میرے پسندیدہ اشعار

[سیما علی]

ہر کوئی دل کی ہتھیلی پہ ہے صحرا رکھے!!
کس کو سیراب کرے وہ کسے پیاسا رکھے

احمد فراز

 

[شمشاد]

آنے میں سدا دیر لگاتے ہی رہے تم
جاتے رہے ہم جان سے آتے ہی رہے تم

امام بخش ناسخ

دیر اس لیے لگی کہ راستے میں آٹو نہیں ملی ہو گی ناں۔ سمجھا کرو۔

 

[سیما علی]

سیما آپی دوسرے مصرعے میں آخر میں "آئی" نہیں "آئے" ہے۔

وہ چاہتا ہے کہ مثل خدا نظر آئے

جزاک اللّہ ہم نے تصیح کر لی
شادو آباد رہیے۔

 

[سیما علی]

یہ ہمارا بہت پسندیدہ شعر ہے


یہ قناعت ہے اطاعت ہے کہ چاہت ہے فرازؔ
ہم تو راضی ہیں وہ جس حال میں جیسا رکھے!!

 

[سیما علی]

شدت تشنگی میں بھی غیرت مے کشی رہی!!!!!!
اس نے جو پھیر لی نظر میں نے بھی جام رکھ دیا

احمد فراز

 

[شمشاد]

کیوں بلاتی ہے مجھے دنیا اسی کے نام سے
کیا مرے چہرے پہ اس کا نام ہے لکھا ہوا
شہزاد احمد

 

[سیما علی]

عشق میں سر پھوڑنا بھی کیا کہ یہ بے مہر لوگ
جوئے خوں کو نام دے دیتے ہیں جوئے شیر کا
احمد فراز

 

[شمشاد]

آج کیوں آ گئے تم درد کا درماں بن کر
جام فرقت بھی مجھے چین سے پینے نہ دیا
مسعودہ حیات

 

[ڈاکٹر عظیم سہارنپوری]

دل کی یہ ضد تھی ملے بس وہی قطرہ ورنہ
کتنے دریا تھے مری پیاس بجھانے والے
عظیم

 

[شمشاد]

میں نہیں ہوں نغمۂ جاں فزا مجھے سن کے کوئی کرے گا کیا
میں بڑے بروگ کی ہوں صدا میں بڑے دکھی کی پکار ہوں

نہ میں مضطرؔ ان کا حبیب ہوں نہ میں مضطرؔ ان کا رقیب ہوں
جو بگڑ گیا وہ نصیب ہوں جو اجڑ گیا وہ دیار ہوں
(مضطر خیر آبادی)

 

[ڈاکٹر عظیم سہارنپوری]

میں نہیں ہوں نغمۂ جاں فزا مجھے سن کے کوئی کرے گا کیا
میں بڑے بروگ کی ہوں صدا میں بڑے دکھی کی پکار ہوں

نہ میں مضطرؔ ان کا حبیب ہوں نہ میں مضطرؔ ان کا رقیب ہوں
جو بگڑ گیا وہ نصیب ہوں جو اجڑ گیا وہ دیار ہوں
(مضطر خیر آبادی)

لاجواب

 

[شمشاد]

کر رہا تھا غم جہاں کا حساب
آج تم یاد بے حساب آئے
(فیض احمد فیض)

 

[شمشاد]

نہ جانے روٹھ کے بیٹھا ہے دل کا چین کہاں
ملے تو اس کو ہمارا کوئی سلام کہے
(کلیم عاجز)

 

[شمشاد]

زندگی کیا ہے عناصر میں ظہور ترتیب
موت کیا ہے انہیں اجزا کا پریشاں ہونا
(چکبت برج نرائن)

 

[شمشاد]

محبت کرنے والے کم نہ ہوں گے
تری محفل میں لیکن ہم نہ ہوں گے
(حفیظ ہوشیارپوری)

 

[شمشاد]

شدید پیاس تھی پھر بھی چھوا نہ پانی کو
میں دیکھتا رہا دریا تری روانی کو
(شہر یار)

 

[ڈاکٹر عظیم سہارنپوری]

شدید پیاس تھی پھر بھی چھوا نہ پانی کو
میں دیکھتا رہا دریا تری روانی کو
(شہر یار)

بہت خوب

 

[شمشاد]

ذہن میں یاد کے گھر ٹوٹنے لگتے ہیں شہابؔ
لوگ ہو جاتے ہیں جی جی کے پرانے کتنے
مصطفی شہاب

 

[شمشاد]

زندگی کیا ہوئے وہ اپنے زمانے والے
یاد آتے ہیں بہت دل کو دکھانے والے
اختر سعید خان

 

[شمشاد]

یہ بزم مے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں مینا اسی کا ہے
شاد عظیم آبادی