میرے پسندیدہ اشعار

[مظہر ذوالفقار]

اپنے گھر کی خبر نہیں باقی
وہ ستارہ شناس ہیں ہم لوگ

باقی صدیقی

 

[مظہر ذوالفقار]

محبت تھی تری پہلی نظر تک
اب آگے دشمنی ہی دشمنی ہے

باقی صدیقی

 

[مظہر ذوالفقار]

رات بھر ہم کروٹیں لیتے رہے
رات بھر ڈھولک کہیں بجتی رہی

باقی صدیقی

 

[مظہر ذوالفقار]

ہم نے افسانہ کر دیا ہے رقم
آگے سب کچھ فسانہ خواں تک ہے

باقی صدیقی

 

[مظہر ذوالفقار]

جھک گئی ہے نگاہ کیوں باقی
ایک تہمت ہوئی کرم نہ ہوا

باقی صدیقی

 

[مظہر ذوالفقار]

در پہ دستک کسی نے دی باقی
کوئی پرسانِ حال آ ہی گیا

باقی صدیقی

 

[مظہر ذوالفقار]

صبح امید کا خیال نہ پوچھ
ہم نے سوچا ہے رات بھر کیا کیا

باقی صدیقی

 

[مظہر ذوالفقار]

کہاں کا زادِ سفر خود کو چھوڑ آئے ہیں
تمھاری راہ میں ایسے بھی موڑ آئے ہیں

کوئی تو محفل گل کی بہار دیکھے گا
کلی کلی پہ لہو ہم نچوڑ آئے ہیں

باقی صدیقی

 

[مظہر ذوالفقار]

پوچھتے ہیں وہ حالِ دل باقی
یہ بھی گویا مرے بیان تک ہے

باقی صدیقی

 

[مظہر ذوالفقار]

ازل سے ہے پریشاں زندگانی
یہ عقدہ کس کا الجھایا ہوا ہے

بہانے لاکھ ہیں جینے کے باقی
مگر دل ہے کہ گھبرایا ہوا ہے

باقی صدیقی

 

[مظہر ذوالفقار]

کہاں طاقت ہے ہر اک کوں کہ دیکھے تجھ طرف ظالم
تیرے ابرو کی یہ شمشیر رستم دیکھ ٹل جاوے

ولی دکنی

 

[مظہر ذوالفقار]

یک پلک دوجے پلک سوں نئیں ہوئی ہے آشنا
جب سوں تیرے حسن نے بخشی ہے حیرانی مجھے

ولی دکنی

 

[مظہر ذوالفقار]

کیا متقی تھا میرؔ پر آئین عشق میں
مجرم سا کشت و خوں کا سزاوار ہو گیا

میر تقی میر

 

[مظہر ذوالفقار]

برسوں تئیں جہان میں کیونکر رہا ہے خضر
میں چار دن میں جینے سے بیزار ہو گیا

میر تقی میر

 

[مظہر ذوالفقار]

حیراں ہو میرے حال میں کہنے لگا طبیب
اس دردمند عشق کی میں کیا دوا لکھوں

میر تقی میر

 

[مظہر ذوالفقار]

کس کس طرح سے میرؔ نے کاٹا ہے عمر کو
اب آخر آخر آن کے یہ ریختہ کہا

میر تقی میر

 

[مظہر ذوالفقار]

ایک دو ہوں تو سحر چشم کہوں
کارخانہ ہے واں تو جادو کا

میر تقی میر

 

[مظہر ذوالفقار]

وہ کیا کرے جو تیری بدولت نہ ہنس سکا
اور جس پہ اتفاق سے آنسُو حرام ہیں

مصطفیٰ زیدی

 

[سیما علی]

ہمارے دِل کی جو رونقیں تھیں
وہ خواب کیسے تھے زِندگی کے
فضائے محفل! یہ کیا ستم ہے
نہ وہ ہمارا! نہ ہم کسی کے
یاور ماجد

 

[شمشاد]

رکھتے ہو اگر آنکھ تو باہر سے نہ دیکھو
دیکھو مجھے اندر سے بہت ٹوٹ چکا ہوں
محمد علوی