میرے پسندیدہ اشعار

[عمر سیف]

ایک مدّت ہوئی خود کو نہیں سوچا میں نے
کوئی لمحہ تیری یادوں کے سوا بھی گزرے ۔۔۔​

 

[شمشاد]

موتی ہو کہ شیشہ، جام کہ دُر
جو ٹوٹ گیا، سو ٹوٹ گیا
کب اشکوں سے جڑ سکتا ہے
جو ٹوٹ گیا ، سو چھوٹ گیا

تم ناحق ٹکڑے چن چن کر
دامن میں چھپائے بیٹھے ہو
شیشوں کامسیحا کوئی نہیں
کیا آس لگائے بیٹھے ہو
(فیض)​

 

[زینب]

تیرے بے وفا ہونے کا رنج نہیں

ہمیں تو آپنی وفا پے رنج ہوتا ہے

 

[شمشاد]

سوچتا ہوں‌کہ محبت سے کنارا کرلوں
دل کو بیگانۂ ترغیب و تمنا کرلوں

سوچتا ہوں‌کہ محبت ہے جنونِ رسوا
چند بے کار سے بے ہودہ خیالوں کا ہجوم
(ساحر)

 

[زینب]

ہم ایک دوسرے سے خفا ہو کر دیکھیں

بہت مل چکے اب جدا ہو کے دیکھیں

دل و جاں پے کیا ٹوٹتی ھے قیامت

چلو درد سے آشنا ھو کے دیکھیں

 

[شمشاد]

تنگ آ چکے ہیں کشمکشِ زندگی سےہم
ٹھکرا نہ دیں جہاں کو کہیں‌ بے دلی سے ہم
(ساحر لدھیانوی)​

 

[زینب]

کچھ نہ بن پایا تو ڈبو دیں گے سفینہ اپنا

ساحل کی قسم منتِ طو فاں نہ کریں گے ہم

 

[عمر سیف]

بےوفا باوفا نہیں ہوتا
ختم یہ فاصلہ نہیں ہوتا

کچھ تو مجبوریاں رہی ہوں گی
یوں کوئی بےوفا نہیں ہوتا

جی بہت چاہتا ہے سچ بولیں
کیا کریں حوصلہ نہیں ہوتا

رات کا انتظار کون کرے
آج کل دن میں کیا نہیں ہوتا​

 

[سارا]

انجام کے آغاز کو دیکھا میں نے
ماضی کے ہر انداز کو دیکھا میں نے

کل ترا نام لیا، جو بوئے گل نے
تا دیر اس آواز کو دیکھا میں نے۔۔

 

[سارا]

مجھے معجزوں پر یقین نہیں مگر آرزو ہے کہ جب قضا
مجھے بزم دہر سے لے چلے
تو پھر ایک بار یہ اذن دے
کہ لحد سے لوٹ کہ آ سکوں
تیرے در پہ آ کے صدا کروں
تجھے غمگسار کی ہو طلب تو
تیرے حضور میں آ رہوں
یہ نہ ہو تو سوئے رہ عدم میں پھر ایک بار روانہ ہوں۔۔

 

[سارا]

اب دوستی کی نہیں حوصلے کی بات ہے
لازم نہیں کی تو بھی میرا ہم خیال ہو

اب کہ وہ درد دے کہ روؤں تمام عمر
اب کہ لگا وہ زخم کہ جینا محال ہو۔۔

 

[زینب]

ہم بھی دریا ھیں ہمیں آپنا ہنر معلوم ھے

جس طرف کو چل دیے رستہ ھو جاے گا

 

[سارا]

فاصلے قرب کی پہچان ہوا کرتے ہیں
بے سبب لوگ پریشان ہوا کرتے ہیں

یہ حقیقت ہے جہاں ٹوٹ کے چاہا جائے
وہاں بچھڑنے کے امکان ہوا کرتے ہیں۔۔

 

[سارا]

نہ دوستی سے رہے ’ نہ دشمنی سے رہے
ہمیں تمام گلے اپنی آگہی سے رہے

وہ پاس آئے تو موضوع گفتگو نہ ملے
وہ لوٹ جائے تو ہر گفتگو اسی سے رہے۔۔

 

[زینب]

فاصلے قرب کی پہچان ہوا کرتے ہیں
بے سبب لوگ پریشان ہوا کرتے ہیں

یہ حقیقت ہے جہاں ٹوٹ کے چاہا جائے
وہاں بچھڑنے کے امکان ہوا کرتے ہیں۔۔

زبردست سارا۔۔۔۔۔its really heart touching

 

[سارا]

شکریہ زینب۔۔۔

 

[تیشہ]

دل کا تمھارے جو صفحہ ہے
وہ آج بھی بالکل سادہ ہے
اس پر بھی تو لکھا تھا ہم نے
اک ِ نام کبھی

پیغام کبھی
اشعار کبھی
سرکار کبھی

وہ صفحہ تم نے دھوڈالا
وہ صفحہ بلکل سادہ ہے
اب کاغذ کے اس صفحے کو
کیوں آگے لاکے رکھتی ہو

کیوں نام' پیام ' اشعار لکھیں
ہم لوگ تو جو سرکار لکھیں
اک ِ بار لکھیں ، ۔ ۔

 

[زینب]

وہ جھوٹ بولے گا اور لاجواب کر دے گا

میں سچ کہوں گی پھر بھی ہار جاؤں گی

 

[عمر سیف]

بہت خوب باجو ۔۔

پتھر کا بت سمجھ کے یہ کس شے کو چھو لیا
برسوں تمام جسم میں اک سنسنی رہی​

 

[زینب]

میری طلب تھا ایک شخص وہ جو نہیں ملا تو پھر

ہاتھ دعا سے یوں گرا بھول گیا سوال بھی