"میری پسند"

[شمشاد]

تمُھاری یاد کی دُنیا میں دن سے رات کروں
کسی کی بات چلے میں تُمھاری بات کروں
(نوشی گیلانی)​

 

[عمر سیف]

کتنا مشکل ہے زندگی کرنا
جس طرح تجھ سے دوستی کرنا

اِک کہانی نہ اور بن جائے
تم بات سرسری کرنا

ڈوب جاءوں نہ میں اندھیروں میں
اپنی آنکھوں کی روشنی کرنا

کس قدر دل نشیں لگتا ہے
بے ارادہ تجھے دُکھی کرنا

خون ِ دل صرف کرنا پڑتا ہے
دیکھنا!تم نہ شاعری کرنا

کتنا دُشوار ہے انا کے لیئے
سارے ماحول کی نفی کرنا
​

[align=left:396281898f]
نوشی گیلانی[/align:396281898f]

 

[عمر سیف]

اس کی محفل میں وہی سچ تھا وہ جو کچھ بھی کہے
ہم بھی گونگوں کی طرح ہاتھ اُٹھا دیتے تھے​

 

[شمشاد]

دل نے اب سوچ لیا ہے کہ یہ ظالم دنیا
جو بھی کرنا ہے کرے مُجھ کو نہ اُلجھایا کرے
جس کے خوابوں کو میں آنکھوں میں سجا کر رکھوں
اس کی خوشبو کبھی مُجھ کو بھی تو مہکا یا کرے
(نوشی گیلانی)

 

[عمر سیف]

وہ چاہتا تھا کہ کاسہ خرید لے میرا
میں اس کے تاج کی قیمت لگا کے لوٹ آیا​

 

[سارہ خان]

کتنا مشکل ہے زندگی کرنا
جس طرح تجھ سے دوستی کرنا

اِک کہانی نہ اور بن جائے
تم بات سرسری کرنا

ڈوب جاءوں نہ میں اندھیروں میں
اپنی آنکھوں کی روشنی کرنا

کس قدر دل نشیں لگتا ہے
بے ارادہ تجھے دُکھی کرنا

خون ِ دل صرف کرنا پڑتا ہے
دیکھنا!تم نہ شاعری کرنا

کتنا دُشوار ہے انا کے لیئے
سارے ماحول کی نفی کرنا
​

[align=left:9c2d5d84ae]
نوشی گیلانی[/align:9c2d5d84ae]

بہت خوب ۔۔۔

 

[سارہ خان]

جو ہنستے ہوں یہ ہنستی ہے جو روتے ہوں نہیں روتی
کسی کے غم میں یہ دنیاُ شریک ِغم نہیں ہوتی

دلوں میں لاکھ طوفاں ہوں نہ آنکھوں سے عیاں کرنا
کہ یہ جاگیر سانجھی تو میرے ہمدم نہیں ہوتی

کسی کو راز مت دینا تم اپنی زندگانی میں
کہ یہ دنیاُ کسی کی بھی کبھی محرم نہیں ہوتی

 

[عمر سیف]

اتنی سَیاہ رات میں کس کو صدا ئیں دوں
ایسا چراغ دے جو کبھی بولتا بھی ہو
​

 

[شمشاد]

آج اے دل لب و رخسار کی باتیں ہی سہی
وقت کٹ جائے گا کچھ پیار کی باتیں ہی سہی

یوں تو کٹتی ہی رہے گی غم دوراں میں حیات
آج کی رات غم یار کی باتیں ہی سہی
(حمایت علی شاعر)

 

[عمر سیف]

اگر بیٹی کی شادی ہو تو پھر کوئی نہیں دشمن
مری بستی کی یہ مخلص کہاوت اب بھی سچی ہے​

 

[شمشاد]

موت کی آہٹ سنائی دے رہی دل میں کیوں
کیا محبت سے بہت خالی یہ گھر ہونے کو ہے

کھول دیں زنجیرِ در اور حوض کو خالی کریں
زندگی کے باغ میں اب سہہ پہر ہونے کو ہے
(پروین شاکر)

 

[qaral]

تجھ سے ملنا خوشی کی بات سھی

تجھ سے ملکر اداس رھتا ھوں

چند کلیاں نشاط کی چنکر

مدتوں محو یاس رھتا ھوں

 

[شمشاد]

ہجر سہنے کی غم شناسی کی
آخری شام ہے اُداسی کی

تیری باتوں کو متعبر جانا
ہم نے نعَرش نہیں ذرا سی کی

یوں ہوائیں تھکی تھکی کب تھیں
کیفیت آج ہے اُداسی کی

میری تاریخ کے بدن تجھ کو
اب ضرورت ہے بے لباسی کی
(نوشی گیلانی)​

 

[ظفری]

بہت خوب شمشاد بھائی ۔۔۔ ویسے آپس کی بات ہے کہ میں نے پورا بازار چھان مارا ۔ لیکن مجھے نوشی گیلانی اور فاخرہ بتول کے مجموعہ ِ کلام کہیں نہیں مل سکے ۔ آپ کو کچھ معلوم ہے کہ وہ کہاں گئے ۔ ؟

 

[شمشاد]

یہ تو مجھے نہیں پتہ کہ ان خواتین کے مجموعے کہاں گئے البتہ یہ کر سکتا ہوں کہ ان دونوں کی 100 کے قریب نظمیں غزلیں لکھ کر آپ کو بھیج دوں۔

 

[الف عین]

نوشی گیلانی
http://noshigilani.urdupoet.net/toc.php
http://www.ipaki.com/urdu/poetry/noshi_gilani/
فاخرہ بتول
http://fakhrabatool.urdupoet.net/toc.php
http://www.ipaki.com/urdu/poetry/fakhra_batool/

 

[سارہ خان]

دل لگانے کی ابتدا کردی
تیر کھانے کی ابتدا کردی

اب اکیلے ہی بیٹھ کر رونا
ہم نے جانے کی ابتدا کر دی

یاد آنے کی انتہا کر کے
تم نے بھو ل جانے کی ابتدا کر دی

کرکے ترک وفا مجھے اس نے
آزمانے کی ابتدا کردی

آنسووں کے دئیے بجھانے کو
مسکرانے کی ابتدا کر دی

دل کی بستی کو چھوڑ کر اس نے
دل دکھانے کی ابتدا کر دی

کر کے انکار تیری چاہت سے
ہوش آنے کی ابتدا کر دی

ہم نے فتح کا تاج دے کر بتول
مات کھانے کی ابتدا کر دی ​

 

[شمشاد]

کیا بتائیں کیوں دئیے دمساز نے
زخمِ تنہائی مِرے ہمراز نے

اس کہانی کوملے انجام کیا
جس کو رُسوار کردیا آغاز نے

شہر کو کچُھ اور عنواں دے دیئے
میری نعزش اور ترے انداز نے

کِس یقیں اور کِس تسلسل سے دیئے
دل کو دھول کے اس محّبت باز نے

کتنا سُندر کِتنا کومل کردیا
میرے گیتوں کو تری آواز نے
(نوشی گیلانی)​

 

[سارہ خان]

اڑنے دو پرندوں کو ابھی شوخ ہوا میں
پھر لوٹ کر بچپن کے زمانے نہیں آتے

 

[شمشاد]

شام سے آنکھ میں نمی سی ہے
آج پھر آپ کی کمی سی ہے
دفن کر دو ہمیں کہ سانس آئے
نبض کچھ دیر سے تھمی سی ہے
کون پتھرا گیا ہے آنکھوں میں
برف پلکوں پہ کیوں جمی سی ہے
وقت رہتا نہیں کہیں ٹک کر
عادت اس کی بھی آدمی سی ہے
آئیے راستے الگ کر لیں
یہ ضرورت بھی باہمی سی ہے
(گلزار)​