منتخب اشعار برائے بیت بازی!

[پاکستانی]

یہ لاشِ بے کفن اسد خستہ جاں کی ہے
حق مغفرت کرے عجب آزاد مرد تھا

 

[شمشاد]

پاکستانی بھائی ایک عرض کروں کہ یہ بیت بازی کا دھاگہ ہے اور بیت بازی کے اصولوں سے تو آپ واقف ہی ہوں گے کہ جس حرف پر گزشتہ شعر ختم ہوا ہے، اگلا شعر اسی حرف سے دینا ہے۔

برائے مہربانی عنوان کا خیال رکھیں۔

 

[ظفری]

شمشاد بھائی کے “ نون“ سے

نفس کی آنچ پر وہ بھی عمر بھر رکھنا
بڑا محال ہے ہستی کو معتبر رکھنا

 

[شمشاد]

اسی کوکب کی تابانی سے ہے تیرا جہاں روشن
زوالِ آدمِ خ۔اک۔۔ی زی۔اں ت۔ی۔۔را ہے ی۔ا م۔۔ی۔۔۔۔۔۔را؟

 

[ڈاکٹر عباس]

اداسی کا یہ پتھر آنسوئوں سے نم نہیں ہوتا
ہزاروں جگنوئوں سے بھی اندھیرا کم نہیں ھوتا


آپ کا ارشاد سر آنکھوں پر، یہ لیں ایک کاٹ دیا۔

 

[الف عین]

اوہو الف سے بہت چل رہا ہے

تو یہ بھی الف پر ہی:
اے صفِ ابرِ رواں تیرے بعد
اک گھنا سایہ شجر سے نکلا

بانی

 

[شمشاد]

drabbas ایک عرض کروں کہ آپ ایک ہی شعر لکھا کریں۔ یہاں آپ نے پہلا شعر تو الف سے دے دیا جبکہ دوسرا حرف ‘ی‘ سے ہے۔ بیت بازی میں ایک ہی شعر لکھتے ہیں۔

 

[شمشاد]

آغاز تو ہوتا ہے انجام نہیں ہوتا
جب میری کہانی میں وہ نام نہیں ہوتا

اعجاز بھائی پھر الف پر ہی ختم ہوا ہے۔

 

[ڈاکٹر عباس]

اندھیری رتوں میں گریہ بے سبب کی توفیق
میسر آئے تو غم کی دولت سنبھال رکھنا

 

[شمشاد]

اے بادِ بیانانی مجھ کو بھی عنایت ہو
خاموشی و دل سوزی، سر مستی و رعنائی

 

[حجاب]

یہی انداز ہے میرا سمندر فتح کرنے کا
میری کاغذ کی کشتی میں کئی جگنو بھی ہوتے ہیں​

 

[شمشاد]

نگاہِ گرم کہ شیروں کے جس سے ہوش اُڑ جائیں
نہ آہ سرد کہ ہے گوسفندی و میشی

 

[الف عین]

شاید یہ شعر نہیں ہوا۔ اور ہو بھی گیا تو دوبارہ سہیؒ
یہ آرزو تھی تجھے گل کے روبرو کرتے
ہم اور بلبلِ بےتاب گفتگو کرتے

 

[جاویداقبال]

السلام علیکم ورحمۃ اللہ برکاتہ،

یوں کہنے کو کہتے ہیں مفّکر ہر بات

سمجھا نہ کوئی آج تلِک کیا ہے حیات

ٹوٹی ہوئی دیوار سے دَر سے شب و روز

ہر مرُغ پکارتا ہے ہیہات ہیہات

(قلندربابا)
والسلام
جاویداقبال

 

[جاویداقبال]

السلام علیکم ورحمۃ اللہ وبرکاتہ،

تو آج خُدا را کل کے بارے میں نہ سوچ

آئے گی اجل اجل کے بارے میں نہ سوچ

رشتہ تو ہمارا ہے اَزل سے لیکن

پی اور پِلا اَزل کے بارے میں نہ سوچ
(قلندربابا)
والسلام
جاویداقبال

 

[شمشاد]

تسکین کو ہم نہ روئیں جو ذوقِ نظر ملے
حورانِ خُلد میں تیری صورت مگر ملے
(چچا)

 

[دوست]

قلندر بابا سے آپ کی مراد سلسلہ عظمیہ کے بانی محمد عظیم برخیا رح مراد ہیں نا جاوید بھائی۔؟؟

 

[حجاب]

یہ پہلی پہلی لگن کا معاملہ ہے عدیم
کہ بیل اُس سے لپٹتی ہے جو شجر ہو قریب

 

[شمشاد]

بہت مدت کے نخپیروں کا اندازِ نگہ بدلا
کہ میں نے فاش کر ڈالا طریقہ شاہبازی کا

 

[حجاب]

آس کی بات ہو کہ سانس ادا
یہ کھلونے تھے ٹوٹ جانے کو