منتخب اشعار برائے بیت بازی!

[ظفری]

یہ اُونچے پیڑ کیسے ہیں
کہیں سایہ نہیں کرتے​

 

[الف عین]

یہ جو چشمِ پر آب ہیں دونوں
ایک خانہ خراب ہیں دونوں
میر؟

 

[شمشاد]

نظر نظر سے ملا کر شراب پیتے ہیں
ہم ان کو پاس بیٹھا کر شراب پیتے ہیں
(تسنیم فاروقی)

 

[سارہ خان]

نہ تھی اپنے عیبوں پہ جو نظر
رہے دیکھتے اوروں کے عیب و ہنر

پڑی اپنے عیبوں پہ جو نظر
تو نگاہ میں کوئی برا نہ رہا

 

[LeoTheLion]

اپنوں نے بھی نہ جانے کیوں اجنبی ہی سمجھا
ایسا بھی مجھ پہ گزرا وقت آزمائیشوں کا

۔خاور قریشی۔

 

[شمشاد]

بہت خوب LeoTheLion صاحب، یہ آپ کا دوسرا خط ہے۔
میں آپ کو اس محفل میں خوش آمدید کہتا ہوں لیکن آپ ذرا تعارف کے زمرے میں جائیں اور اپنا تعارف دیں۔
---------------------------------------------------------------------------------------
اب تو تنہائی کو یہ کرب نہ ہو گا برداشت
کچھ نہیں تو در و دیوار کی باتیں ہی سہی
(حمائت علی شاعر)

 

[ظفری]

اب مجھ کو اعتماد کی دعوت نہ دے کوئی
میں خود یہ چاہتا ہوں کہ حالات ہوں خراب​

 

[شمشاد]

ظفری بھائی یہ بیت بازی کا دھاگہ ہے۔ شعر ‘ ی ‘ سے یا پھر ‘ ہ ۔ ح ‘ سے دینا تھا۔

 

[ظفری]

اوہ ۔۔۔ میں سمجھا کہ UNEER LIINE آپ کے دستخط ہیں اور اسی لیئے میں نے لیو کے آخری حرف پر شعر دیا تھا ۔

 

[سارہ خان]

یا دکھائی دے تو کسی جگہ یا جواب دے
میری عمر بھر کی ریاضتوں کا حساب دے

 

[ظفری]

یہ فسانہ اے محبت یہ وفا کی دستانیں
کوئی اور ذِکر چھیڑو میرا دِل لہو لہو ہے​

 

[شمشاد]

بعد مدت انہیں دیکھ کر یوں لگا
جیسے بیتاب دل کو قرار آ گیا
(روشن نندا)

 

[شمشاد]

دھاگہ تھوڑا سا گڑبڑ ہو گیا ہے، پھر سے شروع کرتے ہیں :

اب تو بس جان ہی دینے کی ہے باری اے “ نور “
میں کہاں تک کروں ثابت کہ وفا ہے مجھ میں
(کرشن بہاری نور)

 

[ظفری]

کوئی بات نہیں شمشاد بھائی ۔۔۔ کسی سے بھی غلطی ہو سکتی ہے ۔

 

[ظفری]

نہ تھی زمیں میں وسعت مری نظر جیسی
بدن تھکا بھی نہیں اور سفر تمام ہوا​

 

[الف عین]

اے محتسب نہ پھینک، مرے محتسب نہ پھینک
ظالم شراب ہے ارے ظالم شراب ہے!!!
جگر؟

 

[ظفری]

یہ عمر بھر کی مسافت ہے دل بڑا رکھنا
کہ لوگ ملتے بچھڑتے رہیں گے رستے میں​

 

[شمشاد]

آج کیا دیکھا کھلونے کے سنہرے خواب میں
ریگزاروں کے سوا کچھ بھی نہیں ماہتاب میں
(پریم واربرتونی)

 

[ظفری]

شمشاد بھائی آپ ہی کی بات کہ یہ بیت بازی کا دھاگہ ہے ۔۔۔ آپ کو “ن“ یا “ ی “ سے دینا تھا۔

 

[الف عین]

نہ ڈھونڈھ ناصرِ آشفتہ حال کو گھر میں
وہ بوئے گل کی طرح بے قرار اپنا ہے

ناصر