منتخب اشعار برائے بیت بازی!

[ظفری]

وہ مجھ سے بچھڑ کے ضبط کا عادی تھا جی گیا
ورنہ ہر اک سانس قیامت اسے بھی تھی

 

[شمشاد]

یہیں بہشت بھی ہے، حور و جبرئیل بھی ہے
تری نگہ میں ابھی شوخی نظارہ نہیں

(طفری بھائی خاص کر تمہارے لیے ڈھونڈا ہے)

 

[ظفری]

شکریہ شمشاد بھائی ۔۔۔۔ مگر بات تو پھر شوخیِ نظارہ پر آجاتی ہے ۔

 

[ظفری]

نظر میں رنگ بھرتے ہیں وہ جلوے
نظر کا خود کوئی عالم نہیں ہے​

 

[شمشاد]

یہ دن یہ رات یہ لمحے اچھے لگتے ہیں
تمہیں سوچوں تو سارے سلسلے اچھے لگتے ہیں

 

[ظفری]

نیند سے بوجھل ہیں پتے ، اُونگھتے سے پیڑ ہیں
شہر سویا ہے خاموشی کا لبادہ اُڑ کر

(افتخار نسیم )

 

[شمشاد]

رہے ہیں اور ہیں فرعون میری گھات میں ابتک
مگر کیا غم کہ میری آستیں میں ہے یدِ بیضا

 

[الف عین]

آج سوچا تو آنسو بھر آئے
مدتیں ہو گئیں مسکرائے

 

[حجاب]

یوں دل سے بھلانا ہے کسی کو اختر
جیسے کسی کو آنکھ بھر کے دیکھا نہیں تھا

 

[تیشہ]

اسی کے نام سے لفظوں میں چاند اترے ہیں
وہ اک شحض کہ دیکھوں تو آنکھ بھر آئے ۔

 

[ظفری]

یارب سرابِ اہلِ ہوس سے نجات دے
مجھ کو شراب دے ، انہیں آبِ حیات دے

(سراج الدین ظفر)​

 

[جاویداقبال]

السلام علیکم ورحمۃ اللہ وبرکاتہ،

قلندر بابا سے آپ کی مراد سلسلہ عظمیہ کے بانی محمد عظیم برخیا رح مراد ہیں نا جاوید بھائی۔؟؟

بالکل درست فرمایا بھائی، یہ سلسلہ عظمیہ کے بانی کی رعباعیات ہیں۔

والسلام
جاویداقبال

 

[الف عین]

یہ کیا کہ روز ایک سا غم ایک سی امید
اس رنجِ بے خمار کی اب انتہا بھی ہو
ناصر کاظمی

 

[تیشہ]

وہ میٹھی گفتگو گھولے ہے کانوں میں ابھی تک رس ۔ ۔
تری باتوں میں دل کی ترجمانی یاد رکھتے ہیں ۔ ۔

 

[الف عین]

نیتِ شوق بھر نہ جائے کہیں
تو بھی دل سے اتر نہ جائے کہیں

ناصر کاظمی

 

[تیشہ]

نہ جانے کون سا لمحہ چرا کے لے جائے
متاع گردش دوراں ہے زندگی اپنی ۔ ۔ ۔۔

 

[ڈاکٹر عباس]

یہ اور بات عدالت ہے بےخبر ورنہ
تمام شہر میں چرچہ میرے بیان کا ہے

 

[الف عین]

یوں ہی عمر گنوائ سونا سی یوں ہی جان گنوائ موتی سی
اب تجھ سے بچھڑ کر سوچتے ہیں تجھے پا کے بھی ہم نے کیا پایا

 

[جاویداقبال]

السلام علیکم ورحمۃ اللہ وبرکاتہ،

ایہونفس اساڈابیلی، نال اساڈے سدھاہ۔۔۔۔۔۔۔۔۔۔۔۔۔۔۔۔۔۔۔۔۔و
زادعالم آن نووے، جتھے ویکھے تھدھاہ۔۔۔۔۔۔۔۔۔۔۔۔۔۔۔۔۔۔۔۔۔۔۔و
جووی اس دی کرے سواری، اوسے دا راہ سدھاہ۔۔۔۔۔۔۔و
راہ فقردامشکل باہو، ماء سیرا نہ ردھا ہ۔۔۔۔۔۔۔۔۔۔۔۔۔۔۔۔۔۔۔۔۔۔و
(سلطان باھو رحمۃ اللہ)


والسلام
جاویداقبال

 

[الف عین]

اردو میں پشتو وغیرہ نہیں چلنا چاپئے۔
وہ آئیں گھر میں ہمارے خدا کی قدرت ہے
کبھی ہم ان کو کبھی اپنے گھر کو دیکھتے ہیں۔