میرے پسندیدہ اشعار

[مومن فرحین]

اول اول کی دوستی ہے ابھی
اک غزل ہے کہ ہو رہی ہے ابھی

فراز

 

[عطاء اللہ جیلانی]

دوستی بندگی وفا و خلوص
ہم یہ شمع جلانا بھول گئے

انجم لدھیانوی

 

[مومن فرحین]

نگاہوں ہی نگاھون میں شرارت ہوتی جاتی ہے
دلوں میں درد اٹھتا ہے محبت ہوتی جاتی ہے

فرح

 

[عطاء اللہ جیلانی]

پڑیں یہ کس کے جلوے پر نگاہیں
نگاہیں بن گئیں خود جلوہ گاہیں

شرف مجددی

 

[شمشاد]

جو شخص نہ رویا تھا تپتی ہوئی راہوں میں
دیوار کے سائے میں بیٹھا تو بہت رویا

آساں تو نہیں اپنی ہستی سے گزر جانا
اترا جو سمندر میں دریا تو بہت رویا
خورشید رضوی

 

[مومن فرحین]

اک سمندر کے شوق میں رقصاں
ایک دریا کو دربدر دیکھا

 

[مومن فرحین]

نگاہ شوق سر بزم بے حجاب نہ ہو
وہ بے خبر ہی سہی اتنے بے خبر بھی نہیں

فیض

 

[سیما علی]

ذرا سی دیر ٹھہرنے دے اے غم دنیا
بلا رہا ہے کوئی بام سے اتر کے مجھے
( ناصر کاظمی)

 

[سیما علی]

• ذکر دوزخ، بیانِ حور و قصور
  بات گویا یہیں کہیں کی ہے
  (فیض احمد فیض)

 

[سیما علی]

ایسا خود کار ہے فارس مرے اشکوں کا نظام
خالی ہوتی ہے مری آنکھ تو بھر آتی ہے۔۔۔

رحمان فارس

 

[عطاء اللہ جیلانی]

جہاں رہے گا وہیں روشنی لٹائے گا
کسی چراغ کا اپنا مکاں نہیں ہوتا

وسیم بریلوی

 

[شمشاد]

راستہ ہے کہ کٹتا جاتا ہے
فاصلہ ہے کہ کم نہیں ہوتا
(قابل اجمیری)

 

[شمشاد]

دیا خاموش ہے لیکن کسی کا دل تو جلتا ہے
چلے آؤ جہاں تک روشنی معلوم ہوتی ہے
نشور واحدی

 

[شمشاد]

اگر تمہاری انا ہی کا ہے سوال تو پھر
چلو میں ہاتھ بڑھاتا ہوں دوستی کے لیے
احمد فراز

 

[شمشاد]

بات وہ آدھی رات کی رات وہ پورے چاند کی
چاند بھی عین چیت کا اس پہ ترا جمال بھی
پروین شاکر

 

[شمشاد]

ایک وہ ہیں کہ جنہیں اپنی خوشی لے ڈوبی
ایک ہم ہیں کہ جنہیں غم نے ابھرنے نہ دیا
آزاد گلاٹی

 

[شمشاد]

بچھڑنے کا ارادہ ہے تو مجھ سے مشورہ کر لو
محبت میں کوئی بھی فیصلہ ذاتی نہیں ہوتا
افضل خان

 

[شمشاد]

کیوں میری طرح راتوں کو رہتا ہے پریشاں
اے چاند بتا کس سے تری آنکھ لڑی ہے
ساحر لکھنوی

 

[شمشاد]

زہر میٹھا ہو تو پینے میں مزا آتا ہے
بات سچ کہیے مگر یوں کہ حقیقت نہ لگے
فضیل جعفری

 

[شمشاد]

رنگ خوشبو اور موسم کا بہانا ہو گیا
اپنی ہی تصویر میں چہرہ پرانا ہو گیا
خالد غنی