میرے پسندیدہ اشعار

[سیما علی]

گلا بھی تجھ سے بہت ہے مگر محبت بھی
وہ بات اپنی جگہ ہے یہ بات اپنی جگہ

باصر سلطان

 

[سیما علی]

ہوا ہے تجھ سے بچھڑنے کے بعد یہ معلوم
کہ تو نہیں تھا ترے ساتھ ایک دنیا تھی

 

[شمشاد]

کوئی خود کو صحرا نہیں کرے گا مری طرح
کوئی خواہشوں کے سراب میں نہیں آئے گا
(نوشی گیلانی)

 

[شمشاد]

اپنی ساری کاوشوں کو رائیگاں میں نے کیا
میرے اندر جو نہ تھا اس کو بیاں میں نے کیا
آزاد گلاٹی

 

[مومن فرحین]

اب اور کیا کسی سے مراسم بڑھائیں ہم
یہ بھی بہت ہے تجھ کو اگر بھول جائیں ہم

احمد فراز

 

[مومن فرحین]

اب ترے ذکر پہ ہم بات بدل دیتے ہیں
کتنی رغبت تھی ترے نام سے پہلے پہلے

سامنے عمر پڑی ہے شب تنہائی کی
وہ مجھے چھوڑ گیا شام سے پہلے پہلے

احمد فراز

 

[محمد شان محسن]

پھر اُس ستم نصیب کے پلے میں کیا رہا
چھوڑا ہےجس کوآپ نےمطلب نکال کے

پیر نصیرالدین نصیرؒ

 

[محمد شان محسن]

گزر ہی جائیں گے دن خیر، بے سکوں ہی سہی
اُسے ہے ترکِ مراسم کی ضد تو یوں ہی سہی

خلیل الرحمٰن حماد

 

[محمد شان محسن]

سب کو ہم بھول گئے جوشِ جنوں میں لیکن
اک تری یاد تھی ایسی جو بھلائی نہ گئی

جگر مراد آبادیؒ

 

[سیما علی]

ان سے جو کہنے گئے تھے فیضؔ جاں صدقہ کیے
ان کہی ہی رہ گئی وہ بات سب باتوں کے بعد

فیض احمد فیض

 

[مومن فرحین]

جانے والے کبھی نہیں آتے
جانے والوں کی یاد آتی ہے

 

[محمد شان محسن]

موقوف تیرے سننے نہ سننے پہ ہے یہ حال
قصہ میرا دراز بھی ہے اور مختصر بھی ہے!

 

[سیما علی]

روک پائے گی نہ زنجیر نہ دیوار کوئی
اپنی منزل کا پتہ آہِ رسا جانتی ہے
منظر بھوپالی

 

[سیما علی]

دو تُند ہواؤں پہ بنیاد ہے دُنیا کی
یا تم حسیں نہ ہوتے یا میں نہ جواں ہوتا
آرزو لکھنوی

 

[سیما علی]

تری بلا سے گروہِ جنُوں پہ کیا گُزری
تُو اپنا دفترِ سُود و زیاں سنبھال کے رکھ
افتخار عارف

 

[سیما علی]

پوچھو پتہ نہ مجھ سے غریب الدیار کا
مل جائے گا کہیں وہ شرافت کے اردگرد
(عبداللہ ناظر)

 

[سیما علی]

یاران تیز گام نے منزل کو جا لیا
ہم محو نالہ جرس کارواں رہے
الطاف حسین حالی

 

[سیما علی]

غرورِ مستی نے مار ڈالا وگرنہ ہم لوگ جی ہی لیتے
کسی کی آنکھوں کا نُور ہو کر، کسی کے دل کا قرار بن کر
ساغر صدیقی

 

[سیما علی]

نہیں‌ جس میں تیری تجلیاں ، اسے جانچتی ہے نظر کہاں
تیرے نور کا نہ ظہور ہو تو وجود بھی ہے عدم سے کم
سید نصیر الدین نصیر

 

[سیما علی]

ہر سُو دِکھائی دیتے ہیں وہ جلوہ گر مجھے
کیا کیا فریب دیتی ہے میری نظر مجھے

داغ دہلوی