"میری پسند"

[شمشاد]

بہت خوب ظفری بھائی۔ بہت اچھے۔

 

[عمر سیف]

یا تو مٹ جائیے یا مٹا دیجیئے
کیجیئے جب بھی سودا کھرا کیجیئے
اب جفا کیجیئے یا وفا کیجیئے
آخری وقت ہے بس دعا کیجیئے

 

[شمشاد]

نظر اٹھائی تو دعا بن گئی
نظر جھکائی تو حیا بن گئی
نظر ترچھی ہوئی تو ادا بن گئی
نظر پھیر لی تو قضا بن گئی

 

[ظفری]

بہت خوب ظفری بھائی۔ بہت اچھے۔

شکریہ شمشاد بھائی

 

[ظفری]

اپنے چہرے سے جو ظاہر ہے چھپائیں کیسے
تیری مرضی کے مطابق نظر آئیں کیسے

گھر سجانے کا تصور تو بہت بعد کا ہے
پہلے یہ طے ہو کہ اس گھر کو بچائیں کیسے

قہقہہ ، آنکھ کا پردہ بدل دیتا ہے
ہنسنے والے تجھے ، آنسو نظر آئیں کیسے

کوئی اپنی بھی نظر سے تو ہمیں دیکھے گا
ایک قطرے کو سمندر نظر آئیں کیسے​

 

[ظفری]

بدلا نہ اپنے آپ کو ، جو تھے وہی رہے
ملتے رہے سبھی سے ، مگر اجنبی رہے

دنیا نہ جیت پاؤ تو ہارو نہ خود کو تم
تھوڑی بہت تو ذہن میں، ناراضگی رہے

اپنی ہی طرح سبھی کوکسی کی تلاش تھی
ہم جس کے بھی قریب رہے ، دور ہی رہے

گذرو جو باغ سے تو دعا مانگتے چلو
جس میں کھلے ہیں پھول ، وہ ڈالی ہری رہے​

 

[شمشاد]

کب ٹھہرے گا درد اے دل کب رات بسر ہو گی
سنتے تھے وہ آئیں گے، سنتے تھے سحر ہو گی

واعظ ہے نہ زاہد ہے، ناصح ہے نہ قاتل ہے
اب شہر میں یاروں کی کسطرح بسر ہو گی۔
(فیض)

 

[شمشاد]

تم میرے پاس نہیں ہو پھر بھی میرے جلوت میں
کوئی جھونکا تیرے سانسوں کی مہک لایا ہے

چاند کرنوں نے تراشے تیرے پیکر کے خطوط
میں نے یادوں کے جھروکوں میں تمہیں پایا ہے

 

[عمر سیف]

اتناتوہوتا نہیں کھنڈر شام کے بعد
جتنا ویران ہوا جاتا ہے گھر شام کے بعد

ٹوٹ پڑتی ہے نئی روز خبر شام کے بعد
وقت ہوتاہے عذابوں میں بسرشام کے بعد

میری آنکھوں سے برستے ہوئے دریاؤں میں
ڈوب جاتی ہے تری راہ گذرشام کے بعد

تیرے بخشے ہوئے اندوہ کی گھبراہٹ کا
اورہی رنگ سے ہوتاہے اثرشام کے بعد

تم نہیں ہوتے توپھردردزمانے بھرکے
آن ملتے ہیں مجھے خاک بہ سرشام کے بعد

شاہ ہوکوئی،گداہویاولی ہوسب کا
فکرکے بوجھ سے جھک جاتاہے سرشام کے بعد

مل کے اک شہربھگودیتے ہیں تنہائی کا
ایک میں ایک مرا دیدہء ترشام کے بعد

گھیرلیتے ہیں مجھے رستے تری یادوں کے
جب بھی کرتاہوں ترے بعدسفرشام کے بعد

دن بھی ویراں ہی گزرتاہے ہمارالیکن
اوربڑھ جاتاہے ویرانی کاڈرشام کے بعد

ہجرکے سائے توہرروزہی آجاتے ہیں
کیاکبھی ہوگاتمہارا بھی گزرشام کے بعد

ایک بس تم ہی نہیں رات کے گھائل فرحت
خاک اڑتی ہے ہماری بھی ادھرشام کے بعد

فرحت عباس شاہ​

 

[حجاب]

کیا بتائیں ہمیں آپ پیارے ہیں کیوں
کیا کہیں آپ سے قول ہارے ہیں کیوں
جب سحر کے لبوں پر تبسّم نہیں
شام نے اپنے گیسو سنوارے ہیں کیوں
اُن کا غم ، اُن کے ارمان ، اُن کے ستم
سب کے سب دشمنِ جاں ہمارے ہیں کیوں
جب چمن سے ہمیں کچھ تعلق نہیں
تذکرے پھر چمن میں ہمارے ہیں کیوں
یہ میرے اشکِ غم کی جھلک تو نہیں
اُن کے پلکوں پہ طارق ستارے ہیں کیوں۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪​

 

[عمر سیف]

کسی سے جب بھری محفل میں چھوٹ کھاؤ گے
وفایں یاد کر کے تم ہماری تلملاؤ گے

ہماری یاد تڑپائے گی لیکن ہم نہیں ہونگے
ہمارے شعر ،غزلیں،گیت،گنگناؤ گے

نہ دن کو چین آئے گا نہ راتیں پرسکوں ہوں گی
اٹھے گا درد سینے میں تو کس کس سے چھپاؤ گے

کسی ہمدرد کو ڈھونڈو گے دل کا حال کہنے کو
زباں تک بات آئے گی مگر کچھ کہہ نہ پاؤ گے

زمانے بھر کی رسوائی نہ جینے دے گی جب تم کو
یقیں کامل ہے ہم کو ،تم ہمارے پاس آؤ گے
​

 

[ظفری]

گھر بنانا چاہتا ہو‌ں میرا گھر کوئی نہیں
دامنِ کہسار میں یا ساحلِ دریا کے پاس
اونچی اونچی چوٹیوں پر ، سرحدِ صحرا کے پاس
متفق آبادیوں میں ، وسعتِ تنہا کے پاس
روزِ روشن کے کنارے یا شبِ یلدا کے پاس
اس پریشانی میں ، میرا رہبر کوئی نہیں
خواہشیں ہی خواہشیں ہیں اور ہنر کوئی نہیں
گھر بنانا چاہتا ہوں ، میرا گھر کوئی نہیں

(منیر نیازی )​

 

[ظفری]

غم سے لپٹ جائیں گے ایسے بھی ہم نہیں
دنیا سے کٹ جائیں گے ایسے بھی ہم نہیں
دن رات بانٹتے ہیں ، ہمیں مختلف خیال
یوں ان میں بٹ جائیں گے ایسے بھی ہم نہیں
اتنے سوال دل میں ہیں اور وہ خموش در
اُس در سے ہٹ جائیں گے ایسے بھی ہم نہیں
ہم ہیں مثالِ ابر ، مگر اس ہوا سے ہم
ڈر کے سمٹ جائیں گے ایسے بھی ہم نہیں

( منیر نیازی)
​

 

[ماوراء]

بہت خوب ظفری۔ اچھی غزلیں ہیں۔

 

[ظفری]

شکریہ ماوراء ۔۔۔

چلو وہ عشق نہیں ، چاہنے کی عادت ہے
کہ کیا کریں ہمیں ایک دوسرے کی عادت ہے

تو اپنی شیشہ گری کا ہنر نہ کر ضا‌ئع
میں آئینہ ہوں مجھے ٹوٹنے کی عادت ہے

میں کیا کہوں کہ مجھے صبر کیوں نہیں آتا
میں کیا کروں کہ‌ تجھے دیکھنے کی عادت ہے

تیرے نصیب میں اے دل ، صدا کی محرومی
نہ وہ سخی ، نہ تجھے مانگنے کی عادت ہے

وصال میں بھی وہی ہے فراق کا عالم
کہ اس کو نیند ، مجھے رتجگے کی عادت ہے

یہ خود اذیتی کب تک فراز تُو بھی اُسے
نہ یاد کر کہ جسے بھولنے کی عادت ہے​

 

[شمشاد]

ملاقات تو نہ ہو سکی لیکن آپ کی حاضری لگ گئی۔

 

[ظفری]

ملاقات تو نہ ہو سکی لیکن آپ کی حاضری لگ گئی۔

میں ابھی ادھر ہی ہوں شمشاد بھائی ۔۔۔

 

[شمشاد]

تو آپ نے بھی خفیہ کا چلن اپنایا ہوا ہے۔

 

[ظفری]

نہیں شمشاد بھائی ۔۔۔ سفید پوشی کا بھرم رکھنے کی کوشش کر رہا ہوں ۔

 

[شمشاد]

سفید پوشی کا بھرم سلیمانی ٹوپی پہن کر نہیں رکھا جاتا۔