منتخب اشعار برائے بیت بازی!

[ظفری]

نہ سہی کچھ مگر اتنا تو کرتے تھے
وہ مجھے دیکھ کر پہچان لیا کرتے تھے​

 

[شمشاد]

یوں دادِ سخن مجھ کو دیتے ہیں عراق و پارس
یہ کافرِ ہندی ہے بے تیغ و سناں خونریز

 

[حجاب]

زمانہ کیا کہے گا رسمِ اُلفت کیسی ہوتی ہے
کہاں جاتے ہو میری زندگی کا آسرا ہو کر

 

[شمشاد]

روزِ حساب جب مرا پیش ہو دفترِ عمل
آپ بھی شرمسار ہو، مجھ کو بھی شرمسار کر

 

[ڈاکٹر عباس]

رات کو سپنے تمہارے ،دن کو یہ دنیا کے رنگ
فوقیت کیسے میں دوں ،دن کو اپنی رات پر
وہ جو تنہا کر گیا تو میں ہوں تنہا آج تک
اِنتہا میں نے بھی کر دی اک ذرا سی بات پر​

 

[شمشاد]

رویا کریں گے آپ بھی پہروں اسی طرح
اٹکا کہیں جو آپ کا دل بھی میری طرح

 

[ڈاکٹر عباس]

حاصل ہے اختیار جسے مرگ و زیست پر
جی چاہتا ہے عمر گزاروں اُسی کے ساتھ​

 

[شمشاد]

ہوا خیمہ زن کاروانِ بہار
اِرم بن گیا دامنِ کہسار

 

[ڈاکٹر عباس]

ریزہ ریزہ جو کیا خود کو، چلو ہم نے کیا
ورنہ الزام تو یہ بھی ترے سر جاتا ہے

 

[شمشاد]

یہی آدم ہے سلطاں بحر و بر کا
کہوں کیا ماجرا اس بے بصر کا

 

[ظفری]

اُف یہ سناٹا کہ آہٹ تک نہ ہو جس میں مخل
زندگی میں اس قدر ہم نے سکوں پایا نہ تھا​

 

[شمشاد]

اک اضطراب مسلسل غیاب ہو، کہ حضور
میں خود کہوں تو مری داستاں دراز نہیں

 

[ظفری]

نیند تو کیا آئے گی فراز
موت آئی تو سو لیں گے​

 

[شمشاد]

یہ علم، یہ حکمت، یہ تدبر، یہ حکومت
پیتے ہیں لہو، دیتے ہیں تعلیمِ مساوات

 

[حجاب]

تجھ سے بچھڑ کے کیسی یہ عادت سی ہوگئی
میں روز دیکھنے لگا پنچھی اُڑا کے ہاتھ
دستِ صبا نے منتشر پھر کردیا وجود
خوشبو چلی تھی پھول سے اپنا چُھڑا کے ہاتھ

 

[شمشاد]

ہوا اس طرح فاش رازِ فرنگ
کہ حیرت میں‌ ہے شیشہ بازِ فرنگ

 

[ظفری]

گھومنے نکلا تو کتنی بھیڑ تھی
سوچنے بیٹھا تو تنہا رہ گیا
عمر کتنی منزلیں طے کر چکی
دل جہاں ٹہرا تھا ٹہرا رہ گیا​

 

[شمشاد]

آئینے کے سو ٹکڑے ہم نے کر کے دیکھے ہیں
ایک میں بھی تنہا تھے، سو میں بھی اکیلے ہیں​

 

[پاکستانی]

یہ دور اپنے براھیم کی تلاش میں ھے
صنم کدہ ھے جہاں ﻻالہ اﻵالّلہ

 

[پاکستانی]

روئدادِ غمِ الفت ان سے ھم کہتے، کیونکر کہتے
اک حرف نہ نکلا ہونٹوں سے اور آنکھ میں آنسو آ بھی گئے


ااسرار الحق مجاز لکھنوی