میرے پسندیدہ اشعار

[تیشہ]

لاکھ پردوں میں رہوں بھید میرے کھولتی ہے
شاعری سچ بولتی ہے
میں نے دیکھا ہے کہ جب میری زباں ڈولتی ہے

شاعری سچ بولتی ہے ۔

میں نے اس فکر میں کاٹیں ہیں کئی راتیں کئی دن
میرے شعروں میں تیرا نام نہ آئے ، لیکن
جب تیری سانس میری سانس میں رس گھولتی ہے
شاعری سچ بولتی ہے
شاعری سچ بولتی ہے ۔

 

[عمر سیف]

جس کو تم لادوا بتاتے تھے
تم ہی اس درد کی دوا ٹھہرے​

 

[زینب]

کسی کو اپنےاعمال کا حساب کیا دیتے

سوال سارے غلط تھے جواب کیا دیتے

 

[شمشاد]

دل اُٹھا زندگی سے یوں جیسے
آپ کا اعتبار اُٹھتا ہے!

دل جلاتا ہے وہ تو حیرت کیا؟
سنگ ہی سے شرار اُٹھتا ہے!
(سرور

 

[زینب]

مت ڈھونڈ اپنی قسمت کو ہاتھوں کی لکیروں میں
قسمت انکی بھی ہوتی ہے، جنکے ہاتھ نہین ہوتے

 

[شمشاد]

جان تم پر نثار کرتے ہیں
بس یہی کاروبار کرتے ہیں

صاحبو! ہم غزل کی صورت میں
زخمِ دل آشکار کرتے ہیں

تم اُدھر اہتمامِ دار کرو
ہم اِدھر ذکرِ یار کرتے ہیں

ہم ہیں خود زندگی سے شرمندہ
آپ کیوں شرمسار کرتے ہیں؟

اہلِ دنیا کی گر یہی ضد ہے
خامشی اختیار کرتے ہیں

پہلے دنیا سے دل لگاتے ہیں
پھر گلے ہم ہزار کرتے ہیں

خود تماشا ہیں، خود تماشائی
اس طرح خود کو خوار کرتے ہیں

کس قدر سادہ لوح ہیں سرور!
حسن کا اعتبار کرتے ہیں!
(سرور عالم راز سرور)​

 

[سارا]

مجھے جو بھی دشمنِ جاں ملا وہی پختہ کارجفا ملا
نہ کسی کی ضرب غلط پڑی نہ کسی کا وار خطا ہوا

مجھے ہمسفر بھی ملا تو کوئی ستم ظریف میری طرح
کہیں منزلوں کا تھکا ہوا ،کئی راستوں کا لٹا ہوا۔۔۔

 

[شمشاد]

سارا جی یہ ستم ضریف کو ستم ظریف کر لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انقلابِ زیست لازم ہے مگر اب کیا کہیں
ہم ہی گویا رہ گئے ہیں آزمانے کے لئے

جی میں ہے سرور کہ اب کچھ جی چلیں اپنے لئے
اک زمانہ جی لئے ہم اک زمانے کے لئے
(سرور)

 

[زینب]

اس نے دیکھا مجھے،اس نے چاہا مجھے

اس نے ٹھکرا دیا،وقت کی بات ہے۔۔

 

[سارہ خان]

مت ڈھونڈ اپنی قسمت کو ہاتھوں کی لکیروں میں
قسمت انکی بھی ہوتی ہے، جنکے ہاتھ نہین ہوتے

بہت خوب ۔۔۔

 

[زینب]

شکریہ سس۔۔۔۔۔۔۔۔۔۔۔۔۔۔۔۔

 

[شمشاد]

آخر ہماری خاک بھی برباد ہوگئی
اُس کی ہوا میں ہم پہ تو بیداد ہوگئی

دل کس قدر شکستہ ہوا تھا کہ رات میر
آئی جو بات لب پہ سو فریاد ہو گئی
(میر تقی میر)​

 

[زینب]

بچھڑا کچھ اس ادا سے کے رت ہی بدل گئی

اک شخص سارے شہر کو ویران کر گیا

 

[شمشاد]

بات شکوے کی ہم نے گاہ نہ کی
بلکہ دی جان اور آہ نہ کی

گُل و آئینہ ماہ و خور کن نے
چشم اُس چہرے پر سیاہ نہ کی
(میر تقی میر)​

 

[زینب]

بھٹک بھٹک کے اسے ڈھونڈتے پھرومحسن

وہ درمیان یقین وقیاس رہتہ ہے۔۔۔۔۔۔۔۔۔

 

[شمشاد]

جو آنسو پی گیا میں آخر کو میر اُن نے
چھاتی جلا جگر میں اک آگ جا لگائی
(میر)

 

[زینب]

آشنا درد سے ہونا تھا کسی طور ہمیں

تو نہ ملتا تو کسی اور سے بچھڑے ہوتے

 

[شمشاد]

کیا کروں شرح خستہ جانی کی
میں نے مر مر کے زندگانی کی

حالِ بد گفتنی نہیں میرا
تم نے پوچھا تو مہربانی کی
(میر)

 

[زینب]

بھولتا کون ھے

عمر کی شاخ پے کھلنے والی اس اک اولین شام کو

بے سبب جو لگا اس الزام کو

پھر تیرے نام کو

بھولتا کون ھے

 

[شمشاد]

آج کل بے قرار ہیں ہم بھی
بیٹھ جا چلنے ہار ہیں ہم بھی

آن میں کچھ ہیں آن میں کچھ ہیں
تحفۂ روزگار ہیں ہم بھی

منع گریہ نہ کر تُو اے ناصح
اس میں بے اختیار ہیں ہم بھی

مدعی کو شراب ہم کو زہر
عاقبت دوستدار ہیں ہم بھی

گرز خود رفتہ ہیں ترے نزدیک
اپنے تو یادگار ہیں ہم بھی

میر نام اک جواں سنا ہوگا
اُسی عاشق کے یار ہیں ہم بھی
(میر تقی میر)​