منتخب اشعار برائے بیت بازی!

[الف نظامی]

اشک آنکھوں میں کب نہیں آتا
لہو آتا ہے جب نہیں آتا

 

[ظفری]

ایسے جاتی ہے زندگی کی اُمید
جیسے پہلو سے یار اُٹھتا ہے​

 

[شمشاد]

یہ سوچ کر کہ تیری جبیں پر نہ بل پڑے
بس دور ہی سے دیکھ لیا اور چل پڑے
(شہزاد احمد)

 

[الف عین]

یونہی اداس رہا میں تو دیکھنا اک دن
تمام شہر میں تنہائیاں بچھا دوں گا
ناصر کاظمی

 

[ظفری]

آج کل کون وفادار ہوا کرتا ہے
خود پہ نازاں ہوں کہ یہ جنس ِ گراں آج بھی ہے

 

[شمشاد]

یہ کس خلش نے پھر اس دل میں آشیانہ کیا
پھر آج کس نے سخن ہم سے غائبانا کیا
(فیض احمد فیض)

 

[تیشہ]

اک خوشبو کا جھونکا باندھے آنچل کی ہریالی میں
پھول پھول تعمیر کروں میں بس کر ڈالی ڈالی میں

اسکا آنا، اسکا ملنا اب تک مجھ میں باقی ہے
اک سرگوشی جھوم رہی ہے آج بھی کان کی بالی میں ،

 

[شمشاد]

نگاہِ ساقیِ نامہرباں یہ کیا جانے
کہ ٹوٹ جاتے ہیں خود دل کے ساتھ پیمانے
(مجروع سلطانپوری)

 

[ظفری]

یاد کسی کی چاندنی بن کر کوٹھے کوٹھے اتری ہے
یاد کسی کی دھوپ ہوئی ہے زینہ زینہ اتری ہے​

 

[شمشاد]

یا ہاتھوں ہاتھ لو مجھے جیسے کہ جامِ مئے
یا تھوڑی دور ساتھ چلو میں نشے میں ہوں
(میر)

 

[ظفری]

نظر نظر سے ملا کر شراب پیتے ہیں
ہم اُن کو پاس بیٹھا کر شراب پیتے ہیں​

 

[شمشاد]

نہ خوفِ برق نہ خوفِ شرر لگے ہے مجھے
خود اپنے باغ کے پھولوں سے ڈر لگے ہے مجھے

 

[ظفری]

یادوں کا ایک جھونکا آیا ہم سے ملنے برسوں بعد
پہلے اتنا روئے نہیں تھے ، جتنا روئے برسوں بعد​

 

[شمشاد]

درد سے میرا دامن بھر دے یا اللہ
پھر چاہئے دیوانہ کر دے یا اللہ
(قتیل شفائی)

 

[ظفری]

ہاتھ سے کھو نہ بیٹھنا اُس کو
اتنی خُود داریاں نہیں اچھی​

 

[شمشاد]

یہ عشق بھی ہے عجب امتحانِ عہدِ وفا
وہ آزمائے مجھے اور میں آزماؤں اُسے
(حمایت علی شاعر)

 

[ظفری]

یوں تو غلط نہیں ہے چہروں کا تاثر بھی مگر
لوگ ویسے بھی نہیں جیسے نظر آتے ہیں​

 

[شمشاد]

نظر سے جستجو بیکار نکلی
خود اپنے آپ سے دوچار نکلی
(شان الحق حقی)

 

[ظفری]

یاد بھی اُس کی یہ کہتی ہوئی دل سے نکلی
ایسی اُجڑی ہوئی بستی میں بھلا کیا رہنا​

 

[فریب]

اُڑتے اُڑتے آس کا پنچھی دور افق میں ڈوب گیا
روتے روتے بیٹھ گئی آواز کسی شیدائی کی