منتخب اشعار برائے بیت بازی!

[ظفری]

ایک دم اور سینکڑوں جھگڑے
زندگی کمال ہوتی ہے !

الجھ جائیں تو جان لے لیں
سلجھ جائیں تو بے مثال ہوتے ہیں۔۔

سارا ۔۔۔ شعر“ الف “ سے نہیں بلکہ “ ن “ سے شروع کرناتھا ۔ چلئے دوبارہ کوشش کریں ۔

 

[شمشاد]

جب تک وہ ‘ن‘ سے شعر لکھیں گی، دھاگہ کتنا آگے بڑھ چکا ہو گا۔

میں لکھتا ہوں۔

نہ تھا کچھ تو خدا تھا، کچھ نہ ہوتا تو خدا ہوتا
ڈبویا مجھ کو ہونے میں، نہ ہوتا میں تو کیا ہوتا

 

[الف عین]

آرائشِ خیال بھی ہو دل کشا بھی ہو
وہ درد اب کہاں جسے جی چاہتا بھی ہو
ناصر کاظمی

 

[شمشاد]

وفا کے شیش محل میں سجا لیا میں نے
وہ اک دل جسے پتھر بنا لیا میں نے
(قتیل شفائی)

 

[الف عین]

یوں تو مرنے کے لئے زہر سبھی پیتے ہیں
زندگی تیرے لئے زہر پیا ہے میں نے
خلیل الرحمٰن اعظمی

 

[شمشاد]

اسی غزل کا شعر ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ سوچ کر کہ نہ ہو تاک میں خوشی کوئی
غموں کی اُوٹ میں خود کو چھپا لیا میں نے
(قتیل شفائی)

 

[الف عین]

یوں ہو ترا چہرہ بھی نہ خوابوں میں کبھی آئے
یوں ہو کہ ترا نام کبھی بھول بھی جائیں

 

[شمشاد]

نہ ملا کر اداس لوگوں سے
حسن تیرا بکھر نہ جائے کہیں
(ناصر کاظمی)

 

[سارہ خان]

نہ محبت، نہ مروت، نہ خلوص، اے شعری
میں تو شرمندہ ہوں اس دور کا انساں ہو کر

 

[ظفری]

ریزہ ریزہ جو کیا خود کو، چلو ہم نے کیا
ورنہ الزام تو یہ بھی ترے سر جاتا ہے
​

 

[شمشاد]

یہ الگ بات ہے ساقی کہ مجھے ہوش نہیں
ہوش اتنا ہے کہ میں تجھ سے فراموش نہیں

 

[ظفری]

نگاہ لوٹ کر نہیں آئی
اُن پہ قربان ہو گئ ہو گی​

 

[شمشاد]

یہ ہوا “ ساغر “ یہ ہلکی چاندنی
جی میں آتا ہے یہیں مر جائیے
(ساغر نظامی)

 

[ظفری]

یا تو مٹ جائیے یا مٹا دیجیئے
کجیئے جب بھی سودا کھرا کجیئے​

 

[شمشاد]

یاد کسی کی چاندنی بن کر کوٹھے کوٹھے اُتری ہے
یاد کسی کی دھوپ ہوئی ہے زینہ زینہ اتری ہے
(بشیر بدر)

 

[ظفری]

یادیں پاگل کرتیں ہیں ، باتیں پاگل کرتیں ہیں
چہرہ ہوش بھلاتا ہے ، آنکھیں پاگل کرتیں ہیں
​

 

[الف عین]

ناحق ہم مجبوروں پر یہ تہمت ہے مختاری کی
چاہتے ہیں ہیں سو آپ کریں ہیں، ہم کو عبث بدنام کیا

 

[شمشاد]

اک مدت سے جہاں قافلے گزرے ہی نہیں
ایسی راہوں پہ چراغوں کو جلاتا کیوں ہے
(سعید راہی)

 

[ظفری]

یہ عہد ِ نو ہے نیا طرز اختیار کرو
دلوں میں درد لبوں پر مگر قصیدہ رہے​

 

[شمشاد]

یہاں سے اب کہیں لے چل خیالِ یار مجھے
چمن میں راس نہ آئے گی یہ بہار مجھے
(عزیز وارثی)