ تمہاری رضا ہے کیا"

 

[عرفان سعید]

"شکرِ الطاف نہیں، شکوۂ بیداد نہیں "
کالی آندھی سے شکست، اور تو کچھ یاد نہیں

 

[عرفان سعید]

شیف ذاکر کی، زبیدہ آپا کی، باری رکھو
"زندہ رہنا ہے تو ترکیبیں بہت ساری رکھو "

 

[عرفان سعید]

"چھپ کے اس نے جو خود نمائی کی "
بیوی نے پھر بہت پٹائی کی

 

[عرفان سعید]

"گھر سے یہ سوچ کے نکلا ہوں کہ مر جانا ہے"
کودتے وقت مری تنگی تو ڈر جانا ہے

 

[جاسمن]

"خبر تحیرِ عشق سُن ، نہ جنوں رہا، نہ پری رہی"
جو تھی بانوے کی مماثلت ، وہیں بانوے میں دھری رہی

زبردست!

 

[عرفان سعید]

"اب یہ سوچوں تو بھنور ذہن میں پڑ جاتے ہیں"
بیوی بچے نئے ٹی وی پہ تو اڑ جاتے ہیں

 

[عرفان سعید]

"نئی طرح سے نبھانے کی دل نے ٹھانی ہے"
وفات سے پہلے بیوی اور لانی ہے

 

[عرفان سعید]

"مت ناچ سر پہ دیکھ کے تاج اختیار کا "
شاہی لباس ایسا یہ، جو ہے ادھار کا

 

[جاسم محمد]

"نئی طرح سے نبھانے کی دل نے ٹھانی ہے"
وفات سے پہلے بیوی اور لانی ہے

خیر سے کہیں بیگم کا محفل پر خفیہ اکاؤنٹ ہی نہ بنا ہوا ہو

 

[عرفان سعید]

خیر سے کہیں بیگم کا محفل پر خفیہ اکاؤنٹ ہی نہ بنا ہوا ہو

اللہ کرے ایسا ہی ہو!