ملاقات

[عیشل]

بے چین کیئے رہتا ہے دھڑکا یہی جی کو
تجھ میں نہ زمانے کی کوئے خو نکل آئے
پھر دل نے کیا ترک ِ تعلق کا ارادہ
پھر تجھ سے ملاقات کے پہلو نکل آئے

 

[شمشاد]

تیری تصویر سے کروں باتیں
ہائے ممکن نہیں ملاقاتیں
کوئی بھی رُت ہو میری آنکھوں میں
بیٹھ جاتی ہیں آ کے برساتیں
(ناہید ورک)

 

[عمر سیف]

چاندنی راہ ملاقات میں دیوار بنی
چاند بھی جیسا تیرا چاہنے والا نکلا

 

[شمشاد]

دن ‘ جگہ ‘ وقت بتانے کی بھی زحمت ہو جناب!
آپ سے شرفِ ملاقات کہاں ممکن ہے؟
(فاخرہ بتول)

 

[نوید صادق]

آخر کے یہ سلوک ہم اب تیرے دیکھ کر
کرتے ہیں یاد پہلی ملاقات کے تئیں

شاعر: میر تقی میر

 

[شمشاد]

سیکھے ہیں مہ رخوں کے لیے ہم مصوّری
تقریب کچھ تو بہرِ ملاقات چاہیے
(چچا)

 

[ہما]

عذر آنے میں‌بھی ہے اور بُلاتے بھی نہیں
باعثِ ترکِ ملاقات بتاتے بھی نہیں

 

[شمشاد]

تُو سکندر ہے، مِرا فخر ہے ملنا تیرا
گو شرف خضر کی بھی مجھ کو ملاقات سے ہے
(چچا)

 

[فرخ منظور]

ہم کہ ٹھہرے اجنبی اتنی ملاقاتوں کے بعد
اب بنیں گے آشنا کتنی مداراتوں کے بعد
(فیض)

 

[شمشاد]

اب جو بچھڑا ہے تو کیا روئیں جدائی پہ تیری
یہ اندیشہ تو ہمیں پہلی ملاقات سے تھا

 

[عیشل]

تہی بھی ہوں تو پیمانے حسیں معلوم ہوتے ہیں
حقائق سے تو افسانے حسیں معلوم ہوتے ہیں
ملاقاتیں مسلسل ہوں تو دلچسپی نہیں رہتی
یہ بے ترتیب یارانے حسیں معلوم ہوتے ہیں​

 

[شمشاد]

پھر دل نے کیا ترک ِ تعلق کا ارادہ
پھر تجھ سے ملاقات کے پہلو نکل آئے

 

[نوید صادق]

دل تھا اداس ، عالمِ غربت کی شام تھی
کیا وقت تھا کہ تم سے ملاقات ہو گئ

شاعر: سلیم احمد

 

[شمشاد]

کیا پوچھتے ہو لذتِ آزارِ انتظار؟
ملنا ہے اور، شوقِ ملاقات اور ہے
(سرور)

 

[راجہ صاحب]

مدت میں وہ پھر تازہ ملاقات کا عالم
خاموش اداؤں میں وہ جذبات کا عالم
(جگر مراد آبادی)

 

[شمشاد]

یہ بھی کیا شامِ ملاقات آئی
لب پہ مشکل سے تری بات آئی
(ناصر کاظمی)

 

[ہما]

جانے والے سے ملاقات نہ ہونے پائی
دل کی دل میں ہی رہی بات نہ ہونے پائی​

​

 

[راجہ صاحب]

آخر کے یہ سلوک ہم اب تیرے دیکھ کر
کرتے ہیں یاد پہلی ملاقات کے تئیں

 

[شمشاد]

سیکھے ہیں مہ رخوں کے لیے ہم مصوّری
تقریب کچھ تو بہرِ ملاقات چاہیے

(چچا)

 

[راجہ صاحب]

تو میرے شوق ملاقات پر تنقید نا کر
اچھے لگتے ہیں مجھے تیری شباہت والے

نامعلوم