میرے پسندیدہ اشعار

[شمشاد]

دستک میں کوئی درد کی خوشبو ضرور تھی
دروازہ کھولنے کے لیے گھر کا گھر اٹھا
قیصر الجعفری

 

[زونی]

حیرت ہے آج زونی کو اس لڑی میں بھی دیکھ رہا ہوں۔

انقلابات ہیں زمانے کے۔
اُم اعرج اس لڑی پر خوش آمدید

شکریہ شمشاد بھائی یہاں تو اکثر و بیشتر آتی رہتی ہوں انقلاب کی کیا بات

 

[شمشاد]

شکریہ شمشاد بھائی یہاں تو اکثر و بیشتر آتی رہتی ہوں انقلاب کی کیا بات

پچھلے 20 صفحے اور پورے پچھلے ایک ماہ کی ورق گردانی کی ہے تم کہیں نظر نہیں آئیں۔ کیا سلیمانی ٹوپی پہن کر آتی رہی ہو۔

بہرحال اس لڑی میں خوش آمدید۔ امید ہے تم سے خوبصورت اشعار سننے کو ملیں گے۔

 

[سیما علی]

شکریہ شمشاد بھائی یہاں تو اکثر و بیشتر آتی رہتی ہوں انقلاب کی کیا بات

خوش آمدید خوش آمدید

 

[شمشاد]

یہی زندگی مصیبت یہی زندگی مسرت
یہی زندگی حقیقت یہی زندگی فسانہ
(معین احسن جذبی)

 

[شمشاد]

کیا ہو گیا اسے کہ تجھے دیکھتی نہیں
جی چاہتا ہے آگ لگا دوں نظر کو میں
(اسماعیل میرٹھی)

 

[شمشاد]

کاش دیکھو کبھی ٹوٹے ہوئے آئینوں کو
دل شکستہ ہو تو پھر اپنا پرایا کیا ہے
(عبید اللہ علیم)

 

[سیما علی]

پھیلا ہوا ہر سمت ہے اک دام تماشا
حیف ان پہ جو آنکھیں رہیں ناکام تماشا
مطلع انوار

 

[سیما علی]

پھر درد دل پر مرے تقویٰ کی پٹی باندھ دی
آنکھ پر شوق لقاے حق کی پٹی باندھ دی
اکبر الہ آبادی

 

[شمشاد]

ہر سمت زندگی کا تماشا بھی خوب ہے
دنیا بھی خوب رونق دنیا بھی خوب ہے
(حفیظ شاہد)

 

[سیما علی]

زلف تیری ہوئی کمند مجھے
اس میں باندھا ہے بند بند مجھے

فائز دھلوی

 

[سیما علی]

لب شیریں ہے مصری یوسف ثانی ہے یہ لڑکا
نہ چھوڑے گا میرا دل چاہ کنعانی ہے یہ لڑکا

ناجی شاکر

 

[سیما علی]

ہے شکار کمند عشق سراجؔ
اس گلے ہار کا تماشا ہے
سراجؔ اورنگ آبادی

 

[سیما علی]

گل پھینکے ہے اوروں کی طرف بلکہ ثمر بھی
اے خانہ بر انداز چمن کچھ تو ادھر بھی

سودا

 

[سیما علی]

زور عاشق مزاج ہے کوئی
دردؔ کو قصہ مختصر دیکھا

میر درد

 

[سیما علی]

دل بر سے ہم اپنے جب ملیں گے
اس گم شدہ دل سے تب ملیں گے

میر حسن

 

[سیما علی]

سجی ہوئی ہے وہ محراب دل میں اے حاصل
نگاہِ شوق نے جو تصویر اتاری ہے۔

حاصل مراد آبادی

 

[سیما علی]

چل ساتھ کہ حسرت دلِ محروم سے نکلے
عاشق کا جنازہ ہے ذرا دھوم سے نکلے
فدوی عظیم آبادی

 

[سیما علی]

حضرتِ ڈارون حقیقت سے نہایت دور تھے
ہم نہ مانیں گے کہ آباء آپ کے لنگور تھے
اکبر الہ آبادی

 

[سیما علی]

ہم نہ کہتے تھے کہ حالی چپ رہو
راست گوئ میں ہے رسوائ بہت
حالی