میرے پسندیدہ اشعار

[سیما علی]

یہی فرماتے رہے تیغ سے پھیلا اسلام
یہ نہ ارشاد ہوا توپ سے کیا پھیلا ہے

اکبر الہٰ آبادی

 

[خالد محمود چوہدری]

مٹا سکی نہ انہیں روز و شب کی بارش بھی
دلوں پہ نقش جو رنگ حنا کے رکھے تھے
حصول منزل دنیا کچھ ایسا کام نہ تھا
مگر جو راہ میں پتھر انا کے رکھے تھے
امجد اسلام امجد

 

[سیما علی]

تمہیں چاہوں، تمہارے چاہنے والوں کو بھی چاہوں
مرا دل پھیر دو، مجھ سے یہ جھگڑا ہو نہیں سکتا

مضطر خیر آبادی

 

[سیما علی]

مٹا سکی نہ انہیں روز و شب کی بارش بھی
دلوں پہ نقش جو رنگ حنا کے رکھے تھے
حصول منزل دنیا کچھ ایسا کام نہ تھا
مگر جو راہ میں پتھر انا کے رکھے تھے
امجد اسلام امجد

واہ بہت خوب

 

[سیما علی]

مٹا سکی نہ انہیں روز و شب کی بارش بھی
دلوں پہ نقش جو رنگ حنا کے رکھے تھے
حصول منزل دنیا کچھ ایسا کام نہ تھا
مگر جو راہ میں پتھر انا کے رکھے تھے
امجد اسلام امجد

پیڑ کو دیمک لگ جائے یا آدم زاد کو غم
دونوں ہی کو امجد ہم نے بچتے دیکھا کم

 

[سیما علی]

اُس کی نگاہِ لُطف نہیں ہے، تو کچھ نہیں
امجد یہ سب کمال بھی، صاحبِ کمال بھی

امجد اسلام امجد

 

[شمشاد]

جھک کر سلام کرنے میں کیا حرج ہے مگر
سر اتنا مت جھکاؤ کہ دستار گر پڑے
اقبال عظیم

 

[شمشاد]

محبت رنگ دے جاتی ہے جب دل دل سے ملتا ہے
مگر مشکل تو یہ ہے دل بڑی مشکل سے ملتا ہے
جلیل مانک پوری

 

[شمشاد]

قدم مے خانہ میں رکھنا بھی کار پختہ کاراں ہے
جو پیمانہ اٹھاتے ہیں وہ تھرایا نہیں کرتے
نشور واحدی

 

[شمشاد]

وفا کریں گے نباہیں گے بات مانیں گے
تمہیں بھی یاد ہے کچھ یہ کلام کس کا تھا
داغؔ دہلوی

 

[شمشاد]

خود کو بکھرتے دیکھتے ہیں کچھ کر نہیں پاتے ہیں
پھر بھی لوگ خداؤں جیسی باتیں کرتے ہیں
افتخار عارف

 

[شمشاد]

کس نے بھیگے ہوئے بالوں سے یہ جھٹکا پانی
جھوم کے آئی گھٹا ٹوٹ کے برسا پانی
آرزو لکھنوی

 

[شمشاد]

آپ ہی کی ہے عدالت آپ ہی منصف بھی ہیں
یہ تو کہیے آپ کے عیب و ہنر دیکھے گا کون
(منظر بھوپالی)

 

[م.ع.راشد]

ناکامئ اربابِ خرد دیکھ چکاہوں
فرزانہ میں بنتا کوئ دیوانہ ہوا تھا!​

 

[م.ع.راشد]

پریشاں رات ساری ہے ستارو تم تو سوجائو
سکوتِ مرگ طاری ہے ستارو تم تو سوجائو

 

[شمشاد]

دل کی ضدتھی کہ شکایت نہیں کرنی ورنہ
تم سے تو وہ گلے ہیں کہ ،،، بس رہنے دو
(نامعلوم)

 

[شمشاد]

تیری یادیں کانچ کے ٹکڑے
اور میرا دل، ننگے پاؤں
(نامعلوم)

 

[م.ع.راشد]

اندازِ کرم خوب، بہت خوب ہے لیکن
بن بن کے بگڑنے کی اد اور ہی کچھ ہے!
(زکی کیفی مرحوم)

 

[شمشاد]

اندازِ کرم خوب، بہت خوب ہے لیکن
بن بن کے بگڑنے کی اد اور ہی کچھ ہے!
(زکی کیفی مرحوم)

م.ع.راشد اردو محفل میں خوش آمدید۔

اپنا تعارف تو دیں، تاکہ دیگر اراکین اردو محفل آپ سے متعارف ہو سکیں۔

 

[شمشاد]

تنہا وہ آئیں جائیں یہ ہے شان کے خلاف
آنا حیا کے ساتھ ہے جانا ادا کے ساتھ
جلیل مانک پوری