میرے پسندیدہ اشعار

[سیما علی]

صبا تو کیا کہ مجھے دھوپ تک جگا نہ سکی
کہاں کی نیند اُتر آئی ہے ان آنکھوں میں

پروین شاکر

 

[سیما علی]

شہر کو تیری جستجو ہے بہت
ان دنوں ہم پہ گفتگو ہے بہت

پروین شاکر

 

[سیما علی]

وہ جب آئے گا تو پھر اُس کی رفاقت کے لیے
موسمِ گُل مرے آنگن میں ٹھہر جائے گا

پروین شاکر

 

[سیما علی]

اے مادر گِیتی! تیری حیرت بھی بجا ہے
تیرے ہی نہ کام آیا تو سر کِس کے لئے تھا

پروین شاکر

 

[سیما علی]

بے فیض رفاقت میں ثمر کِس کے لئے تھا
جب دھوپ تھی قسمت میں تو شجر کِس کے لئے تھا

پروین شاکر

 

[سیما علی]

اب تو جاتے ہیں بت کدے سے میرؔ
پھر ملیں گے اگر خدا لایا

میر تقی میر

 

[شمشاد]

جب ذرا رات ہوئی اور مہ و انجم آئے
بارہا دل نے یہ محسوس کیا تم آئے
اسد بھوپالی

 

[مومن فرحین]

زندگی کیا ہوئے وہ اپنے زمانے والے
یاد آتے ہیں بہت دل کو دکھانے والے
اجنبی بن کے نہ مل عمر گریزاں ہم سے
تھے کبھی ہم بھی ترے ناز اٹھانے والے
کس سے پوچھوں یہ سیاہ رات کٹے گی کس دن
سو گئے جا کے کہاں خواب دکھانے والے
اختر سعید

 

[سیما علی]

ہم بھی غالب کی طرح کوچہِ احباب سے محسنؔ
نہ نکلتے تو کسی روز نکالے جاتے!!!!!!!!!!!!!!!

 

[سیما علی]

اتنی ہی دشوار اپنے عیب کی پہچان ہے
جس قدر کرنی ملامت غیر کو آسان ہے
الطاف حسین حالی

 

[سیما علی]

غنچے تری زندگی پہ دل ہلتا ہے
بس ایک تبسم کے لئے کھلتا ہے
غنچے نے کہا کہ اس چمن میں بابا
یہ ایک تبسم بھی کسے ملتا ہے !

جوش ملیح آبادی

 

[سیما علی]

دھڑکا لگا نہ ہو تو مزا کیا گناہ کا!!!!!!!!!!!!!
لذت ہی اور ہوتی ہے چوری کے مال میں

یاس یگانہ

 

[سیما علی]

تو اگر سن نہیں پایا تو مجھے غور سے دیکھ
بات ایسی ہے کہ دہرائی نہیں جائے گی

فیضی

 

[سیما علی]

ہے تار تار مرے اعتماد کا دامن
کِسے بتاؤں کہ میں بھی امین رکھتا تھا

محسن بھوپالی

 

[سیما علی]

نگارِ وقت اب اسے لہو سے کیا چمن کریں ؟
یہ دستِ جاں کہ ہانپتا رہا سراب اوڑھ کر
لَبوں کے حرفِ نرم کی تپش سے مَت جگا اِسے
یہ دِل تو کب کا سو چُکا " ردائے خواب" اوڑھ کر
محسن نقوی

 

[سیما علی]

ان کی متاعِ ناز کا مجھ سے یہ مان تھا کہ آپ
عمر گزار دیجیے عمر گزار دی گئی!!!!!!!!!!!!!!!

جون ایلیا

 

[سیما علی]

روز تاروں کی نمائش میں خلل پڑتا ہے
چاند پاگل ہے اندھیرے میں نکل پڑتا ہے
اُس کی یاد آئی ہے سانسو ذرا آہستہ چلو
دھڑکنوں سے بھی عبادت میں خلل پڑتا ہے
(راحت اندوری)

 

[سیما علی]

چاہتا ہوں میں منیر اس عمر کے انجام پر
ایک ایسی زندگی جو اس طرح مشکل نہ ہو

منیر نیازی

 

[سیما علی]

ہجرِ بے موت کو تسلیم کئے لیتے ہیں
ہم خیالات کی تکفین کئے لیتے ہیں
بات تو سجدہء جذباتِ جنوں خیز کی ہے
یار کے یار کی تعظیم کئے لیتے ہیں
چاند پر زور نہیں دل تو ہے بس میں اپنے
تم کہو تو یہی دو نیم کئے لیتے ہیں

(فرحت عباس)

 

[سیما علی]

ظلم یہ ہے کہ یکتا ہے تری بیگانہ روی
لطف یہ ہے کہ اب تک تجھے اپنا سمجھوں

(احمد ندیم قاسمی)