میرے پسندیدہ اشعار

[سیما علی]

ہم زانوے تامل وہم جلوہ گاہ گل
آئینہ بند خلوت و محفل ہے آئینہ

(غالب

 

[سیما علی]

زبس کہ یار نے خلوت کو بار عام کیا
خبر کہے ہے ہر اک بے خبر ٹھکانے کی

(قائم)

 

[شمشاد]

میں، اور اس کو بھولوں ناصر، کیسی باتیں کرتے ہو
صورت تو پھر صورت ہے، وہ نام بھی پیارا لگتا ہے
(ناصر کاظمی)

 

[سیما علی]

ظالم تھا وہ اور ظلم کی عادت بھی بہت تھے
مجبور تھے ہم اس سے محبت بھی بہت تھی

کلیم عاجز

 

[شمشاد]

ہوتی ہے تیرے نام سے وحشت کبھی کبھی
برہم ہوئی ہے یوں بھی طبیعت کبھی کبھی
(ناصر کاظمی)

 

[سیما علی]

آنکھیں جو ہوویں تیری تو تو عین کر رکھے
عالم تمام گروہ نہیں تو یہ سب ہے کیا

(میر تقی میر)

 

[سیما علی]

عین مستی میں ہمیں دید فنا ہے انشا
آنکھ جب موندتے ہں سیر عدم کرتے ہیں

(انشا

 

[شمشاد]

بھلاتا لاکھ ہوں لیکن برابر یاد آتے ہیں
الٰہی ترک الفت پر وہ کیونکر یاد آتے ہیں

حقیقت کھل گئی حسرتؔ ترے ترک محبت کی
تجھے تو اب وہ پہلے سے بھی بڑھ کر یاد آتے ہیں
(حسرت موہانی)

 

[شمشاد]

تم اپنے چاند تارے کہکشاں چاہے جسے دینا
مری آنکھوں پہ اپنی دید کی اک شام لکھ دینا
(زبیر رضوی)

 

[شمشاد]

ہم بچھڑ کے تم سے بادل کی طرح روتے رہے
تھک گئے تو خواب کی دہلیز پر سوتے رہے
(زبیر رضوی)

 

[سیما علی]

آتے جاتے موسموں کا سلسلہ باقی رہے
روز ہم ملتے رہیں اور فاصلہ باقی رہے

سرور عثمانی

 

[شمشاد]

راستہ ہے کہ کٹتا جاتا ہے
فاصلہ ہے کہ کم نہیں ہوتا
قابل اجمیری

 

[سیما علی]

جو گزاری نہ جا سکی ہم سے
ہم نے وہ زندگی گزاری ہے
جون ایلیا

 

[سیما علی]

موت کا بھی علاج ہو شاید
زندگی کا کوئی علاج نہیں

فراق

 

[سیما علی]

زندگی شاید اسی کا نام ہے
دوریاں مجبوریاں تنہائیاں

سیماب اکبرآبادی

 

[شمشاد]

اپنے جلنے میں کسی کو نہیں کرتے ہیں شریک
رات ہو جائے تو ہم شمع بجھا دیتے ہیں
صبا اکبرآبادی

 

[شمشاد]

سرخی شفق کی زرد ہو گالوں کے سامنے
پانی بھرے گھٹا ترے بالوں کے سامنے
منیرؔ شکوہ آبادی

 

[شمشاد]

بس ایک شام کا ہر شام انتظار رہا
مگر وہ شام کسی شام بھی نہیں آئی
اجمل سراج

 

[شمشاد]

سورج ہوں زندگی کی رمق چھوڑ جاؤں گا
میں ڈوب بھی گیا تو شفق چھوڑ جاؤں گا
اقبال ساجد

 

[شمشاد]

فرازؔ ترک تعلق تو خیر کیا ہوگا
یہی بہت ہے کہ کم کم ملا کرو اس سے
احمد فراز