منتخب اشعار برائے بیت بازی!

[تیشہ]

نادم نہیں ہوں داغ فرد مائیگی پہ میں
تیرا بھرم بھی میری جبیں سائیوں سے ہے۔

 

[الف عین]

یوں نہ گھبرائے ہوئے پھرتے تھے
دل عجب کنجِ اماں تھا پہلے

 

[ڈاکٹر عباس]

یہ عالم شوق کا دیکھا نہ جائے
وہ بت ھے یا خدا،دیکھا نہ جا ئے

 

[ظفری]

یہ ایک ابر کا ٹُکڑا کہاں کہاں برسے
سارا دشت ہی پیاسا دکھائی دیتا ہے​

 

[ڈاکٹر عباس]

یہ کن نظروں سے تو نے آج دیکھا
کہ تیرادیکھنا دیکھا نہ جائے

 

[جاویداقبال]

السلام علیکم ورحمۃ اللہ وبرکاتہ،

اردو میں پشتو وغیرہ نہیں چلنا چاپئے۔

جناب اعجازمحترم صاحب، یہ پشتونہیں ہے پنجابی تھی اوریہ مشہورصوفی بزرگ سلطان باہو(رحمۃ اللہ علیہ) کاکلام تھا۔ انشاء اللہ آگے سے اردوہی میں شعرلکھوں گا۔(شکریہ)

والسلام
جاویداقبال

 

[الف عین]

یہ کیسی بے حسی ہے کی پتھٌر ہوئ ہے آنکھ
ویسے تو آنسؤوں کی کمک بارہا ملی
ساقی فاروقی

 

[تیشہ]

یوں تو تیری محبتیں جان ِ عزیز ساتھ ہیں
اپنی بھی کچھ قباحتیں جان ِ عزیز ساتھ ہیں ،

 

[ڈاکٹر عباس]

نہ ھو نومید، نومیدی زوال ِ علم و عرفاں ھے
امیدِ مردِ مومن ھے خدا کے رازدانوں میں

 

[الف عین]

نغمہ ہائے غم کو ہی اے دل غنیمت جانیے
بے صدا ہو جائے گا یہ سازِ زندگی ایک دن

 

[ظفری]

نہ اب رقیب نہ ناصح نہ غمگسار کوئی
تم آشنا تھے تو تھیں آشنائیاں کیا کیا​

 

[الف عین]

میں شعوری طور پر مختلف ردیفوں کے اشعار ڈھوندھ رہا ہوں ورنہ ی پر ٹوٹنے والوں کی بھمار ہو جاتی ہے:
ایک عالم پہ ہیں طوفانئِ کیفیّتِ فصل
موجۂ سبزۂ نوخیز سے تا موجِ شراب
غالب

 

[ظفری]

اُستادِ محترم میں بھی آپ کے نقشِ قدم پر چلنے کی کوشش کر رہا ہوں ۔


بہت دن رہ لیئے اس جسم میں ، اب یہ ارادہ ہے
یہ گھر خالی کریں ، اس شہر کو ویران کر جائیں

 

[ڈاکٹر عباس]

بس کہ مشکل ھے ھر کام کا آساں ھونا
آدمی کو بھی میسر نہیں انساں ھونا

 

[الف عین]

افسوس کہ دنداں کا کیا رزق فلک نے
جن لوگوں کی تھی درخورِ عقدِ گہر انگشت
غالب

 

[ظفری]

تمہارے ہجر میں یہ حال ہوگیا اپنا
کسی کا خط ہو اسے بھی سنبھال رکھتے ہیں​

 

[ڈاکٹر عباس]

نفس کی آنچ پر وہ بھی عمر بھر رکھنا
بڑا محال ہے ہستی کو معتبر رکھنا

 

[تیشہ]

اک سفر میں رہتا ہوں اک سفر کی خواہش ہے
مجھ پر میرے خوابوں کی کسقدر نوازش ہے ۔ ۔

 

[ڈاکٹر عباس]

یوں عرض و طلب سے کب اے دل، پتھر دل پانی ہوتے ہیں
تم لاکھ وفا کی خو ڈالو، کب خوئے ستمگر جاتی ہے۔۔۔۔۔۔۔

 

[تیشہ]

یہ اور بات کہ اب چشم پوش ہوجائے
کبھی تو علمِ اُسے بھی ہمارے حال کا تھا ۔ ۔ ۔