میرے پسندیدہ اشعار

[شمشاد]

بے وفائی کا مجھے الزام دیتا تھا وہ شخص
میں نے بھی اتنا کیا بس اس کو سچا کر دیا
ؔسراج عالم زخمی

 

[شمشاد]

مجھ پہ الزام دھر گیا دیکھو
آنکھ اشکوں سے بھر گیا دیکھو
حمزہ دائم

 

[شمشاد]

کس اعتماد سے الزام دھر گئے اپنے
ہمارے نام کو بدنام کر گئے اپنے
محسن احسان

 

[شمشاد]

کہتے ہیں عمر رفتہ کبھی لوٹتی نہیں
جا مے کدے سے میری جوانی اٹھا کے لا
عبد الحمید عدم

 

[مومن فرحین]

عمر گزشتہ پھر سے میری زندگی میں آ
اک شخص کھو گیا ہے تیرے موسموں کے بیچ

 

[مومن فرحین]

ہمیں عزیز ہو کیوں کر نہ شام غم کہ یہی
بچھڑ نے والے تیری آخری نشانی ہے

 

[شمشاد]

بچھڑنا بھی تمہارا جیتے جی کی موت ہے گویا
اسے کیا خاک لطف زندگی جس سے جدا تم ہو
مضطر خیرآبادی

 

[شمشاد]

یہ بچھڑنا تو مری جان بچھڑنا نہ ہوا
مل کے روئے بھی نہیں حشر بھی برپا نہ ہوا
معراج نقوی

 

[شمشاد]

ابھی باقی ہے بچھڑنا اس سے
نا مکمل یہ کہانی ہے ابھی
طارق قمر

 

[شمشاد]

ہنسی خوشی سے بچھڑ جا اگر بچھڑنا ہے
یہ ہر مقام پہ کیا سوچتا ہے آخر تو
احمد فراز

 

[شمشاد]

وہ نہیں بھولتا جہاں جاؤں
ہائے میں کیا کروں کہاں جاؤں
(امام بخش ناسخ)

 

[شمشاد]

محبت کرنے والے درد میں تنہا نہیں ہوتے
جو روٹھو گے کبھی مجھ سے تو اپنا دل دکھاؤ گے
(عازم کوہلی)

 

[شمشاد]

یا تو جو نافہم ہیں وہ بولتے ہیں ان دنوں
یا جنہیں خاموش رہنے کی سزا معلوم ہے
(شجاع خاور)

 

[شمشاد]

تم زمانے کی راہ سے آئے
ورنہ سیدھا تھا راستہ دل کا
(باقی صدیقی)

 

[مومن فرحین]

آنے میں سدا دیر لگاتے ہی رہے تم
جاتے رہے ہم جان سے آتے ہی رہے تم

امام بخش ناسخ

 

[مومن فرحین]

اثر ہوا نہیں اس پر ابھی زمانے کا
یہ شہزاد ہے کردار کس فسانے کا

پروین شاکر

 

[سیما علی]

تیرے موجود رہنے تک حسیں ہیں
ستارے آسماں دنیا وغیرہ ۔۔۔

واہ واہ

 

[سیما علی]

ہمیں یہ شرم کہ ہم سے تو بندگی نہ ہوئی
وہ چاہتا ہے کہ مثل خدا نظر آئے—

انیس دہلوی

 

[شمشاد]

اثر ہوا نہیں اس پر ابھی زمانے کا
یہ شہزاد ہے کردار کس فسانے کا

پروین شاکر

یہ شعر ایسے ہے :

اثر ہوا نہیں اس پر ابھی زمانے کا
یہ خواب زاد ہے کردار کس فسانے کا

آپ نے جو شعر لکھا ہے، اس کا دوسرا مصرعہ غلط ہے۔

 

[شمشاد]

ہمیں یہ شرم کہ ہم سے تو بندگی نہ ہوئی
وہ چاہتا ہے کہ مثل خدا نظر آئی——

انیس دہلوی

سیما آپی دوسرے مصرعے میں آخر میں "آئی" نہیں "آئے" ہے۔

وہ چاہتا ہے کہ مثل خدا نظر آئے