میرے پسندیدہ اشعار

[ڈاکٹر عظیم سہارنپوری]

قفس میں آکے کھلتے ہیں بہت سے راز گلشن کے
وہی صیاد نکلا ہے جسے ہم باغ باں سمجھے

مزمل منیر

 

[ڈاکٹر عظیم سہارنپوری]

بہت نادان ہے یہ دل زمیں کو آسماں سمجھا

ذرا سا ہنس کے جو بولا اسی کو مہرباں سمجھا

عظیم سہارن پوری

 

[شمشاد]

کس کو مہرباں کہئے کون مہرباں اپنا
وقت کی یہ باتیں ہیں وقت اب کہاں اپنا
(ناطق گلاوٹھی)

 

[مومن فرحین]

مہرباں ہو کے بلا لو مجھے جب بھی چاہو
میں گیا وقت نہیں ہوں کہ پھر آ بھی نہ سکوں

 

[شمشاد]

وقت کے ساتھ بدلنا تو بہت آساں تھا
مجھ سے ہر وقت مخاطب رہی غیرت میری
(امیر قزلباش)

 

[شمشاد]

دل میں کسی کے راہ کئے جا رہا ہوں میں
کتنا حسیں گناہ کئے جا رہا ہوں میں
(جگر مراد آبادی)

 

[شمشاد]

نہ اپنے ضبط کو رسوا کرو ستا کے مجھے
خدا کے واسطے دیکھو نہ مسکرا کے مجھے
(بسمل عظیم آبادی)

 

[شمشاد]

ہم سے کوئی تعلق خاطر تو ہے اسے
وہ یار با وفا نہ سہی بے وفا تو ہے
(جمیل ملک)

 

[شمشاد]

ایک ہو جائیں تو بن سکتے ہیں خورشید مبیں
ورنہ ان بکھرے ہوئے تاروں سے کیا کام بنے
(ابو المجاہد زاہد)

 

[شمشاد]

جب میں چلوں تو سایہ بھی اپنا نہ ساتھ دے
جب تم چلو زمین چلے آسماں چلے
(جلیل مانک پوری)

 

[جاسمن]

بہت نادان ہے یہ دل زمیں کو آسماں سمجھا

ذرا سا ہس کے جو بولا اسی کو مہرباں سمجھا

عظیم سہارن پوری

یہ ہس ہے یا ہنس؟

 

[مومن فرحین]

زندگی کے اس سفر میں سیکڑوں چہرے ملے
دلکشی ان کی الگ پیکر ترا اپنی جگہ

 

[مومن فرحین]

دل لے کے مجھ سے دیتے ہو داغ جگر مجھے
یہ بات بھولنے کی نہیں عمر بھر مجھے

جگر مراد آبادی

 

[شمشاد]

داغ جگر کا اپنے احوال کیا سناؤں
بھرتے ہیں اس کے آگے شمع و چراغ پانی
(جوشش عظیم آبادی)

 

[ڈاکٹر عظیم سہارنپوری]

یہ ہس ہے یا ہنس؟

او ہو شکریہ

 

[فاخر رضا]

کیوں بلاتی ہے مجھے دنیا اسی کے نام سے
کیا مرے چہرے پہ اس کا نام ہے لکھا ہوا
شہزاد احمد

ایک طلاق یافتہ عورت کی فریاد

 

[شمشاد]

اس تعلق میں نہیں ممکن طلاق
یہ محبت ہے کوئی شادی نہیں
(انور شعور)

 

[La Alma]

ایک طلاق یافتہ عورت کی فریاد

طلاق یافتہ ہو یہ ضروری نہیں۔
اکثر خواتین کو ان کے اپنے نام کی بجائے ان کے شوہروں کے نام سے پکاراجاتا ہے۔ جیسے مسز ۔۔۔ وغیرہ وغیرہ۔
کچھ مواقع پر یہ بات ایسی عجیب نہیں لگتی۔ لیکن زیادہ حیرت اس وقت ہوتی ہے جب خواتین بھی اپنی جان پہچان والی دوسری خواتین کوان کے اصل نام کی بجائے ان کے شوہروں کے ناموں سے بلا رہی ہوتی ہیں۔

 

[شمشاد]

طلاق یافتہ ہو یہ ضروری نہیں۔
اکثر خواتین کو ان کے اپنے نام کی بجائے ان کے شوہروں کے نام سے پکاراجاتا ہے۔ جیسے مسز ۔۔۔ وغیرہ وغیرہ۔
کچھ مواقع پر یہ بات ایسی عجیب نہیں لگتی۔ لیکن زیادہ حیرت اس وقت ہوتی ہے جب خواتین بھی اپنی جان پہچان والی دوسری خواتین کوان کے اصل نام کی بجائے ان کے شوہروں کے ناموں سے بلا رہی ہوتی ہیں۔

یہ تو ہے ہی۔ جیسے مسنز سہیل، بیگم رعنا لیاقت علی وغیرہ۔

 

[شمشاد]

تاثیر کے دو حصے اگر ہوں تو مزا ہے
اک میری فغاں کو ملے اک تیری ادا کو
نوح ناروی