میرے پسندیدہ اشعار

[عطاء اللہ جیلانی]

‏داغ دنیا نے دیے زخم زمانے سے ملے
ہم کو تحفے یہ تمہیں دوست بنانے سے ملے

کیف بھوپالی

 

[شمشاد]

اسی کی دھن میں کہیں نقش پا گیا ہے مرا
جو آ کے خواب میں در کھٹکھٹا گیا ہے مرا
(زاہد فارانی)

 

[شمشاد]

دل صاف ہو کس طرح کہ انصاف نہیں ہے
انصاف ہو کس طرح کہ دل صاف نہیں ہے
(مرزا سلامت علی دبیر)

 

[شمشاد]

وہ ٹوٹتے ہوئے رشتوں کا حسن آخر تھا
کہ چپ سی لگ گئی دونوں کو بات کرتے ہوئے
(راجیندر منچندا بانی)

 

[شمشاد]

ایک دن دونوں نے اپنی ہار مانی ایک ساتھ
ایک دن جس سے جھگڑتے تھے اسی کے ہو گئے
(نعمان شوق)

 

[شمشاد]

پہلے اس میں اک ادا تھی ناز تھا انداز تھا
روٹھنا اب تو تری عادت میں شامل ہو گیا
(آغا شاعر قزلباش)

 

[سیما علی]

ذوقؔ جو مدرسے کے بگڑے ہوئے ہیں ملا
ان کو مے خانے میں لے آؤ سنور جائیں گے

ذوق

 

[سیما علی]

آئینہ خود بھی سنورتا تھا ہماری خاطر
ہم ترے واسطے تیار ہوا کرتے تھے

سلیم کوثر

 

[سیما علی]

علاجِ دردِ دل تم سے مسیحا ہو نہیں سکتا
تم اچھا کر نہیں سکتے میں اچھا ہو نہیں سکتا

مضطر خیر آبادی

 

[سیما علی]

مانعِ وحشت خرامی ہائے لیلےٰ کون ہے؟
خانۂ مجنونِ صحرا گرد بے دروازہ تھا



غالب

 

[سیما علی]

وہ مجھ سے خفا ہے تو اسے یہ بھی ہے زیبا
پر شیفتہ میں اس سے خفا ہو نہیں سکتا
مصطفیٰ خان شیفتہ

 

[سیما علی]

کاغذ تمام کلک تمام اور ہم تمام
پر داستان شوق ابھی ناتمام ہے

عادل اسیر دہلوی

 

[سیما علی]

اکبر الہ آبادی بھی کیا خوب فرماتے ہیں کہ:

عشق نازک مزاج ہے بے حد
عقل کا بوجھ اٹھا نہیں سکتا

 

[سیما علی]

ہم سے یہ بارِ لطف اٹھایا نہ جائے گا
احساں یہ کیجیے کہ یہ احساں نہ کیجیے

حفیظ جالندھری

 

[سیما علی]

کون سی جا ہے جہاں جلوۂ معشوق نہیں
شوقِ دیدار اگر ہے تو نظر پیدا کر
امیر مینائی

 

[شمشاد]

کیا اضطراب شوق نے مجھ کو خجل کیا
وہ پوچھتے ہیں کہئے ارادے کہاں کے ہیں
(داغ دہلوی)

 

[عطاء اللہ جیلانی]

جب چلی ٹھنڈی ہوا بچہ ٹھٹھر کر رہ گیا
ماں نے اپنے لعل کی تختی جلا دی رات کو

سبط علی صبا

 

[شمشاد]

ہمارے نام کی تختی بھی ان پہ لگ نہ سکی
لہو میں گوندھ کے مٹی جو گھر بنائے گئے
(اظہر ادیب)

 

[مومن فرحین]

سنا ہے ایسا مسیحا کہیں سے آیا ہے
کہ اس کو شہر کے بیمار چل کے دیکھتے ہیں

 

[عطاء اللہ جیلانی]

‏اگر تمہاری انا ہی کا ہے سوال تو پھر
چلو میں ہاتھ بڑھاتا ہوں دوستی کے لیے

احمد فراز