"میری پسند"

[qaral]

وہ تو خوشبو ہے ہواؤں میں بکھر جائے گا

مسئلہ پھول کا ہے پھول کد ھر جائے گا

ہم تو سمجھےتھے کہ اک زخم ہے بھر جائے گا

کیا خبر تھی کہ رگ جاں میں اتر جائے گا

وہ ہواؤں کی طرح خانہ بجاں پھرتا ہے

ایک جھونکا ہے جو آئے گا گزر جائے گا

وہ جب آئے گا توپھر اس کی رفاقت کے لیے

موسم گل میرے آنگن میں ٹھر جائے گا

آخرش وہ بھی کہیں ریت پہ بیٹھی ہوگی

تیرایہ پیار بھی دریا ہے اتر جائے گا

مجھ کو تہزیب کہ بزرخ کا بنایا وارث

جرم یہ بھی میرے اجداد کے سر جائے گا

 

[qaral]

تجھے دشمنوں کی خبر نہ تھی مجھے دوستوں کاپتہ نہیں

تری داستاں کوئی اور تھی میرا واقعہ کوئی اور ہے

 

[qaral]

میں اپنے خواب سے کٹ کر جیوں تو میرا خدا

اجاڑ دے مری مٹی کو در بدر کر دے

 

[عمر سیف]

چاند کی موت

اپنا روپ دیکھ کر ٹھہر گیا
اس کے بعد جھیل میں اُتر گیا​

 

[ظفری]

میرا دل شوق سے توڑو ، یہ ایک تجربہ اور سہی
لاکھ کھلونے توڑ چکے ہو، ایک کھلونا اور سہی

رات ہے غم کی ، آج بجھا دو جلتا ہوا ہر ایک چراغ
دل میں اندھیرا ہو ہی چکا ہے ، گھر میں اندھیرا اور سہی

دم ہے نکلتا ایک عاشق کا ، بھیڑ ہے آخر دیکھ تو لو
لاکھ تماشے دیکھے ہونگے ، ایک نظارہ اور سہی

خنجر لیکر سوچتے کیا ہو ، قتل ِ مراد بھی کر ڈالو
داغ ہیں سو دامن پہ تمہارے ، ایک اضافہ اور سہی​

 

[شمشاد]

بسیرا

دِل میں ایسے ٹھہر گئے ہیں غم
جیسے جنگل میں شام کے سائے
جاتے جاتے سہم کے رُک جائیں
مڑ کے دیکھیں اُداس راہوں پر
کیسے بجھتے ہوئے اُجا لوں میں
دُور دُھول دُھول اُڑتی ہے
(گلزار)​

 

[ظفری]

لفظ جب تک وضو نہیں کرتے
ہم تیری گفتگو نہیں کرتے

تُو ملا ایسے بےفاؤں کو
جو تیری آرزو نہیں کرتے

جب سے اشکوں نے بولنا سیکھا
لب کوئی گفتگو نہیں کرتے

جن کو آنسو ہیں ملے غم سے
زخم اپنے رفو نہیں کرتے​

 

[شمشاد]

زبردست شاعری ہے۔

ظفری بھائی شاعر کا نام بھی تو لکھ دیا کریں۔

 

[ظفری]

شمشاد بھائی نام بھول گیا ہوں مگر تخلص یاد ہے کہ “ اسدی “ ہے ۔ سوری ۔

 

[سارہ خان]

دن بُرے ہوں تو گُہر پر بھی ہو کنکر کا گماں
بن پڑے بات تو صحرا بھی سمندر نکلے

 

[شمشاد]

ذکر جہلم کا ہے ، بات ہے دِینے کی
چاند پکھراج کا ، رات پشمینے کی
کیسے اوڑھے گی اُدھڑی ہو ئی چاندی
رات کوشش میں ہے چاند کو سینے کی
کوئی ایسا گرا ہے نظر سے کہ بس
ہم نے صورت نہ دیکھی پھر آئینے کی
دَرد میں جاودانی کا احساس تھا
ہم نے لاڈوں سے پالی خلش سینے کی
موت آتی ہے ہر روز ہی رُوبرو
زندگی نے قسم دی ہے کل، جینے کی
(گلزار)​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم سے راولپنڈی کی طرف سفر کریں تو اگلا ہی سٹیشن ‘دینہ‘ آتا ہے۔ یہیں سے منگلا، میرپور وغیرہ کو سڑک جاتی ہے۔ پہلے مصرعے میں اسی کا ذکر ہے۔

 

[ظفری]

اُس کے مرنے پہ بہت لوگ جمع تھے عاطف
زندگی بھر جو ترستا رہا لوگوں کے لیے​

 

[شمشاد]

سوناں

ذرا آواز کا لہجہ تو بدلو
ذرو مدھم کرو اِس آنچ کو سوناں!
کہ جل جاتے ہیں کنگرے نرم رشتوں کے
ذرا الفاظ کے ناخن تراشو
بہت چبھتے ہیں جب نا راضگی سے بات کرتی ہو
(گلزار)​

 

[ظفری]

اداسی ‌ترک کردو اب
یونہی بیکار نہ بیٹھو
کسی کے ہجر میں جاناں
نہ خود کو اتنا تڑپاؤ
اُداسی ایک شعلہ ہے
گھروں کو جو جلاتا ہے
یہ دل بھی گھروندہ ہے
جو جل جائے ۔۔۔
تو کچھ باقی نہیں رہتا
میری مانو ۔۔۔
وہ سارے خط
جو اُس نے تم کو لکھے تھے
جلا ڈالو
تمہیں جس نے بھلا ڈالا
اُسے تم بھی بھلا ڈالو ۔۔۔

( جون ایلیا )​

 

[شمشاد]

عادتاً ہی

سانس لینا بھی کیسی عادت ہے
جیئے جانا بھی کیا روایت ہے
کوئی آہٹ نہیں بدن میں کہیں
کو ئی سایہ نہیں ہے آنکھوں میں
پاؤں بے حس ہیں چلتے جاتے ہیں
اِک سفر ہے جو بہتا رہتا ہے
کتنے برسوں سے کتنی صدیوں سے
سانس لیتے ہیں، جیتے رہتے ہیں
عادتیں بھی عجیب ہو تی ہیں
(گلزار)​

 

[عمر سیف]

[align=right:2c5abe8c1e]یاد ہے اِک دن
میرے میز پر بیٹھے بیٹھے
سگریٹ کی ڈبیہ پر تم نے
چھوٹے سے اِک پودے کا
ایک اسکیچ بنایا تھا
آ کر دیکھو
اس پودے پر پھول آیا ہے[/align:2c5abe8c1e]

 

[شمشاد]

تازہ محبتوں کا نشہ جسم و جاں میں ہے
پھر موسمِ بہار میرے گلستاں میں ہے

اک خواب ہے کہ بارِ دیگار دیکھتے ہیں
اک آشنا سی روشنی سارے مکاں میں ہے

اک شاخ یاسمیں تھی کل تک خزاں اثر
اور آج سارا باغ اسی کی اماں میں ہے
(پروین شاکر)

 

[عمر سیف]

میرے اندر سانس لینا چھوڑ دے
اے اُداسی میرا پیچھا چھوڑ دے​

 

[شمشاد]

یہی واقعات ہیں کچھ یہاں
بڑے مختصر ، بڑے دیر پا
کہ اثر سے جن کے بھری رہی
یہ بغیر معنی کی زندگی
(منیر نیازی)​

 

[عمر سیف]

اس لیے ہم فریب کھا بیٹھے
آزمودہ کو آزمایا تھا​