"میری پسند"
- صاحب لڑی ماوراء
- تاریخ ابتداء
- کیفیت
علمدار
محفلین
محرومی
تو بھی تقدیر نہیں درد بھی پابندہ نہیں
تجھ سے وابستہ وہ ایک عہد، وہ پےمانِ وفا
رات کے آخری آنسو کی طرح ڈوب گیا
خواب انگیز نگاہیں وہ لب درد فریب
اک فسانہ ہے جو کچھ یاد رہا کچھ نہ رہا
میرے دامن میں نہ کلیاں ہیں نہ کانٹے نہ غبار
شام کے سائے میں دا ماندہ سَحر بیٹھ گئی
کارواں لَوٹ گیا مل نہ سکی منزلِ شوق
اک امید تھی سو خاک بسر بیٹھ گئی!
ایک دوراہے پہ حیران ہوں کس سمت بڑھوں
اپنی زنجیروں سے آزاد نہیں ہوں شاید
میں بھی گردش گہِ ایّام کا زندانی ہوں
درد ہی درد ہوں فریاد نہیں ہوں شاید
زیرِ مژگاں تپشِ آہ کے پگھلائے ہوئے
جھلملاتے ہوئے تاروں سے مجھے کیا لینا
تیرے آنسو مرے داغوں کو نہیں دھو سکتے
تیرے پھولوں کی بہاروں سے مجھے کیا لینا
اپنے انجام کی تشویش اب آیندہ نہیں!
اختر الایمان
تو بھی تقدیر نہیں درد بھی پابندہ نہیں
تجھ سے وابستہ وہ ایک عہد، وہ پےمانِ وفا
رات کے آخری آنسو کی طرح ڈوب گیا
خواب انگیز نگاہیں وہ لب درد فریب
اک فسانہ ہے جو کچھ یاد رہا کچھ نہ رہا
میرے دامن میں نہ کلیاں ہیں نہ کانٹے نہ غبار
شام کے سائے میں دا ماندہ سَحر بیٹھ گئی
کارواں لَوٹ گیا مل نہ سکی منزلِ شوق
اک امید تھی سو خاک بسر بیٹھ گئی!
ایک دوراہے پہ حیران ہوں کس سمت بڑھوں
اپنی زنجیروں سے آزاد نہیں ہوں شاید
میں بھی گردش گہِ ایّام کا زندانی ہوں
درد ہی درد ہوں فریاد نہیں ہوں شاید
زیرِ مژگاں تپشِ آہ کے پگھلائے ہوئے
جھلملاتے ہوئے تاروں سے مجھے کیا لینا
تیرے آنسو مرے داغوں کو نہیں دھو سکتے
تیرے پھولوں کی بہاروں سے مجھے کیا لینا
اپنے انجام کی تشویش اب آیندہ نہیں!
اختر الایمان
علمدار
محفلین
مکالماتی غزل
پوچھا، بتاؤ اوج پہ کیوں درد آج ہے؟
اس نے بتایا درد کا اپنا مزاج ہے
پوچھا، مزاج درد کا ایسا ہے کیوں بھلا؟
کہنے لگا جہاں کا یہی تو رواج ہے
پوچھا کہ یہ رواج ہے اتنا عجیب کیوں؟
کہنے لگا اسی کا تو حامی سماج ہے
میں نے کہا، سماج سے ٹکرا کے دیکھ لیں؟
بولا نہیں، کہ اس میں لہو کا خراج ہے
میں نے کہا، خراج لہو کا بھی ہے قبول
اُس نے کہا، شہید کے سر پر ہی تاج ہے
پوچھا، ملے گا تاج وفا کے شہید کو؟
کہنے لگا، وفا کا تو ہر سمت راج ہے
میں نے کہا، ہے راج کو اندیشہ زوال!
بولا، خزاں کے ہاتھ میں گلشن کی لاج ہے
فاخرہ بتول
پوچھا، بتاؤ اوج پہ کیوں درد آج ہے؟
اس نے بتایا درد کا اپنا مزاج ہے
پوچھا، مزاج درد کا ایسا ہے کیوں بھلا؟
کہنے لگا جہاں کا یہی تو رواج ہے
پوچھا کہ یہ رواج ہے اتنا عجیب کیوں؟
کہنے لگا اسی کا تو حامی سماج ہے
میں نے کہا، سماج سے ٹکرا کے دیکھ لیں؟
بولا نہیں، کہ اس میں لہو کا خراج ہے
میں نے کہا، خراج لہو کا بھی ہے قبول
اُس نے کہا، شہید کے سر پر ہی تاج ہے
پوچھا، ملے گا تاج وفا کے شہید کو؟
کہنے لگا، وفا کا تو ہر سمت راج ہے
میں نے کہا، ہے راج کو اندیشہ زوال!
بولا، خزاں کے ہاتھ میں گلشن کی لاج ہے
فاخرہ بتول
عمر سیف
محفلین
یہ سانحہ تو کسی دن گزرنے والا تھا
میں بچ بھی جاتا تو اک روز مرنے والا تھا
ترے سلوک تری آگہی کی عمر دراز
مرے عزیز مرا زخم بھرنے والا تھا
بلندیوں کا نشہ ٹوٹ کر بکھرنے لگا
مرا جہاز زمیں پر اترنے والا تھا
مرا نصیب مرے ہاتھ کٹ گئے ورنہ
میں تیری مانگ میں سندور بھرنے والا تھا
مرے چراغ، مری شب ، مری منڈیریں ہیں
میں کب شریر ہواؤں سے ڈرنے والا تھا
میں بچ بھی جاتا تو اک روز مرنے والا تھا
ترے سلوک تری آگہی کی عمر دراز
مرے عزیز مرا زخم بھرنے والا تھا
بلندیوں کا نشہ ٹوٹ کر بکھرنے لگا
مرا جہاز زمیں پر اترنے والا تھا
مرا نصیب مرے ہاتھ کٹ گئے ورنہ
میں تیری مانگ میں سندور بھرنے والا تھا
مرے چراغ، مری شب ، مری منڈیریں ہیں
میں کب شریر ہواؤں سے ڈرنے والا تھا
- کیفیت