میرے پسندیدہ اشعار

[محمد عبدالرؤوف]

حضور حق میں اسرافیل نے میری شکایت کی
یہ بندہ وقت سے پہلے قیامت کر نہ دے برپا
علامہ اقبال

 

[محمد عبدالرؤوف]

کوئی میرے دل سے پوچھے ترے تیرِ نیم کش کو
یہ خلش کہاں سے ہوتی، جو جگر کے پار ہوتا

مرزا غالب

 

[شمشاد]

خود کو بکھرتے دیکھتے ہیں کچھ کر نہیں پاتے ہیں
پھر بھی لوگ خداؤں جیسی باتیں کرتے ہیں
(افتخار عارف)

 

[محمد عبدالرؤوف]

کترنیں غم کی جو گلیوں میں اُڑی پھرتی ہیں
گھر میں لے آؤ تو انبار سا لگ جاتا ہے

احمد فراز

 

[شمشاد]

خواب کی طرح بکھر جانے کو جی چاہتا ہے
ایسی تنہائی کہ مر جانے کو جی چاہتا ہے
(افتخار عارف)

 

[شمشاد]

اپنے جلنے میں کسی کو نہیں کرتے ہیں شریک
رات ہو جائے تو ہم شمع بجھا دیتے ہیں
(صبا اکبرآبادی)

 

[شمشاد]

غم کے بھروسے کیا کچھ چھوڑا کیا اب تم سے بیان کریں
غم بھی راس آیا دل کو اور ہی کچھ سامان کریں
میراجی

 

[شمشاد]

نگری نگری پھرا مسافر گھر کا رستا بھول گیا
کیا ہے تیرا کیا ہے میرا اپنا پرایا بھول گیا
میراجی

 

[شمشاد]

عمر بھر چل کے بھی پائی نہیں منزل ہم نے
کچھ سمجھ میں نہیں آتا یہ سفر کیسا ہے
سلیمان خمار

 

[شمشاد]

جو کہتا تھا زمیں کو میں ستاروں سے سجا دوں گا
وہی بستی کی تہ میں رکھ گیا چنگاریاں اپنی

احمد وصی

 

[سیما علی]

دوستی کو برا سمجھتے ہیں
کیا سمجھ ہے وہ کیا سمجھتے ہیں

نوح ناروی

 

[سیما علی]

ذوقؔ جو مدرسے کے بگڑے ہوئے ہیں ملا
ان کو مے خانے میں لے آؤ سنور جائیں گے

ابراہیم ذوق

 

[سیما علی]

مانعِ وحشت خرامی ہائے لیلےٰ کون ہے؟
خانۂ مجنونِ صحرا گرد بے دروازہ تھا

مرزا غالب

 

[سیما علی]

وہ مجھ سے خفا ہے تو اسے یہ بھی ہے زیبا
پر شیفتہ میں اس سے خفا ہو نہیں سکتا

مصطفیٰ خان شیفتہ

 

[سیما علی]

پھونک کر بانسری میں آگ اک بار
گانے والے سرودِ باراں گا

امجد مجید

 

[سیما علی]

عشق سے طبیعت نے زیست کا مزا پایا
درد کی دوا پائی درد بے دوا پایا

مرزا غالب

 

[سیما علی]

• عشق نازک مزاج ہے بے حد
  عقل کا بوجھ اٹھا نہیں سکتا

اکبر الہ آبادی

 

[سیما علی]

کون سی جا ہے جہاں جلوۂ معشوق نہیں
شوقِ دیدار اگر ہے تو نظر پیدا کر

امیر مینائی

 

[شمشاد]

واہ کیا راہ دکھائی ہے ہمیں مرشد نے
کر دیا کعبے کو گم اور کلیسا نہ ملا
اکبر الہ آبادی

 

[سیما علی]

وہیں سے عشق نے بھی شورشیں اڑائی ہیں
جہاں سے تو نے لیے خندہ ہائے زیر لبی


اصغرگونڈوی